Itaia 24:8 - Te B'aib'ara

⁸ Bon akea ae e manga katanga taian timbere ke b'aai n katangitang aika taian karai; a bane n toki taian karongoaa ni kukurei.

Itaia 24:8 ပူးပေါင်းရင်းမြစ်များ

Iobi 3:7

Karikia b'a te bong ae kanoabo ae akea te kakukurei i nanona.

Iobi 30:31

I ongongo ngkoa taian anene aika kakukurei, ma ngkai I a ti ongo kuuna aika kananokawaki.

Taian Areru 137:2

Ti katikui n aki kani katang ara b'ai ni katangitang.

Itaia 16:10

ke taiani kim'areirei ao taai ni kukurei, ngkana e tabe ni uotakimai uaan te tawaana. A tia n nako taian anene ao taian takaarua man te nne n aroka ni kureebe. A na akea manga taiani takaakaa ni kukurei ngkana a kamantaki taiani kureebe. E a tia ni katoki b'anaa ni kabane te Atua.

Itaia 5:12

Iai taiani b'aini katangitang aika taiani karai i nanon tain ami mooi ni kukurei, n reitaki ma taian timbere ao taian kaib'ab'aa. Ma kam tuai man iangoi b'aai ni kabane aika e a tia ni karaoi te UEA,

Itaia 5:14

E a tia ni kabanea uren wiina abaia maate ao e a bora n tataningaia taani kairiiri mai Ierutarem ma aia botannaomata aika a kakarongoa, ai moaraara riki koraki ake a kamoamoaaki n te kaawa are e buubura arei.

Ieremia 16:9

Kauringiia kaain Iuta b'a N na katoki aia bootaki ni kukurei ma aia botaki ni mare Ngai ae te UEA ae Moan te M'aaka.

Ieremia 25:10

N nang katoki ami baka ni kukurei ma bootaki ni mare; akea riki ae e na manga kamanta te uita ke ni mena ikai ni kaura te taura n te bong.

Ieremia 7:34

Ngkana e a bane te b'ai are N na karaoia nakon abami, ao ane e na akea te b'anaa ae e konaa n ongo te aba ni b'ain nako Ierutarem ake a uruaki ma kaawan Iuta, akea te b'anaa ni kukurei, akea b'anaan te bootaki ni kukurei ke karongoaan te bootaki ni mare.

B'aeb'aeti 5:14

A akea karinean aia moti unim'aane ni mataroan te kaawa, e a toki naba te katangitang irouia rorobuaka n ataei.

Etekiera 26:13

Bon akea riki bukina b'a kam na anene ke ni katangitang n taian aabi,

Etekiera 28:13

Ko maeka n te nne n aroka ao ko katokai i aom b'aai ni katamaroa aika a karaoaki n te atiibu ae e tamaroa ae e bati matana ao atiibu aika a tamaroa. A bane ni karaoaki n te koora ao a katauraoaki i bukim n te bong are ko bungiaki iai.

Otea 2:11

N na katoki ana bukamaru Iteraera akea riki manga te Toa ae Moan Otin Nam'akaina, Taian Taabati, ke taian toa ake tabeua.

Amota 6:7

ma ngaia ae kam na riki b'a moan aomata ngkami ni kairaki nako b'a taenikai. A na mauna ami bootaki ma ami baka.

Te Kaotioti 18:22

Ao aomata a na aki manga ongo i nanom tangin taian aabi, ma b'anaaia aika rabakau n anene, ma tangini b'aai ni katangitang aika kaib'ab'aa, ma tangin taiani bu; ao e na bon aki manga noraki naba i nanom te aomata ae te tia karaoi b'aai aika tamaroa mani b'aai n aekaia nako, ao ai uana naba ma karongoaan te atibu n ii b'araua.