Itaia 22:11 - Te B'aib'ara

¹¹ Ao i mwiina, kam karaoa te tangke ae e buubura i marenan taiani oo i bukin nnen te ran. Ma kam rawa n onimakina te Atua are e baairei b'aai aikai n taai aika a b'aka nako ao e a kakoroi bukiia ngkai.

Itaia 22:11 ပူးပေါင်းရင်းမြစ်များ

2.Uea 20:20

A tauaki rongorongon b'aai ni kabane ake e karaoi Etekia i nanon ana tai n uea n ikotaki ma arona ni karaoa te nei are i eta ao kawain te ran n rin nako Ierutarem, n te boki are Rongorongoia Uean Iuta.

2.Uea 25:4

ao a urua oon te kaawa tautian B'aburon. Ni bon te tairiki naba anne, ao a kataia n iangoi birinakoia Tetekia ma ana tautia man te mataroa are i rarikin nenarokan te bareti, e ngae ngke a ataia ae e a tia ni katobibiaki te kaawa. A kaineta te rereua,

2.Rongorongo 6:6

ao ngkai e a koro bukin te taeka ni berita anne.

Neemia 3:16

E tautaekana aonon te aba are Beta-Tura Neemia are natin Atibuka te m'aane, ao e a manga karaoa naba m'akoron te oo are i mwiina. E waaki nako te oo anne ni karokoa nnen ruanimateia uea, te nei are e karaoaki, ao taian auti ni maeka i bukiia tautia.

Itaia 17:7

Ane a na tanrikaaki aomata n te tai anne n onimakina te Tia Karikib'ai, Atuan Iteraera ae e tabu.

Itaia 22:10

Kam wareki taian auti i Ierutarem ao kam urui ni kab'akai tabeua mai buakoia, b'a e aonga n reke ami atiibu i bukin bonobonotan taiani b'angab'anga n oon te kaawa.

Itaia 31:1

Ko a reke n te kaangaanga ngkana ko nakon Aikubita i bukin buokam, ke ngkana ko mwiokoi taiani kaa ni buaka ake a katikitikaki irouia aoti ke taani buaka i aoia aoti. Ma ko riai n mwiokoa ao n onimakina te UEA ae te Atua ae e tabu ae Atuan Iteraera.

Itaia 37:26

Ko na ongora, ngkai Tennakeriba Irou, Ngai ae te UEA. I baairea te b'ai aei man taai aika a nako. Ao ko tuai man ataia ae bon ti Ngai ni baaireia b'a ngkoe ae ko na karaoi b'aai aikai. I karaoiko b'a ko na urui kaawa aika a buubura.

Itaia 7:3

Ao i mwiina, e taku te UEA nako iu: Kaira natim te m'aane ane Teaiatuba ao naako kawara te Uea are Aati. E na reke iroum i aon te kawai i rarikin ana tabo te tia karao kunnikai are n tokin te kanare are e uota te ran man nnen te ran are i eta.

Itaia 8:17

Man te tai arei ni karokoa ngkai, ao I bon tiku naba n onimakina te UEA, e ngae ngke e a aki kukurei iroun Iteraera.

Ieremia 39:4

Ao ngke e a nooria te Uea are Tetekia b'a e a reke Ierutarem, ao a kataia ni biri nako man te kaawa n te tairiki anne. A nakon ana nne n aroka te uea, ao a biri nako man te mataroa are e mena i marenan oona ake uoua ake oon te kaawa ma ni manga kaineta M'aruan te Karaanga are Ioretan.

Mika 7:7

Ma ngai, N na tarataraa te UEA, ao N na boni kariaria te Atua ma te onimaki, b'a E na boni kamaiuai. E na bon ongo irou.