Itaia 22:2 - Te B'aib'ara

² E onrake ami kaawa n taiani karongoaa n tatakarua. A na aki mate n te buaka koraki ake a wene ni manging i nanon kawain nako nuukan te kaawa.

Itaia 22:2 ပူးပေါင်းရင်းမြစ်များ

Itaia 10:4

Kam na kangaa ni biri nako man te tauaki ke n te tiringaki? E bon teimatoa naba n un te UEA, ao e tuai man kab'ara nanona mairoumi!

Itaia 23:7

E konaa n riki te kaawa aei are e a tia n tei i nanon bubua n ririki b'a te kaawa ae e kakukurei? A tia ni uamaaenako kaaina nakon aaba aika a raroa kinokino;

Itaia 32:13

ao nakon taian auti ake a kakukurei i Ierutarem A na onrake abaia aomata n taian aroka aika a kateketeke.

Itaia 32:14

E na kiitanaki te bareti, ao a na akea aomata. Ao a na riki taian nono ma taua b'a nneia n takaakaro n aki toki taian aati aika a aki manana ao nnen tawaana n uteute ake kanaia tiibu.

Itaia 37:33

I berita b'a e na bon aki roko i nanon Ierutarem uean Aturia, ke ni katebea te kanoanikatebe nako nanon te kaawa are e buubura, ke ni katobibia ma ni katauraoia ni buakani ngkami.

Itaia 37:36

E kanakoa te anera te UEA nakon aia kaemb'a kaain Aturia, ao e tiringiia tebubua waningaun ma niman tengaa te aomata n teuana te tairiki. N te bong are i mwiina, ao e a onrake te maeka arei n taiani mate.

Ieremia 14:18

I noora rab'ataia aika a mate n te buaka i nanon taian tawaana. Ao I nooria aika a mate ni baki i nanon taiani kaawa, ma a bon waaki aia m'akuri taian burabeti ma ibonga, n aki ataa te b'ai ae e a tia n riki.”

Ieremia 38:2

Ana taeka te UEA ae e kaangai, “E na mate n te buaka ke n te baki ke te aoraki te aomata ane e tiku i nanon te kaawa. A na bon aki tiringaki koraki aika otinako n taenikai nako ia kaain B'aburon; a na tiringaki ngkana a biri nako n rawei maiuia.”

Ieremia 52:6

N te karuaiwa ni bongin te kaaua n nam'akaina n te ririki naba anne, ngke e a roko ni korakorana te rongo ao akea kanaia aomata,

B'aeb'aeti 1:1

E a tiku b'a kaanga te kaawa ae akea kaaina ngke bon te kaawa ngkoa ae onrake n te aomata! E a riki b'a kaanga te aine ae e mate buuna ngke bon temanna ngkoa ngaia te botannaomata ae korakora! Boni ngaia ngkoa te uea n aine ni kaawa aika a korakora, ma e a riki b'a te toro.

B'aeb'aeti 2:20

Taraia Atuau! E aera ngkai Ko katuaaira n aron aei? A manga bon kang rab'ataia aia ataei aika a tangiriia tiina! A bon tiringaki ibonga ma burabeti n te Tembora!

Etekiera 22:5

ao a na b'ainingareingkami aomata aika a kaan ma aika a raroa i bukin ami kangaanga.

Teb'ania 2:15

Ao bon anne te b'ai ae e na riki nakon te kaawa ae e rangi ni kainikatonga, ao man taku i nanona b'a e rangi ni manoraoi man taiani kanganga. Aomatana a taku b'a bon tii aia kaawa ae moan matoatoa i aon kaawa nako n te aonnaba. E a riki b'a kaanga, te tabo ae e kamaroaa, ae nneia maan ni motirawa! Aomata ake a ri rarikina ana maaku man taua raroaia mai iai.