Itaia 23:13 - Te B'aib'ara

¹³ Bon noora te b'ai ae a karaoia kaain Aturia nakoia kaain B'aburon! A tia ni buakaniia, ma n uruaki taiani bareti ni kabane ake i aon te aba. Ao ngkai a maeka taiani man aika a aki manana i buakon aia b'ai koraki aika a uruaki.

Itaia 23:13 ပူးပေါင်းရင်းမြစ်များ

Karikani B'aai 11:28

Ao e mate Aran i bon i abana are Ura i Kareria, ngke e boni maiu tamana.

Karikani B'aai 11:31

Ao e teirake ni m'ananga Teera man te kaawa ae buubura are Ura i Kareria b'a e na nakon te aba are Kanaan, ao e kaira natina te mm'aane are Aberam, ao tibuna are Roota are natin Aran te mm'aane, ao buun natina are Aberam, are Nei Tarai. Ao a m'ananga nako Aran, ao a maeka iai.

Karikani B'aai 11:9

E aranaki te kaawa ae buubura arei b'a B'abera i bukina ngke E kaminoi aia taetae aomata ni kabane te UEA iai, ao maikanne are E a kauamaenakoia aomata i aon te aonnaba.

Karikani B'aai 2:14

Ao te katenua ni karaanga bon Taaikiriti, are e raanga i mainikun Aturia. Ao te kaaua ni karaanga bon Iuberetiti.

2.Uea 17:24

E anaiia aomata ake a maeka ni kaawa aika a buubura ake B'aburon, Kuta, Awa, Amata, Tebarawaim uean Aturia, ao e kairoroia b'a a na m'ae nako Iteraera. A taui kaawa ake a maeka iai Iteraera, n reitaki ma kaawan te tautaeka ae e buubura are Taamaria.

2.Uea 20:12

E a uea ngkai i aon B'aburon Merotaake Baratan, are natin Baratan te m'aane. Ao ngke e a ataia ae e a aoraki Etekia, ao e a kanakoa te tia uarongorongo ma te reta ao te b'aintangira nako ina.

2.Rongorongo 33:11

Ma ngaia are, e kanakoa ana taanga ni buaka Aturia ni buakana Iuta ma n taua Manate. A kanim'a te matau i b'airina, ao a kabaea n taian taurekereke, ao a uotia nako B'aburon.

Iobi 1:17

Ao i m'aiin banen ana taeka, ao e a manga roko te tia m'akuri are temanna ao e taku, “Tenikoraki aia koraki taian I-Kareria ake a roko ni buakaniira ma n uoti nako taiani kamero, ao a tiringiia am taani m'akuri ni kabane, ao bon ti ngai nikiraia. Bon ti ngai are I a biri nako b'a N na tuangko.”

Taian Areru 72:9

Ane a na bobaraaki i matana ni karinea akana maeka n te rereua; Ane a na tae aia kai taan ribaia.

Itaia 10:5

E taku te UEA: I a rangi n un! Ao N na kamanenaa uean Aturia b'a kaanga te ambo

Itaia 10:7

A na bon m'aiti riki ana iango i nanona, i bukina ngke e tangiria ni kamaunai botannaomata aika a bati.

Itaia 13:19

E mimitong ao e korakora te kaawa ae e buubura ae B'aburon, kakatongaia botannaomata. Ma e na riki b'a kaanga taiani kaawa aika a buubura ake Tootom ao Komora i mwiin uruakana Irou Ngai ae te UEA.

Itaia 13:21

Bon ti manin te rereua aika, a na maekana b'aina aika a uruaki taian aure, ao taian aotireti, a na eweewe iai taiani kooti

Itaia 18:6

A na riki kaain Itiobia b'a kanaia ikaren taiani maunga i nanon tain te aumaiaki ao kanaia maan aika a aki manana i nanon tain te aumeaang.

Itaia 43:14

Bon Ngai ae te UEA ae N na kamaiungkami! Bon Atuan Iteraera ae e tabu Ngai, N na kanakoa te taanga ni buaka nako B'aburon i bukimi b'a e na uaakiniia nako aomatana, ao a na tang ngke e tabe n nako.

Etekiera 23:23

N na bootia ni kabane mataniwi aika a uarereke aika a botonim'aane ao aia aobitia aika a rietaata taani buaka mai aoia aoti mai B'aburon ao Aturia, ao ai uana naba man barongan Kareria i Bekota, Tioa ao Koa.

Etekiera 29:18

E a tia ni buakana te kaawa ae e buubura are Turo Uean B'aburon are Nebukaneta. E kairoroia ana tautia b'a a na uoti uotaia aika a rawaawata n te aro are a mm'aa nako iran atuuia ni mara, ao a uraura aon angaia ma ni maneka. A bon aki konaa naba n taua te kaawa are e buubura arei Nebukaneta ma ana taanga ni buaka.

Taniera 4:30

ao e taku, “Nooria, ai korakorara B'aburon. I kateia b'a au kaawa ae atuun au tautaeka b'a kaotan korakorau ma m'aakau, ma mimitongiu, ao kakannatou.”

Ab'akuka 1:6

N na kakorakora m'aakan te tautaeka ni B'aburon, ae te koraki aika a tiritiri, aika akea tokiia. Akana a m'am'ananga n te aonnaba ni buakani aaba nako.

M'akuri 7:4

E kitana ngkanne abaia I-Kareria, ao e maeka i Aran. Ao i mwini maten tamana, ao E kanakoa Aberaam te Atua maikekei nakon te aba ae kam maeka iai ngkai.