Itaia 22:16 - Te B'aib'ara

¹⁶ Tebena, antai ae e anganiko te kariaiakaki b'a ko na karaoa am ruani mate ni b'aan rarikin te tabuki ae a na tabo te uea? Bon akea temanna am utu ae e taunaki ikai.

Itaia 22:16 ပူးပေါင်းရင်းမြစ်များ

Karikani B'aai 50:5

I m'aain maten tamau, ao e tuangai b'a N na berita b'a N na tauna rab'atana n te b'angani matang are e a tia ni katauraoia n te aba are Kanaan. Ma ngaia are, I butiiko b'a ko na kariaia b'a N na nako moa n tauna rab'atan tamau, ao i mwiina I a manga okirikaaki.”

2.Tamuera 18:18

Ngke e bon maiu ngkoa Abetarom ao E a tia ni katea kanuringana n te m'arua are Aia M'arua Uea. Ao e kab'arab'araa iai ni kaangai, “Akea natiu te m'aane ae e na kateimatoa arau.” Ao e aranna b'a Kanuringan Abetarom, ao e bon tiku naba arana anne ni karokoa boong aikai.

2.Rongorongo 16:14

Mai m'aaina, ao bon iai ruanimaten Ata ae e a tia n ekeaki n te tabuki are e b'a i Ierutarem. Ma ngaia are, e bon taunaki ikekei, ao e kanoaaki te ruanimate arei ni b'aai ni kaboiarara, ao taiani b'a aika boiarara. Ao i mwiina, a karaoa aia kaura ai aomata i bukin karineana.

Iobi 3:14

ni matu n ai aroia taian uea ma taan tautaeka ake a manga karaoi bareti ni kawai

Itaia 14:18

A taunaki taiani uea ngkana a mate n taiani ruanimate aika a mimitong.

Itaia 14:19

Ma ngkoe ko na katukaki n aki taunaki, ao te mate riki temanna ae e wene i aan te wae kaanga te m'aoto ni m'aanga. Ko na riki b'a temanna mai buakoia tautia aika a mate n te buaka ao a ruorikaaki nakon b'angab'angan te b'aa ae moan te nano.

Itaia 22:17

Tao ko bon korakora, ma e nang buritiko rake te UEA ma ni karenakoko.

Itaia 52:5

ao ngkai ai manga te botannaomata teuana e a manga uotiko nako b'a te taenikai ao bon akea naba bukina teuana. A ngirangira am taani kairiiri ni maraki, ao e karereantiaki arau n te bong teuana ma teuana.

Mika 2:10

Teirake ao naako; bon akea ae e kona ni manga reke maiuna ikai, b'a N nang karokoa te kanganga ae ab'ab'aki i aon Ierutarem i bukin ami bure.

Mataio 27:60

ao e kawenea n ana nne ni mate ae boou, ae e ekea i nanon te b'a; ao e karabinoa te atibu ae rangi ni buubura ni kaki i matan te nne ni mate, ao e nako.