Itaia 24:3 - Te B'aib'ara

³ E na kanakoaki ni kakeaaki te aonnaba ao e na tiku n aron anne. Bon anne ana berita te UEA.

Itaia 24:3 ပူးပေါင်းရင်းမြစ်များ

2.Rongorongo 36:21

E a riki Iuta b'a te rereua ae akea kaaina, ao e tiku n arona anne ni karokoa itibwi te ririki, ni kakororaoi ririki ni kabane ake e aki kariaiakaki b'a e na motirawa iai. A riki baikai n aron are e tia n taekinna

Itaia 21:17

A na ti tabeman nikiraia aia taani buaka ma aia kainikatebe ao aia kanoa nikatebe. Bon te berita te b'ai aei ae I a tia ni karaoia Ngai ae te UEA ae Atuan Iteraera.

Itaia 22:25

E a rangi ni nim ni matoa te b'ai ni katinetine anne, ma ane e na ioioaki ni kamatanaaki ma ni kab'akaaki n te bong teuana. Ao a na bane n uruaki b'aai ni kabane akana a tinetine iai. Bon anne ana berita te UEA ae Moan te M'aaka.

Itaia 24:1

E nang minota te aonnaba te UEA n urua teina ma n onikia nakon te rereua. A na bane ni maae nako aomata nako,

Itaia 24:2

n reitaki ma ake bon aomata ao taiani ibonga, tooro ao tooro ake aia taani m'akuri taani b'aib'ai, taani kaboob'ai ao taani kabonako b'aai, taani kairiiri ao taan tangob'ai, kaub'ai ao ake a maiu ni kainano.

Itaia 24:4

E a bane tain te aonnaba; a na mauna nako ana taani kairiiri n riki n akea manenaia.

Itaia 42:22

Ma a m'ane n te b'ainikam'ane ana aomata ao a kabureaki n taiani b'angab'anga aika akea ae konaa ni kamaiuia mai iai. A uotaki nako aia b'ai ni kabane, ao bon akea ae e kukurei ni manga kaoki.

Itaia 5:6

E na onikaki nakon te rereua, e na aki kaitiakaki m'aanga ma aroka aika karib'aa; E na onrake ni kaai aika a kateketeke ao akanta. N na tuangiia taian nang b'a a na aki karokoa te karau.

Itaia 6:11

Ao i mwiina, I a titirakina te UEA ni kaangai, “A toki n ningai baikai?” Ao e kaeka te UEA: Ni karokoa a mauna nako aia kaawa nako ao a rereua aia auti, ni karokoa akea kanoan aia tawaana,

Ieremia 13:15

Kaain Iuta, ko na aki rangi ni kainikatonga ngkana ko ongora nakon te b'ai ae e taekinna te UEA.

Etekiera 36:4

Ma ngaia ae kam na bane n ongora ngkami aika maunga ao tabuki, raanga n ran ma m'arua, nakon te b'ai ae I karaoia. A na wene n uruaki ami kaawa nako, ao a na bae ni ngare ma ni kamamaaingkami botannaomata nako.

Mika 2:4

Ngkana e roko te tai arei, ao ane a na taetaekina rokon te kangaanga iroumi aomata b'a te b'ai ni kabootau. Ane a na anene ni karawaawata ae kam a tia n ri nanona ae e kaangai, A uruaki ara b'ai ni bane. E a tia n anai abara te UEA. Ao E anganiia ake a kataenikaira.

Mika 4:4

E a tia ni berita te UEA ae moan te m'aaka b'a a na bane ni maeka aomata ma te rau i buakon aia nne n aroka ni kureebe ma arokaia biiku ao akea ae e na manga kakamakuia.

Te Tua-Kaua 29:23

b'a e a riki b'a te rereua ae rangi ni kabuebue ae taari aona ni kabane, ao te bubu ae m'auteretere, ao akea te aroka ae e kona ni unikaki iai, akea te aroka ae kona ni bwebwee iai, ao bon akea naba te aroka ae e kona ni maiu iai. A na riki abami b'a kaanga aron maten aaba ake i rarikin kaawa ake a buubura ake Tootom, Komora, Atema, ao Teboiim i mwiin unin te UEA irouia ao E kamaunaia.