Itaia 22:15 - Te B'aib'ara

¹⁵ E kanakoko te UEA ae Moan te M'aaka ma te rongorongo aei nakon Tebena, are te buraim minitita.

Itaia 22:15 ပူးပေါင်းရင်းမြစ်များ

1.Uea 4:6

Aitia are tararua te bareti; ao Atoniram are natin Abeta are e tararuaia taani m'akuri.

2.Uea 10:5

Ao mataniwin te bareti, ma mataniwiin te kaawa, ai uana naba ma taani kairiiri nako, ao ake a teetei i bukin Aaba, a kanakoa aia rongorongo nakon Ieu ae e kaangai, “Teuae ko karineaki, bon am toro ngaira. Ao ti na karaoi b'aai ni kabane aika ko tuangiira. Ma bon tiaki ara b'ai te rinea temanna b'a e na uea. Ko a boni karaoa ane ko taku b'a te kabanea n tamaroa.”

2.Uea 18:18

A wewetea Etekia, ao a otinako ana mataniwi aika a rietaata ni kawariia. Temanna mai buakoia bon Irekia are natin Eriakim te m'aane, are bon te buraiminitita. Ao ake uoman bon Tebena, bon ana kauoman te buraiminitita, ao ai Ioa are natin Ataba te m'aane, are bon te tia taui mwiin rongorongon te tautaeka.

2.Uea 18:26

Ao a taku Eriakim, ma Tebena, ao Ioa, “Teuae ko karineaki, ti aki tangiriia aomata aika a kakauongo man te kaawa ae buubura ae e nonoaki b'a a na ataa te b'ai ae e taekinaki. Ma ngaia are, ti butiiko b'a ko na taetae nakoira n te taetae n Aram'aika ao tiaki n te taetae n Ebera.

2.Uea 18:37

Ma ngaia are, a raeuai aia kunnikai i bukin rawawatan nanoia, ao a kaongoraea Etekia b'aai ni kabane ake e a tia n taekin mataniwiin te taanga ni buaka mai Aturia.

2.Uea 19:2

E tuanga te mataniwi n te bareti are Eriakim, ana kauoman are Tebena, ao mataniwiia ibonga b'a a na kunnikaiia ni kunnikai aika a mangaingai ao e tuanga te burabeti are Itaia ni kaangai:

1.Rongorongo 27:25

Te tia kaawakin ana ruunib'ai te uea bon Atimaweta are natin Ariera te m'aane. Te tia kaawakin ana ruunib'ai te uea ake tabeua riki ake n taiani kaawa, ma kaawa naba ake a uarereke ao ake n taian taua n taratara ake i Iteraera bon Ionatan are natin Utia te m'aane.

Itaia 36:11

Ao a taku Eriakim, Tebena, ao Ioa, “Teuare ko karineaki, ti aki tangiriia b'a a na ongora mai nanon te kaawa ma n ataa nanon te b'ai ae ti taekinna. Ma ngaia are, ti butiiko b'a ko na aki taetae nakoira n te taetae n Ebera ma ko na taetae n Aram'aika.”

Itaia 36:22

Ma ngaia are, a raeuai aia kunnikai ni kaota nanokawakiia ao a taekin b'aai ni kabane nakon Etekia ake e taekin te mataniwi ni buaka.

Itaia 36:3

Ao a otinako ana mataniwi ake teniman mai Ierutarem ni kawaria. Temanna mai i buakoia bon Irekia are natin Eriakim te m'aane, are bon te buraiminitita. Ao ake uoman bon Tebena, te kauoman ni buraiminitita, ao ai Ioa are natin Ataba, te tia kaawakin rongorongon te tautaeka.

Itaia 37:2

E tuanga te Buraiminitita are Eriakim, te kauoman ni buraiminitita are Tebena, ao te ibonga b'a a na kunnikaiia ni kunnikai aika a mangaingai ao a na kaangai nakon Itaia:

M'akuri 8:27

Ao ngaia e katauraoia, ao e nako. Ao noria, te aomata temanna, ae te I-Itiobia, ae te iunaki, ae rietaata nakoana irouni Kantake, are te uea n aine i Itiobia, ae te tia kawakini mwin ana b'ai nako neierei aika kakawaki, e a tia n roko i Ierutarem b'a e taromauri iai,