Itaia 22:23 - Te B'aib'ara

²³ E na kamatoa te UEA nakon nakoana n ai aron matoan neeran te autinrianna ae e unikaki n te tano, ao Eriakim are e na uota neboakin ana utu.

Itaia 22:23 ပူးပေါင်းရင်းမြစ်များ

Etira 9:8

Ma ngkai te UEA ae te Atua, ko a tia ni kaota am Nanoanga ae moan te korakora nakoira. Ko anganiira te kukurei ni koaua ngkai ko karaoia tabeman mai buakora b'a a na maeka n te tabo ae e tabu aei, ao ko a tia ni buokiira naba i nanon ara tai n tautoronaki.

Etita 10:3

E kauoman Morotekai are te I-Iutaia i aan te uea are Keatiti. E karineaki, ao e rangi n tangiraki irouia raona n I-Iutaia. E m'akuri i bukin kab'aiaia ana aomata, ao i bukin kamanoaia aia kariki ni kabane.

Etita 4:14

Ngkana ko aki kakarongoa n te aekaki n tai aei, ao ane e na roko te buoka mai karawa nakoia taian I-Iutaia, ao ane a na kamaiuaki, ma ane ko na mate ngkoe ma ana utu tamam, ma ni kamaunaaki. Antai ae e ataia, ao tao ko boni karikaki b'a te ueanaine i bukin te tai aei.

Iobi 36:7

E kakawakiniia aomata aika raoiroi; E kariaia b'a a na tautaeka b'a kaanga taiani uea, ao E karaoia b'a a na karineaki n aki toki.

Te Minita 12:11

Ti te bo te taeka ni wanawana ma ana kai te tia kaawakiniman are e kaakaboonganaa ni kaiririia iai maan. A roko taeka n rabakau aikai mairoun te Atua, are bon ti ngaia ara tia kaawakintiibu, ao kaanga ai aron taian neera ake a kanim ni kamatoai b'aai n ti teuana.

Itaia 22:24

A na boutokaaki ana koraki n ataei ao ana utu i rouna, kaanga taian baan aika a tinetine i aon b'ai ni katinetine i aon te oo.

Itaia 22:25

E a rangi ni nim ni matoa te b'ai ni katinetine anne, ma ane e na ioioaki ni kamatanaaki ma ni kab'akaaki n te bong teuana. Ao a na bane n uruaki b'aai ni kabane akana a tinetine iai. Bon anne ana berita te UEA ae Moan te M'aaka.

Tekaria 10:4

A na nako taani kairiiri man te nanai aei aika a korakora n ai aron atiibun te koona ao biinin te autinrianna ao b'aini buaka.

Te Kaotioti 3:21

Ane tokanikai, ao N na anganna te kona n tekateka ma Ngai n au kaintokanuea, n ai arou naba ngke I tokanikai ao I tekateka ma Tamau n ana kaintokanuea.

1.Tamuera 2:8

Ko tabekiarake aomata aika kainano ao aika akea mwengaia Ko anaia mai buakon turam ni maange ao Ko anganiia te nne ae karineaki i nanon taiani bareti. Ko katea te aonnaba i aon taian aana, ao bon am b'ai.