Itaia 22:21 - Te B'aib'ara

²¹ E na riki Eriakim b'a kaanga te tama nakoia aomatan Ierutarem ao nakoia utu ni uea i Iuta.

Itaia 22:21 ပူးပေါင်းရင်းမြစ်များ

Karikani B'aai 45:8

Ma ngaia are, tiaki ngkami ae kam karokoai ikai, ma bon te Atua. E a tia ni karikai b'a te aobitia ae rietaata i roun te uea. E anganai taekan abana ni kabutaa, boni ngai te tia tautaeka i aon Aikubita ni kabutaa.

Etita 8:15

Ao e kiitana te bareti Morotekai, ao e kunnikaia n te niiniira ni uea ae buru ao e mainaina, ao te raburabu ae te riinen ae tamaroa ae e beebo, ao e katokaa naba te baunuea te koora ae moan te tamaroa. Ao i mwiin anne, e a onrake kawain nako te kaawa are Tutian n te takaarua ni kukurei.

Etita 8:2

Ao e buuta ana m'am'a te uea are e mena ana kanikina i aona (are e a tia ni kaokia mairoun Aaman) ao e angan Moretekai. Ao e mwiokoa Morotekai Nei Etita b'a e na tararuai ana b'ai Aaman.

Iobi 29:16

I riki b'a kaanga te karo nakon te aomata ae kainano, ao I tei i bukiia iruwa n tain te kangaanga.

Etekiera 23:15

Iai rooia i aon koreaia ao taian m'aita i aon atuuia, ao a kauringnga taian aobitia irouia taani buaka mai aoia aoti i B'aburon.

1.Tamuera 18:4

Ao e buuta te niiniirana Ionatan are e kunnikaina ao e karinna i aon Tawita. Ao e anganna naba kunnikaina ni buaka, ana kabaang, ana kainikatebe ma kanoana, ao ana bare.