Itaia 24:10 - Te B'aib'ara

¹⁰ A onrake ma ni mangaongao taiani kaawa; ao a rokanaki ni kamatoaaki taian auti.

Itaia 24:10 ပူးပေါင်းရင်းမြစ်များ

Karikani B'aai 11:9

E aranaki te kaawa ae buubura arei b'a B'abera i bukina ngke E kaminoi aia taetae aomata ni kabane te UEA iai, ao maikanne are E a kauamaenakoia aomata i aon te aonnaba.

2.Uea 25:4

ao a urua oon te kaawa tautian B'aburon. Ni bon te tairiki naba anne, ao a kataia n iangoi birinakoia Tetekia ma ana tautia man te mataroa are i rarikin nenarokan te bareti, e ngae ngke a ataia ae e a tia ni katobibiaki te kaawa. A kaineta te rereua,

Itaia 23:1

Aio te rongorongo man te abam'akoro ae e raroa nako ae taekan te kaawa ae e buubura are Turo: Kam na tang ngkami aika kaibuke ni m'am'ananga! A na wene n uruaki autin Turo ni kabane.

Itaia 24:12

A uruakaki taiani kaawa aika a buubura; ao a kamaaenikunaki ni kab'akaaki mataroan taiani kaawa.

Itaia 25:2

Ko a tia n urua nonoia ara kairiribai, ma ni katikuia ma aia kaawa ae e buubura ma te urubekebeke. Bon akea riki te b'ai ae e na manga konaa ni kateaki n te kaawa ane e buubura anne.

Itaia 26:5

E a tia te Atua ni kab'akaia ara kairiribai man aia kaawa are e buubura are i aon te maunga ao e taunna n te baareka.

Itaia 27:10

A na tiku taian nono kaanga taian rereua ike akea ae e maeka iai. A na nakonako taiani kao i aona ae e a urubekebeke, ni kabaabanei arokan aona.

Itaia 32:14

E na kiitanaki te bareti, ao a na akea aomata. Ao a na riki taian nono ma taua b'a nneia n takaakaro n aki toki taian aati aika a aki manana ao nnen tawaana n uteute ake kanaia tiibu.

Itaia 32:19

e ngae ngkana e tiribooi taian buakonikai ma kaawa aika a buubura n taian karau atiibu.

Itaia 34:11

A na karaoa mwengaia taian aure, aoki, ao maan aika a aki manana E na katikua te Atua ma te urubekebeke, ai bon te b'ariko n atiibu.

Ieremia 39:4

Ao ngke e a nooria te Uea are Tetekia b'a e a reke Ierutarem, ao a kataia ni biri nako man te kaawa n te tairiki anne. A nakon ana nne n aroka te uea, ao a biri nako man te mataroa are e mena i marenan oona ake uoua ake oon te kaawa ma ni manga kaineta M'aruan te Karaanga are Ioretan.

Ieremia 39:8

Inanon te tai anne, a tia ni kabuoki taian auti ana taanga ni buaka B'aburon i Ierutarem, n reitaki ma ana bareti te uea, ao a tia naba ni kab'akai nonon te kaawa.

Ieremia 52:7

ao e a uruaki oon te kaawa. Ni bon te tairiki naba anne, a kataia Etekia ni biri nako man mataroan te kaawa are i rarikin ana nne n aroka te uea, e ngae ngke a bon ataia b'a e katobibiaki te kaawa irouia aia kairiribai. E biri nako ni kaineta te M'arua are Ioretan,

Mika 2:13

E na kauka te kawai nakoia te UEA, ao E na kaotinakoia man te kataenikaiaki. A na otinako man mataroan te kaawa, ao a na kainaomataaki. E na kairiia ni kaotinakoia aia King ae bon te UEA n ti ngaia.

Mika 3:12

Ao i bukim, e na kamarauaki Tion kaanga te tawaana, ao e na riki Ierutarem b'a b'ariko ni b'ai aika a uruaki, ao tabukin te Tembora, e na riki b'a te buakonikai.

Ruka 19:43

B'a ane a na roko i roum boong ake a na karaoa iai te o am kairiribai man tanon rarikim ae a katabukirakea ni katobibiko, ao ane a na otab'aniniiko, ni buakaniko mai rarikim nako.

Ruka 21:24

ane a na tiringaki n te kabaang, ao ane a na kairaki nako b'a taenikai ao a na kauamaaeaki nako buakoia botannaomata i aonnaba; ao ane na uruaki Ierutarem irouia aomata aika tiaki I-Iutaia, ni karokoa tokin aia tai.

Te Kaotioti 18:2

Ao e taetae n te b'ana ae korakora, ao e kaangai, “E a b'aka B'aburon are kakannato! e a b'aka ao e riki b'a neia ni maeka taimonio. Ao neia ni kabureaki tamnei aika kam'ara ni kabaneia, Ao neia ni kainaki maan aika ribaki ni kabaneia.