Itaia 24:23 - Te B'aib'ara

²³ A na kaai ni kamaamaaeaki ma ni kab'ainrangaki nam'akaina ma taai. E na tautaeka te UEA ae Moan te M'aaka i aon te Maunga are Tion i Ierutarem, ike e na kaota iai nakoia ana taan tautaeka kamimiin mimitongina.

Itaia 24:23 ပူးပေါင်းရင်းမြစ်များ

Taian Areru 97:1

E uea te UEA; e na kukurei aonnaba! A na kim'areirei abam'akoro aika bati!

Te Otinako 15:21

Ao e anene Nei Miriam nako ia: “Anene nakon te UEA b'a E a tia ni karekea te tokanikai ae mimitong; E a tia n tewenakoia taian aoti ma taan toka i aoia aoti i taari.”

Itaia 12:6

Anene, ngkami kaain Tion! Bukamarua kakannaton UEAN Iteraera ae e tabu. E mena ikai te Atua b'a e na buokiko.

Itaia 13:10

E na mauna te oota man taian itoi ake i karawa; e na onikaki ootan te ingabong nakon te roo, ao e mate ootan nam'akaina.

Itaia 30:26

Ao i mwiina, e na bauti ikoakiia ana Aomata te UEA ma ni kamaoi ikoakiia ake e bon kariki. E na oota nako ootan nam'akaina kaanga ai aron ootan taai, ao e na oota taai itiua riki rakan ootana nakon aroarona mai m'aaina. E na karina n oota n ai aron ootan itiua te bong n te tai naba arei.

Itaia 33:17

Kam na noora te Uea ae e Kakannato ni bon oin matami; kam na noora abanueana ae e rooti taabo aika raroa ma n raababa.

Itaia 33:22

Bon ara tia Moti ara UEA ao ara tia tautaeka; bon ara king ara UEA ara E na bon kamaiura.

Itaia 52:7

Ai kakatekera taraan te tia uarongorongo ri aoni maunga ae e touakina ae e kaangai nako Ierutarem, “Te rongorongo ae e raoiroi! Kam a kamaiuaki. E nang roko te rau. E a UEA ngkai Atuami.”

Itaia 60:1

Teirake, Ierutarem! ko na oota! E a kaarangaina am bong ae e boou. E rangi n oota nako ootan mimitongin te UEA i aom.

Itaia 60:19

Kam na aki kainanoa ootan taai ke nam'akaina. N na riki Ngai ae te UEA ae Atuami b'a ami oota n aki toki ao te tia karekea te karineaki.

Itaia 60:20

E na aki manga bung ami taai ke ni bung ami nam'akaina. N na riki Ngai ae te UEA b'a ami oota ae akea tokina, ao a na toki ami bong n nanokawaki.

Etekiera 48:35

Ao aran te kaawa ae e boou bon “E mena ikai te UEA.”

Taniera 7:18

Ao e na reke irouia ana Aomata te Atua ae Moan te M'aaka te nakoa ni uea anne, ao a na b'ainna n aki toki.

Taniera 7:27

Ao m'aakan ma korakoran taian tautaeka ni kabane n te aonnaba a na bane n anganaki ana Aomata te Atua. E na bon akea tokini m'aakan ana tautaeka, ao a na bane n toro i rouna taan tautaeka n te aonnaba ma n ongotaeka i rouna.”

Ioera 2:31

E na okirikaki taai n rotongitong, ao nam'akaina e na uraura kaanga te raraa i m'aain kaotin te bong are e rangi ni kakamaaku arei.

Ioera 3:15

e na akea ootan taai ke nam'akaina, ao a na toki raneanean taian itoi.

Ob'aria 1:21

Ao ana buakana naba Etom, ma n taua taekana taani buaka aika m'anen Ierutarem aika a totokanikai. Ao E na uea te UEA n tii Ngaia i aoia Ana aomata.”

Mika 4:7

E ngae ngke a raroa nako man mwengaia ma ni m'auku, ma N na manga waakina te reitaki ae e boou ma nikiraia ake a aki taenikai, b'a a na riki b'a te botannaomata ae e korakora. Ao N na uea i aoia i aon te maunga are Tion ni karokoa tokin aonnaba.”

Tekaria 14:6

E na riki b'a te bong ae e raneanea ae e na aki manga nubono,

Tekaria 14:7

Ao E a tia ni baaireia te UEA te tai are e na koro iai bukina-tain te bong ae akea tokina aei.

Tekaria 9:9

Kukurei ao takaarua aomata ni kabane i Ierutarem, E a tia n tokanikai ami uea, ao E a roko ni kawaringkami. E nanorinano ao E toka i aon te ati; ao E roko i aon bunin te aati.

Mataio 24:29

I mwin naba te rawawata ni boong akanne, ao e na karooaki ootan taai, ao a na akea ootana; ao nam'akaina e na aki oota, ao ane a na b'aka itoi mai karawa, ao m'aaka ake a mena i karawa a na bitaki man aroaroia.

Mataio 6:10

E na roko Ueam, E na tauaki am taeka i aonnaba n ai aron tauana i karawa.

Mataio 6:13

Ao tai kairira nakon te kaririaki, ma Ko na kamaiura man te buakaka; b'a am b'ai te uea, te m'aaka, ao te neboaki n aki toki. Amen.

Ebera 12:22

Ma kam kaania te maunga are Tion ma ana kawa te Atua ae maiu, are Ierutarem are i karawa, ma anera aika ngaa ma ngaa,

Te Kaotioti 11:15

Ao e katanga ana bu te anera are te kaitiman; ao b'anaa aika korakora i karawa a kaangai, “Ana b'ai ara Uea ma ara Kristo te m'aaka n tautaeka i aonnaba; ao ane E na uea n aki totoki.”

Te Kaotioti 14:1

Ao I taratara nako, ao noria, te Tiibuteteei ae tei i aon te maunga are Tion, ao raona te koraki ae tebubua ma abwi ma aua tengaa m'aitiia aika a koreaki i aon ram'aia aran te Tiibuteteei ma aran Tamana.

Te Kaotioti 19:4

Ao a katorobubua ni bobaraaki unimm'aane ake uangauni ma aman ma baike a maiu ake aman, ao a taromauria te Atua are tekateka i aon te kaintokanuea, ao a kaangai, “Amen! Neboa te Atua!”

Te Kaotioti 19:6

Ao I ongo te bae kanga b'anaaia kaain te botaki ae ab'ab'aki, ae kanga karongoani b'aron naao aika bati, ao kanga rebwerebweni baa aika korakora, ao a kaangai, Areruia! B'a E uea te Uea ae Atuara ae Moan te M'aaka.

Te Kaotioti 21:23

E aki kainanoa taai ke nam'akaina te kaawa arei i bukin ootana; b'a ootana boni mimitongin te Atua, ao taurana bon te Tiibuteteei.

Te Kaotioti 22:5

E na akea te bong; ao a aki kainanoa ootan te taura ma taai, b'a E na riki te Atua b'a te oota i aoia; ao a na uea n aki totoki.