Itaia 24:18 - Te B'aib'ara

¹⁸ Ane ko na b'aka i nanon te ruarua ngkana ko maaku ma ni biri nako; ao ngkana ko manga kawanako man te ruarua, ko na manga m'ane ni b'aai ni kam'ane. E a tia ni bwenauaaki karawa kaanga te winto ae e kaukaki. A tia n ruru bouan aan te aonnaba;

Itaia 24:18 ပူးပေါင်းရင်းမြစ်များ

Karikani B'aai 19:24

Ao e a kab'aka naba te karau te ai ao te atiibu te UEA mai karawa i aon Tootom ma Komora

Karikani B'aai 7:11

Ngke ai onobubua ana ririki ni maiu Nooa, ni katebwi ma itiuan bongin te kauoua n nam'akaina, ao a uki kawain raan ake i aan te aba n tiirake, ao a uki naba mataroan ranin karawa ni b'aro,

2.Uea 7:2

Ao e kaeka mataniwiia aobitia are e mena i rarikin te uea ikekei ao e taku, “I aki kakoauaa. E ngae ngkana e kanakoa naba te karau ae moan te korakora te UEA, ao e na bon aki konaa naba n reke te aekaki ni m'aiti ni uita anne mai i mwiin ngkai ni karokoa te ingabong.” Ao e kauringa Eritai ao e taku, “Ane ko na noora koroni bukina ma ko na aki kana naba te am'arake teutana mai iai.”

Iobi 20:24

Ngkana e kataia ni biri nako n rawea maiuna man te kabaang are te biti, ao e na manga teke ma ni b'aka n te kaini katebe are te buraati.

Taian Areru 18:15

Te UEA, ngke Ko boaiia aiam, ngke e korakora angini b'airim n unim i rouia, Ao e oti aontanon nanoni marawa, Ao a oti naba aan aonnaba.

Taian Areru 18:7

Ao e m'aeiei ma n ruru aonnaba; Ao a ingiing ni m'aeiei naba aani maunga, i bukin unin te Atua.

Taian Areru 18:8

E ti nako bubun te ai mai b'airina, Ao te ai ae ura ma te m'akaro n ai mai wina.

Te Minita 9:12

Bon akea mai buakora ae e ataa te tai ae e na reke iai, b'a konan te kabuanib'ai ae e karina, are ti na kuneira iai kaanga te ika ae e bae n te karaun, ke te mannikiba ae e m'ane n te b'ai ni kam'ane.

Itaia 13:13

I rangi n un, Ngai ae te UEA ae Moan te M'aaka Ngaia ae N na ioioa karawa ao e na rurubenebene te aonnaba.

Itaia 2:19

E raoiroi riki ngke kam karabaingkami i nanon taian nangananga ni b'aa ma taiani b'angab'anga e na kakamaaku te UEA, ma n tamaroa, ao ni mimitong ngkana e roko ni ioioa te aonnaba.

Itaia 2:21

E na kakamaaku te UEA, man tamaroa, ao ni mimitong ngkana e roko ni kakamaakuia kaain aonnaba ane a na karabaia i nanoni b'angab'angan taiani b'a ao i aon taian tabuki.

Itaia 42:22

Ma a m'ane n te b'ainikam'ane ana aomata ao a kabureaki n taiani b'angab'anga aika akea ae konaa ni kamaiuia mai iai. A uotaki nako aia b'ai ni kabane, ao bon akea ae e kukurei ni manga kaoki.

Itaia 8:14

Biiri nako iu i bukin b'aai ni kamanoakimi. Bon Ngai te b'aa ae e kaai n kab'akaaki man kamaaeaki iai riin aban Iuta ma Iteraera.

Ieremia 48:43

A tataningaiko te maaku, taiani m'aruarua, ao taiani b'ainikam'ane.

Ieremia 48:44

Ngkana kam maaku ma ni biri, ao kam na b'aka i nanon te m'aruarua; ngkana kam kawakawa n otinako man te m'aruarua, kam na manga reke n te b'ainikam'ane. E a roko te tai are kam nang katuaaeaki iai.

B'aeb'aeti 3:47

Ti ngae i nanon te kangaanga ma te kabuanib'ai; ti maiu i nanon te kangaanga ma te kakamaaku.

Etekiera 11:8

ao N na kanakoia taanga ni buaka b'a a na buakaningkami, n aron are kam a kaman maakua.

Etekiera 12:13

E na taakina te karaun te UEA ni kam'anea ngke e tabe ni kiitana Ierutarem. Ao i mwiina, e na uotaki nako te kaawa are e buubura are B'aburon, ma e na aki manga oki n noora te tabo arei, e ngae ngke e na boni mate ikekei.

Etekiera 15:7

kaanga kain te kureebe ae e kabuokaki b'a te aia. Iai tabeman ake a reke birinakoia man te kabuanib'ai teuana, ma i mwiina, a na manga bane ni bue n te tai ae e aki maan. Ngkana e riki anne, ao ko na ataia ngkoe Etekiera b'a bon te UEA Ngai.

Amota 5:18

E na bon kanganga nakoimi ngkami ake kam ukoukora ana bong te UEA! Tera raoiroin te bong anne nakoim? Bon te bong ae na rotongitong ma tiaki te ota.

Amota 5:19

Kanga ai aron temanna ae birinako mai m'ain te raian ao e kaitibo ma te bea! Ke kanga ai aron temanna are e roko n te mwenga ao ni kaaki baina i aon te oo-b'a e na tenaaki n te naeta!