Itaia 22:12 - Te B'aib'ara

¹² Ngke a koro bukin b'aai aikai ni kabane, ao e tuangingkami te UEA ae Moan te M'aaka b'a kam na katu ranin matami ma n tang, ma ni koro marai atuumi, ao n kunnikain kunnikai aika a mangaingai.

Itaia 22:12 ပူးပေါင်းရင်းမြစ်များ

2.Rongorongo 35:25

Ao e korea te kuna ni mate Ieremia are te burabeti i bukin karinean Iotia. Ao man te tai anne, ao a bane n anenea te anene anne aomata ni kabane i Iuta ake a tang ni maten Iotia. E bon karinaki naba i buakon kuuna ni mate.

Etira 9:3

E bon rangi ni kauna nanou te rongorongo aei, ma ngaia are, I raeuai kunnikaiu ao I burimangaoa iran atuu ma buaiu. Ao i mwiina, I a tekateka ma te uruaki n nano,

Neemia 9:9

Ngke a mena ngkoa ara bakatibu i Aikubita, ao Ko noora rawawataia; Ao ngke a nakon Taari are Uraura, Ko ongo tangiia i bukin buokaia.

Iobi 1:20

Ao e teirake Iobi, ao e raeuai kunnikaina i bukin rawawatan nanona. E koromara atuuna, ao e b'aka ni boobaraaki i aontano, ao n taromauriia te Atua,

Te Minita 3:11

E kariki b'aai te Atua n taia aika a riai. Ma bon akea temanna mairoura ae e ataa raoi te b'ai ae E a tia ni karaoia, ao E katikui inanora taian titiraki i bukin boong aika a tia n nako, ao boong aika a na roko.

Te Minita 3:4

te tai n tang ao te tai ni ngare, te tai n nanokawaki ao te tai ni kukurei,

Itaia 15:2

A bane n tia ni waerake nakon te Tembora, ao te baangota kaain Ribon ni kabane, n tang ma ni katuu ranin mataia. A na bane n tang kaain Moaaba. A na bane ni koreaki taiani ira ma taiani buai i bukin te b'ai are e riki i Nebo ao Meteb'a.

Itaia 26:10

E ngae ngkana e akoaki naba te aomata ae e buakaka i aon aban te eti aei, a karaoa ae kaairua ao a matakii nakon mimitongim, ara UEA.

Itaia 29:1

Ierutarem ae ana kaawa Tawita, are nnen au baonikarea, Ko a reke n te kaangaanga! bukamarui am toa n te ririki teuana ma teuana.

Itaia 3:24

A na oneaki mwiin taiani boiarara n taiani boiraa; a na oneaki mwiin taian roo n nuuka, n taian roobu; a na oneaki mwiin taian irannatu aika a biraki n taiani mara n atu. A na oneaki mwiin kunnikai aika a boobuaka ni kunnikai aika a raeraeaki; A na oneaki mwiin te botanaine, n taiani m'akam'aka aika a buakaka i aon rab'ataia.

Itaia 32:11

Ruru ma ni maaku, ngkami aine aika kam aki tarab'ai! Buutii kunnikaimi ao karin kunnikai aika a raeraeaki.

Itaia 37:1

Ao ngke e ongo naba te rongorongo arei Etekia, ao e raeuai kunnikaina i bukin rawaawatan nanona, ao e karin kunnikai aika a mangaingai. Ao i mwiina, e nako n rin n ana Tembora te UEA.

Itaia 37:2

E tuanga te Buraiminitita are Eriakim, te kauoman ni buraiminitita are Tebena, ao te ibonga b'a a na kunnikaiia ni kunnikai aika a mangaingai ao a na kaangai nakon Itaia:

Itaia 58:3

Kam mimi b'a e aera te UEA ngkai e aki kan tabe ngkana kam aki am'am'arake ma ara nanorinano. Ma ni bon te bong naba akanne, ngke kam a katoka ami aki am'aam'arake, kam bon ti iangoingkami i bon iroumi ma ni kabuakakaia ami taani m'akuri.

Ieremia 16:6

E na bon ti te bo aron mateia aika a kaub'ai ma aika a maiu ni kainano b'a a na tiku n aki taunaki. Bon akea aika a na tang n nanoangaia ma ni kaota nanokawakiia ni korokorea rab'ataia ke ni kamaraa atuuia.

Ieremia 16:8

Ko na aki naba roko n te auti ae e karaoaki iai te am'arake ma te mooi ao te bootaki ni kukurei.

Ieremia 4:8

Ao i mwiina, I taku nako ia Iteraera, “Karin i aomi kunnikai aika mangaingai! B'aeb'aeti ao taang ni kaangai, E bon teimatoa naba n un te UEA iroura.’ ”

Ieremia 7:29

Kam na kamaraa atuumi ao tewenakoi irami. Kam na anenea te anene ni mate i aon te tabuki ae akea kain aona. Kam a tia ni kaunai ngkami aika aomata, ao kam a tia ni kiitanai.

Etekiera 27:31

a koromaraia ao a kunnikainiia n te kunnikai ae e mangaingai ngke a tabe n tang ni korakai.

Taniera 5:1

Ao e kaoiia teuana tengaa aomata aika a kakannato te uea are Beretiata nakon ana baka n am'arake ae e buubura, ao a kaai ni mooi wain.

Otea 9:1

Ko na aki karaoa am bukamaru Iteraera ke ni kakarongoa n aroia botannaomata ake tem'angina. Ko a tia n aki kakaonimaki nakon Atuam. Kam karaoa kateia ainen matawa ngkana kanakoaki kunin te uita b'a kam kukurei n te m'ane are kam karekea.

Ioera 1:13

Taang, ngkami aika ibonga aika kam m'akuri n ana baonikarea Atuau. Kangainaa ao kabongnga ni waea te kunnikai ae e mangaingai. A na aki manga uotaki nakon ana Tembora te UEA taian angab'ai are te uita ma te wain.

Ioera 1:8

Kam na nanokawaki kaanga te ateiaine ae e tang i bukin buuna ae e a tib'a mare ma ngaia.

Ioera 2:12

E taku te UEA: E tuai ni b'aka nako taina. Kam bon konaa naba n okirai ma nanomi ni kabane. Moana tangimi ma tanginiwenei! Kam na aki am'aam'arake.

Ioera 2:17

Tuangiia au taani m'akuri, ibonga, b'a a na tang i nanon te Tembora ma n anga te tataro aei i rarikin te baonikarea:

Amota 8:10

N na onika ami bootaki nakon bootaki ni mate, ao N na oniki naba ami anene ni kukurei nakon taian tanginiwenei. Ao ane kam na kamarai atuumi ao kam na kunnikaini kunnikai aika a raeraeaki, ao kam na katotongiia utu aika a tanginiweneia natiia te m'aane ae te rikitemanna. E na bon rangi ni maai te bong arei mai moana ni karokoa tokina.

Iona 3:6

Ao ngke e ongo aei uean Ninewe ao e teirake naba man ana kaintokanuea, e buuta kunnikaina n uea mai aona, ao e karina naba te kunnikai ae e mangaingai, ao e tekateka i buakon te mannang.

Mika 1:16

A nang uotaki nako am ataei aika ko tangiriia ngkoe ae Iuta, b'a taenikai nakon aaba ianena. Ma ngaia are, ko na korea iran atuum ni kamaraa b'a kaotan rawawatam.

Iakobo 5:1

Ongora ngkai, ngkami akana kam kaub'ai: kam na kanenei b'anaami n tang ni korakai i bukin aaro ni karawaawata aika nangi riki nakoimi.