Itaia 22:4 - Te B'aib'ara

⁴ Ao i mwiina, I a taku, “katukai n arou! Kariaia b'a N na tang ni katinakoi rannimatau aika a maai. A tia ni tiringaki au aomata, ma ngaia ae kam na aki karaua nanou.”

Itaia 22:4 ပူးပေါင်းရင်းမြစ်များ

Etita 4:1

Ao ngke e a atai b'aai aika a karaoaki Moretekai, ao e raeuai kunnikaina i bukin rawawatana, ao e karin kunnikai aika a mangaingai, ao e tauna atuna n te mannang, ao e nakonako i nuukan te kaawa are e buubura arei n tangi n takaarua n te b'anaa ae e kananoanga,

Taian Areru 77:2

I tataro nakon te UEA n tain te kaangaanga; I tabeki baiu n tataro n te tairiki koraki, ma e aki reke kabebeteau.

Itaia 15:3

A bane aomata i nanon te kaawa ma taiani mwenga ni kunnikaia aomata ni kunnikai aika a mangaingai ao a tang n takaarua i nanon te tai ae e maan.

Itaia 33:7

Kakauongo! Taani buaka aika kam ninikoria aika kam biribiri i nanon kawain nuukan te kaawa, aika kam takaarua i bukin buokami. E kaantaninga te rau ara taani uarongorongo, ma a okiri aia auti ma te tang.

Ieremia 13:17

Ngkana kam rangi ni kamoamoa ni kakauongo, ao N na tanginiwenei n ti Ngai. A na raanga nako rannimata mai matau ngkana a uotaki nako ana aomata te UEA b'a taenikai.

Ieremia 31:15

E ongo te aba te tang ae e korakora mai Ram'a Tangin Nei Rakera i bukiia natina, ao e rawa ni karauaki nanona, i bukina ngke a mate.

Ieremia 4:19

I aki konaa n taona te maraki! E ikeike buroou, ao I nib'araa ao I minominotaki ni korakain nanou. I ongo tangin te bu are te kanikina ao karongoaan te keekee ni buaka mairouia kairiribai, ao I a aki konaa ni kainab'aabu.

Ieremia 6:26

ao a buaka n aki anga te katauraoi. Ma ngaia are, kam na tang ngkami aika au aomata, n ai aron ae e a tia ni mate natimi. Karin kunnikai aika a karaoaki n taian kunnikai aika a mangaingai ao kam na rabinobino nako nanon te b'ariko ni mannang.”

Ieremia 8:18

I taonaki n te rawaawata kaanga e a b'ara nanou.

Ieremia 9:1

Tera ngke a riki matau b'a koburake n ran ni mata, n te aro are I konaa n tang iai ni bong ao ni ngaina i bukiia Au aomata ake a tia n tiringaki.

Ieremia 9:18

Ao a taku aomata, “Kawaekoaia n nakomai b'a a na tang i bukira, ni karokoa a taonako matara n taian rannimata.

B'aeb'aeti 2:11

A tibutibu matau n tang, e a korakai tamneiu. E korakai nanou n rawaawatau i bukin kamaunakiia au aomata. A wene ni baki ataei i nanon te kawai i nuukan te kaawa.

Etekiera 21:11

E a tia ni karaneaneaaki Au kabaang; e kakang ao e tauraoi n tiritiri.

Etekiera 27:31

a koromaraia ao a kunnikainiia n te kunnikai ae e mangaingai ngke a tabe n tang ni korakai.

Mika 1:8

E taku Mika, “N na tanginiwenei ma ni b'aeb'aeti i bukin aei. N na nakonako n aki kaunai, ao N na aki kunnikainai b'a kaotan rawawatan nanou. N na tang n nanokawaki n ai aron te tanguoua.

Mataio 2:18

E ongo te aba te b'ana i Rama, bon te tang, ma te tanginiwenei ae bati. E tang Nei Rakera i bukiia natina, b'a a mate, ao e rawa ni kabebeteaki nanona.

Mataio 26:75

ao Betero e uringa ana taeka Iesu ngke E kangai, “I m'ain tangin te moa, ao ane ko na katenua kakeaau.” Ao e oti nako, ao e katumaua te tang.

Ruka 1:2

ao a reke aia rongorongo mairouia te koraki ake a tia n nori baikai mai moana, ake taan tataekina te euangkerio;

Ruka 19:41

Ngke E a kaan riki Iesu ma te kawa ao E taraia, ao E tangi nanona i bukina b'a E nanoangaia,