Itaia 23:9 - Te B'aib'ara

⁹ Bon te UEA ae Moan te M'aaka ae e baaireia b'a e na karokoa te mamaa ma te b'ainrang nakoia akana a karineaki irouia aomata nako n te aonnaba.

Itaia 23:9 ပူးပေါင်းရင်းမြစ်များ

Iobi 12:21

E kamamaaia aomata aika taui taian nakoa aika rietaata, ao E katoki korakoraia taan tautaeka.

Taian Areru 107:40

Ao E kakeai bonganaia ake a taenikai irouia, Ao E katiotioia nako n rereua, ike akea te kawai iai.

Te Otinako 8:4

A na kawakawa taian biraoki i aoia aomata nako; te uea, ana aobitia, ao aomata ni kabane ake a riki b'a kaain Aikubita.

Itaia 10:33

Ma e na kabonganaa korakorana ae e kakamaaku te UEA ae Moan te M'aaka ni kab'akai taian aroka aika a rangi n rietaata mani koroi m'aanga ni kabane.

Itaia 13:11

N na katuaaea te aonnaba ae e buakaka aei ma aomatana i bukin aia bure nako. N na kamanatuaia taani kainikatonga aika a kakamaaku aika a iowawa.

Itaia 14:24

E a tia ni karaoa te berita aei te UEA ae Moan te M'aaka: A na koro bukin b'aai nako aika a I a tia ni baairei n aron are I taekinna.

Itaia 14:26

I a tia ni baairea te tai aei i bukin te aonnaba, ao e na tau aroia botannaomata baiu ae e m'aaka.

Itaia 14:27

E a tia te UEA ae Moan te M'aaka ni baairei baikai. Akea ae e konaa ni katokai ngkai!

Itaia 2:11

Ngkana e roko te UEA, ao a na kananorinanoaki aomata ngkoa ake a kamoamoa, ao e na neboaki te UEA n ti ngaia.

Itaia 2:12

E a tia te UEA ae Moan te M'aaka n rinea te bong are a na b'aka iai aomata ake a kamoamoa ao a kainikatonga.

Itaia 2:17

Ngkana e roko te bong anne, ao a na bane aika a kamoamoa ni kab'akaaki. Bon ti te UEA ae e na neboaki.

Itaia 23:10

Kaain Turo, e na uruaki am matabaiawa! Kam na manga riki b'a taan ununiki ngkami kaanga aroia kaain Aikubita.

Itaia 32:13

ao nakon taian auti ake a kakukurei i Ierutarem A na onrake abaia aomata n taian aroka aika a kateketeke.

Itaia 5:13

ma ngaia are, bon akea ae e ataa aron te UEA. Ao anne bukina ngkai a na m'aiti mai buakomi aika a na uaakinaki nakon abaia ianena. A na mate ni baki ami taani kairiiri, ao a na bane kainano aomata ni bora n taka.

Itaia 9:15

Bon atuuia taan tautaeka, ao bukibweeia bon taiani burabeti ni kewe.

Ieremia 13:9

Ieremia, N na kamanenaa B'aburon ni kamaunaa aia kainikatonga kaain Iuta ao kaain Ierutarem iai.

Ieremia 51:62

ao i mwiina, ko na tataro ni kaangai, “Ara UEA, Ko berita ngkoa b'a Ko na onika te tabo aei nakon te rereua ike akea aomata ke taiani man ae a na maiu iai.”

Taniera 4:37

Ma ngaia are ngkai, I neboa Ueani karawa ngai ae Nebukaneta, ao ni karinea ma ni kamoamoa ueani karawa. A bane ni koaua ma n eti baika E karaoi, ao E kona ni karinanoa te aomata ae e kainikatonga.”

Ob'aria 1:2

E taku UEA nakon Etom, “N na kamamaarako; ao a na bane aomata ni katinanikuko.

Maraki 4:1

E na bon roko te bong ni motikitaeka. Ao e na riki b'a kaanga te ai ae e korakora ae kabuebue ma urana ae e kab'atataia aomata aika a kainikatonga ao aikai taani bure, b'a kaanga ai aron te b'ariko n uteute. Bon akea m'angana ke wakaana ae na tiku. Bon aei au taeka Ngai ae te UEA ae Moan te M'aaka’

M'akuri 4:28

B'a a na karaoi b'aai ni kabane ake Ko a tia ni bairei ni m'aakam ma nanom b'a a na karaoaki.

I-Ebeto 1:11

A bane b'aai nako ni karaoaki n ai aron nanon te Atua ma ana babaire; ao E a tia te Atua n rineira b'a ana aomata, ngkai ti katiteuanaki ma Kristo, i bukin oin nanona n ai aron are E a kaman tia ni baireia ma ngkoa mani moan rikini b'aai;

I-Ebeto 3:11

n ai aron nanona ma ngkoangkoa are E kakoroa irouni Kristo Iesu are ara UEA.

Iakobo 4:6

Ma E kabatia te akoi n anga; ao anne bukin are e kaangai te B'aib'ara.” “E rawa nakoia akana kainikatonga te Atua; Ma E angania akana nanorinano te akoaki.”