Itaia 24:5 - Te B'aib'ara

⁵ E a kam'araa te aonnaba i bukiia aomatana aika a aki ongotaeka nakon ana tua nako te Atua, ma n urui aia booraraoi are akea tokiia.

Itaia 24:5 ပူးပေါင်းရင်းမြစ်များ

2.Tamuera 23:5

I a tia n tautaeka n te aro aei, ao E na bon aki kona n urua Ana berita nako iu. E a tab'anin raoi ana berita te Atua ao E aki konaa ni manga bitaki; E na bon teimatoa ni buokai ma n anganai te b'ai ae I kantaningaia.

2.Uea 21:12

Ma ngaia ae ngkai, N nang kamaunaa Ierutarem ma Iuta Ngaia ae te UEA ae Atuan Iteraera. A na ongo rongorongona aomata ao a na aki kakoaua.

2.Uea 21:15

A tia ni karaoi b'aai aika I ribai au Aomata ao a bon teimatoa naba ni kamaraka nanou ni moa man te tai are a kiitana iai Aikubita aia bakatibu.

2.Rongorongo 33:9

Ma a ongo kaain Iuta ma Ierutarem iroun Manate ao a karaoi riki taian bure aika a rangi ni buakaka nakon are a karaoia taiani botannaomata ake e kakioia nako ngkoa te UEA.

Taian Areru 105:10

Are E kamatoa nakon Iakob'a b'a te tua, b'a te boraraoi ae akea tokina:

Taian Areru 55:5

I rurubenebe b'a I maaku; E taonai korakoran angin te maaku.

Itaia 10:6

n oreia ni kab'akaia ngkami aomata aika taan onimakiniia anti. I un iroumi, ao N na kanakoia b'a a na buakaningkami. E na anai b'aai aika e tangiri ao e na toubekaingkami kaanga taiani bokaboka ake i nanon kawain nukan te kaawa.

Itaia 30:9

A tia ni kaaitaraa te UEA ao a aki konaa n onimakinaki. A tia n rawa nakon ana taeka n reirei

Itaia 33:8

Akea riki ae e a manga m'am'ananga; akea kaain taiani kawai. A uruaki taian boraraoi i bukin te rau ao akea aaro ni karinerine aika kaotaki nakoia aika kawakin berita.

Itaia 50:1

E taku te UEA, “Ataei, I aki kaaka tinami ke ni kabooa nako i bukin kab'araan taian taarau; I kaakiia ao ni kabooa nako i bukin ami bure.

Itaia 9:17

E a un te UEA irouia ana Aomata ao e bon teimatoa naba ni katuuaia, i bukina ngke a tia ni kaaitaraa. A buakaka ao a taetae n nanobaba. Ao bon anne bukina are e aki nanoangaiia aia roronrikirake ke aia aine aika a tia ni mate buuia ao ataei aika akea aia karo.

Ieremia 11:10

A a bon tia naba ni bure n aroia aia bakatibu, n aroia ngke a rairakinako mairou ao a manga taromauriia anti tabem'aang. E a tia te abanuea meang are Iteraera n urua te boraraoi are I karaoia ngkoa ma aia bakatibu, ao ngkai e a manga karaoa naba anne te abanuea maiaki are Iuta.

Ieremia 50:5

Ane kam na titiraki i bukin te kawai nako Tion ao i mwiina kam na roko ao kam na raonai ni karaoa te boraraoi ae kam aki urua ke ni m'aninga.

Etekiera 16:59

Ierutarem, ko bon riai ni katuaaeaki, b'a ko urua am berita ao ko kaaki taekan ara boraraoi.

Etekiera 20:13

Ma a kakaitaraai Iteraera i nanon te rereua. A rawa n iri nanon au Tua ma au Reirei nako, ao a karaoa te Taabati b'a kaanga te bong n aki akaaka. Ao I a baaireia b'a N na kamaunaia Iteraera n te rereua ae Au moan tai ni kamaunaia ao ai Au kabanea naba.

Etekiera 20:24

i bukina b'a a tia n aki iri nanon au Tua ao a katinanikui au Reirei nako; a kamatauningaa Au Taabati ao a taromauri taiani bouannanti ake karaoaki irouia aia bakatibu.

Etekiera 37:26

I berita raoi b'a N na kakab'aiaia Iteraera n te rau ae akea tokina. N na kakawakiniia ma ni karikiia b'a te botannaomata ae e korakora. E na tei au Tembora i aon Iteraera n taai nako,

Taniera 7:25

E na taetae n eekaanako te Atua ae Moan te M'aaka, ao e na karawawataia ana Aomata te Atua. Ao e na kataia ni bita tuan ma botakin aia aro, ao a na mena ana Aomata te Atua i aani m'aakana i nanon tenua ma te iterana te ririki.

Taniera 9:10

Ti aki kan ongo Iroum, te Atua ae te UEA, ngkana Ko tuangiira b'a ti na maiu i nanon am Tua ake Ko a tia n anganiira i nanoia am toro ake burabeti.

Taniera 9:5

Ti a tia ni bure, Ti a tia ni karaoa ae e buakaka, ma ni karaoi baika a kaairua. Ti a tia n aki butim'aai baike Ko tua b'a ti na karaoi man tannako mani baike a eti ake Ko a tia ni kaoti nakoira.

Otea 6:7

Kam kam'aneai ngke kam urua ara boraraoi, n te tabo are e aranaki b'a Atam.

Nakoaia Ibonga 20:22

Ongotaeka nakon au tua ma au reirei nako. Rimwi e na rangi n aoraki te aba are I anganingkami ao e na kona n tewenakoingkami.

Nakoaia Ibonga 26:35

Ngkai buure ngkami n te aba ae kam ianena iai, ao oin abami a na kukurei mani motirawa, b'a e aki reke i rouia ngkoa ni katoa itiua te ririki ngke kam mena iai.

Mika 2:10

Teirake ao naako; bon akea ae e kona ni manga reke maiuna ikai, b'a N nang karokoa te kanganga ae ab'ab'aki i aon Ierutarem i bukin ami bure.

Ruka 1:6

Ao a b'aina te maiu ae raoiroi Takaaria ma Nei Eritabeta i matan te Atua n aroia n tou mwin ana tua ma ana moti nako te Uea n aki bubure iai.

Te Tua-Kaua 32:15

Iteraera, ngke kam a marikarika, ao kam a kakaitaraa te UEA are ami Tia Karikib'ai; kam rawa nakon te B'a ae Korakora, are bon ti Ngaia ami tabo n rawei maiumi.

Te Tua-Kaua 32:20

ao E taku, Kam aki kakaonimaki, ao bon akea onimakinakimi. Ma ngaia are, N na aki kaekaa ami tataro; N nangi bon ti mamataku naba ma n taratarai b'aai aika na riki nakoimi.

Ebera 13:20

Ao te Atua, ae mai Rouna te raoi, are kaira rake mai buakoia maate ara Uea are Iesu, are te Tia Kawakin tiibu are kakannato, are e kabonganaki raraana i bukini karaoan te boraraoi are aki toki,

Ebera 9:1

Bon iai tuua n te moa ni boraraoi i bukin te taromauri, ao te tabo naba n taromauri ae b'ain aon te aba.

Iotua 23:16

E na bon orei ngkami te UEA ao kam na waekoa ni mauna nako n akea nikirami n tiku n te aba ae raoiroi aei, ae E a tia n anganingkami, ngkana kam aki kaawakina ami raoiroi ma te UEA ae Atuami, ao ngkana kam taromauriia naba anti tabem'aang.”

Iotua 24:25

Ao e karaoa te boraraoi Iotua i bukiia aomata ma te UEA n te bong arei, ao e anganiia taian tua ma kawai ake a na riai n iri nanoia.