Itaia 24:16 - Te B'aib'ara

¹⁶ E na ongo te aba taian anene n nebo i bukin ana motikitaeka ae eti te Atua. Ma e rangi ni korakora ma n aki rau n te rawaawata n nano. Bon iai ae e konaa n onimakinaki? Bon angiina taani kewe!

Itaia 24:16 ပူးပေါင်းရင်းမြစ်များ

Taian Areru 106:15

Ma ngaia are E anganiia te baere a butiia; Ao E anganiia naba te aoraki ae kamaamate.

Taian Areru 119:158

I noriia taan rawa nakon am Tua, ao I ribaia; B'a a aki taua am Taeka.

Taian Areru 2:8

Ko na butiai i bukiia botannaomata ni kabaneia i aonnaba, ao N na anganiko ni kabaneia.

Taian Areru 58:10

Ane a na kakatonga aomata akana raoiroi n noriia akana buakaka ngkana a reke kaiia. Ane a na teboki waeia n raraaia akana buakaka.

Taian Areru 65:8

A bane aomata nako i aonnaba ni mimi n am M'akuri ake a kamimii ake Ko a tia ni karaoi; Ao a karika te anene n takakaa ni kukurei irouia aomata mai tabon aonnaba nakon tabona are teuana.

Taian Areru 67:7

E a tia te Atua ni kakab'aiaira; A na bane aomata nako n taabo nako ni karinea.

Taian Areru 98:3

E kateimatoa ana berita nako ia te botannaomata ae Iteraera ma te karinerine ao ana Tangira i bukiia. A bane aomata nako n nora aron Atuara ni kamaiuia ana Aomata.

Te Otinako 15:11

“Te UEA, antai ae ai arom i buakoia atua? Antai ae katotongko n arom ae Ko tabu ma ni mimitong? Antai ae kona ni karaoi kakai ma m'akuri aika ab'ab'aki n aron am m'akuri?

Itaia 10:16

E na kanakoa te aoraki ae moan te kamaamate te UEA ae Moan te M'aaka n oroia am taanga ni buaka ao ko na ura n te aoraki ae te kabuebue i aan niiniirana ni uea.

Itaia 11:12

E na anga ana kanikina nakoia botannaomata akanne, ao e na manga ikotiia taan rawei maiuia mai Iuta, ake a tia ni uamaae nako i aon te aonnaba ni kabutaa.

Itaia 17:4

Ngkana e roko te tai arei, e na karuoaki rikaaki te botannaomata ae e mimitong ae Iteraera mai eta; ao a na rinikangenge kaaina ake a mari ngkoa.

Itaia 21:2

Bon te kaotioti ae e kakamaaku are e kaotaki nako iu te kaotioti i bukin te kam'aam'ane ao te urub'ai. Tuanga Eram ao Miria b'a a na katobibia man buakaniia kaain B'aburon. E a tia n tuea te UEA b'a na katoka te karawaawata are a karikia.

Itaia 26:15

E a tia n rikirake ara botannaomata i bukim, te UEA ae te Atua. A m'aiti riki abara nakon ake mai m'aaina, ao ko karineaki.

Itaia 28:5

Ngkana e roko te tai aei, ao ane e na mimitong ana baunuea te UEA ae moan te M'aaka i bukiia ana Aomata ake nikira ni maiu.

Itaia 33:1

Ko konaiia au aomata. Ko a reke n te kangaanga! Ko tuai man ururuakaki, ma ko nang uruakaki; ko tuai man kam'aneaki; ma ko nang kam'aneaki. Ngkana e a bane am uruuru ma am kam'aam'ane, ao ko nang manga uruakaki ma ni kam'aneaki n aron anne.

Itaia 42:10

Tuanga te aonnaba ni kabane b'a e na anenea te anene ae e boou nakon te UEA! Tuangiia akana a ieie i marawa ao akana a maeka n taabo aika a raroa b'a a na ira te nebonebo.

Itaia 48:8

Kam tuai mani kan kakauongo nakon te b'ai ae I taekinna; man te tai are kam bungiaki iai, I ataia b'a kam na kaaitaraa.

Itaia 52:10

E a tia te UEA ni kaota korakorani m'aakana nakoia botannaomata ni kabane; a bane aomata n noora m'aakan Atuara ni kakamaiu.

Itaia 6:5

Ao I takaarua ni kaangai, “I a reke n te kabuanib'ai! A bane n on n te bure au taeka aika I atong, ao ai uana naba ma aia taeka aomata nako aika i rarikiu. Ma e ngae n anne, ma I a tia n noora te UEA ae Moan te M'aaka.”

Itaia 60:21

A na maiu raoi ami aomata ma n teimatoa ni b'aina te aba; bon taian aroka ngaia aika I unikia b'a a na neboai.

Ieremia 12:1

Ngkana I ngurengure nakoim te UEA Ko bon karaoa ae e raoiroi n taai nako. Ma iai au titiraki n te tai aei i bukin te motikitaeka ae eti. E aera ngkai a maiu raoi aomata aika taani bure? E aera ngkai e naanako raoi aia waaki?

Ieremia 12:6

E ngae naba ngkana bon am koraki ane a na manga kaaitarako. A na taraa n ae bon taian rao ni koaua ma ko na aki onimakiniia. Bon bukin m'anangaia b'a a na kam'aneko, ao ai aroia aomata ni kabane.

Ieremia 3:20

Ma n onea mwiin anne, kam riki b'a kaanga te ainenum'a ae e urui taiani berita ni mare. Kam a tia n aki kakaonimaki nako iu. Bon aio au taeka Ngai ae te UEA.

Ieremia 5:11

A a tia n aki kakaonimaki nako iu kaain Iuta ma Iteraera n aaro aika a bati,

B'aeb'aeti 1:2

E tangi ni korakai n te tairiki koraki, ma ranni matana i aon tabana. akea temanna i buakoia raoraona ae kona ni karaua nanona; Aaba ake a itabon ngkoa ma ngaia a manga riki b'a ana kairiribai.

Otea 5:7

Kam a tia n aki kakaonimaki nako iu, Ngai ae ami UEA; a tia n reke natimi irouia taiani kabekaau. Ma ngaia are, ko na urubekeaki ngkoe ma arokam n tain te Toa ae Moan Otin Nam'akaina.

Otea 6:7

Kam kam'aneai ngke kam urua ara boraraoi, n te tabo are e aranaki b'a Atam.

Nakoaia Ibonga 26:39

ao tabeman a na b'ara nanoia n te nanokawaki b'a boon ami bure ma aia bure ami bakatibu.

Mika 5:4

Ngkana e roko, ao E na bon taua taekaia ana aomata ma te korakora are e anganna te UEA, ao ma ni kaotiota naba mimitongin te UEA n ti Ngaia. A na boni maeka ana aomata ma te rau, i bukina b'a e bon namakinaki kakannaton ana tautaeka ni kabutaa te aonnaba,

Ab'akuka 1:13

Ko aki kona n taraa te bure ma te buakaka. Ma ngaia are, tai tekateka ni kabuingoingo ngkai a kamaunaia aomata aika a raraoi riki nakoia.

Ab'akuka 1:3

Bukin tera ngkai ko karikai b'a n na noori kangaanga aikai? Ko na kanga ni kan noori m'akuri aika a buakaka aikai? E katobibiai te urub'ai ma te kabuanib'ai, ao e a bo te un ma te ngurengure n aki-akaaka.

Mareko 13:27

Ane E na kanakoia anera nakon iteran aonnaba ake aua, b'a a na botiia ana aomata te Atua mai tabon aonnaba are teuana ao mai tabona are teuana.

M'akuri 13:47

B'a boni ngaia are ti tuangaki iai iroun te UEA, ni kaangai, “I kateiko b'a te oota Ngkoe nakoia aomata aika aki onimakina te Atua, ao te kawai ni kamaiu nakoia aomata nako i aonnaba.”

Te Kaotioti 15:3

Ao a anenea ana anene Mote are ana toro te Atua, ma ana anene te Tiibuteteei, ao a kaangai, “Te Uea ae te Atua, ae Moan te M'aaka, A kakannato am m'akuri ao a kamimii! A eti ma ni koaua arom, Ngkoe ae aia Uea botannaomata!