Itaia 24:6 - Te B'aib'ara

⁶ E a b'akaraki te aonnaba n te maraia; a mate aomatana i bukin aia bure.

Itaia 24:6 ပူးပေါင်းရင်းမြစ်များ

2.Uea 24:12

E waekoa Ieoiakin n taenikai, ni ikotaki ma tinana ao ana taani m'akuri, ao ai uana naba ma ana aobitia n te taanga ni buaka, ao a na mataniwi. Ao e katika Ieoiakin te uea are Nebukaneta. A riki baikai n ana kawanua n ririki Nebukaneta n tautaekana B'aburon.

2.Uea 25:12

A ti katukaki tabeman aomata aika a rangi ni kainano b'a taan ribanai taian nenaroka ni kureebe, ao taian tawaana.

Itaia 1:31

A na riki ami taani kairiiri b'a kaanga kaai aika a m'auteretere ae a kareaki aon te ai irouia aia bouannanti. A na bon akea ae e na konaa ni buobuoki, ngke a bane n urarake.

Itaia 1:9

E na riai n tia ni mauna nako Tion kaanga Tootom ma Komora,

Itaia 34:5

Ngke e a tia ana kabaang te UEA ni karaoa te b'ai are e tangiria nakon taiani karawa aika i eta, ao e na ruo i aon Etom, te botannaomata are e a tia te UEA ni motikitaekaia nakon te b'aka.

Itaia 43:28

Ao bon anne bukina ngkai I aki kariaia ami ibonga b'a a na m'akuri ibuku; E na kamaunaaki Iteraera ao a na kamaamaaeaki ami aomata.

Itaia 5:24

Kam na urarake kaanga te b'ab'ati ni uteute! Kam a tia ni katinanikua ana reirei te UEA ae e tabu ae Atuan Iteraera ae Moan te M'aaka. Ngaia ae ngkai, a na mka wakaami, ao a na riki ni bubu nako ueemi.

Itaia 9:19

E rangi ni un te UEA ae Moan te M'aaka ao e kabonganaiia b'a kaanga te b'aa ni kanaiai are e tiringa aon te aba. A manga bon rairi buareia i bon irouia

Ieremia 12:4

A na maanra riki te tai ae e na tiku iai te tano ni m'auteretere ao ni b'atakataka taabo n uteute? Ane a na mate mannikiba ma maan nako ao a aki manga oki. Ao a bane n riki baikai ni kabane i bukin aia bure Iteraera. A boni kakaniko naba ni kaangai, “E aki noora te bure ae ti karaoia te Atua.”

Ieremia 5:14

Bon te UEA Ngai ae te Atua ae Moan te M'aaka. Ieremia, I tuangko raoi te b'ai ae ko riai n taekinna. A na riki am taeka b'a taian ai; ao a na riki Iteraera ao Iuta b'a te b'a ni kauraura.

Etekiera 5:3

Taui tabeua iram ao niiri i nanon rabin am kunnikai.

Nakoaia Ibonga 26:22

N na kanakoi man aika kawakawa aika a kaakang b'a a na buakaningkami, a na kaniia natimi ma ami naa ni man aika kawakawa nako. Ma ngaia are, a na tii tabeman ami koraki n tiku n te aro ae e na aki bongana te kawai.

Maraki 2:2

E raoiroi riki ngke kam kamanenaa raoi karinean arau. B'a rimwi, kam anga te kakab'aia, ao N na onikia nakon te kamaraia. N etina, I a tia ni karaoa aei, i bukina ngke kam taua ma nanomi ni karaoa ami m'akuri n ibonga.

Maraki 3:9

Ao anne bukina ngkai e maraia ami botannaomata ni kabane.

Maraki 4:1

E na bon roko te bong ni motikitaeka. Ao e na riki b'a kaanga te ai ae e korakora ae kabuebue ma urana ae e kab'atataia aomata aika a kainikatonga ao aikai taani bure, b'a kaanga ai aron te b'ariko n uteute. Bon akea m'angana ke wakaana ae na tiku. Bon aei au taeka Ngai ae te UEA ae Moan te M'aaka’

Maraki 4:6

E na kairiia ataei ma aia karo b'a a na kakorakoraa riki tangiraia i bon irouia, b'a e aonga n ae I aki karokoa te kanganga nakon te aba ngkana I roko.

Mataio 27:25

Ao a bane ni kaeka aomata ni kangai, “E na mena i aora, ao i aoia ara kariki, te bukinaki i bukini matena!”

Mataio 7:14

B'a e wariki te mataroa, ao e irariki te kawai are nako n te maiu, ao a karako akana kunea te kawai anne.

I-Rom 9:27

Ao Itaia e taekiniia Iteraera ni kaangai, “Ai aron tanon te bike i rarikin taari m'aitiia natin Iteraera, ma ti tabeman mai buakoia aika na kamaiuaki.

Te Tua-Kaua 28:62

A rangi ni m'aiti ami koraki n aron itoin karawa n aron ae kam bon ataia, ma ngkana kam aki ongotaeka nakon te UEA ae Atuami, ao a na karako nikirami n tiku ni maiu.

Te Tua-Kaua 4:27

Bon ti tabeman mai buakomi aika a na maiu, ao E na kanakoingkami te UEA man te aba, ao E na kamaenakoingkami i buakoia botannaomata.

2.Betero 3:10

Ma ane e na roko ana bong te Uea n ai aron rokon te tia iraa; n te bong anne ao e na mauna iai karawa ma te rurunga ae korakora, ao a na bue b'aai ma ni mauna nako aroia; ao aonnaba ma kanoana a na kuneaki.