Itaia 22:10 - Te B'aib'ara

¹⁰ Kam wareki taian auti i Ierutarem ao kam urui ni kab'akai tabeua mai buakoia, b'a e aonga n reke ami atiibu i bukin bonobonotan taiani b'angab'anga n oon te kaawa.

Itaia 22:10 ပူးပေါင်းရင်းမြစ်များ

2.Rongorongo 11:11

ao e a anganiia mataniwin nako taian taanga ni buaka tib'angaia n tatabemaniia nako taiani kaawa akekei n tatabeua nako ao e kaoni n taian am'arake, b'aan te oriwa, ao te wain,

Itaia 22:11

Ao i mwiina, kam karaoa te tangke ae e buubura i marenan taiani oo i bukin nnen te ran. Ma kam rawa n onimakina te Atua are e baairei b'aai aikai n taai aika a b'aka nako ao e a kakoroi bukiia ngkai.

Itaia 22:9

Kam noori taiani kiri b'angab'anga n oon Ierutarem are mai tinaniku, ao kam karokoa te ran man nnen te ran are inano.

Itaia 7:3

Ao i mwiina, e taku te UEA nako iu: Kaira natim te m'aane ane Teaiatuba ao naako kawara te Uea are Aati. E na reke iroum i aon te kawai i rarikin ana tabo te tia karao kunnikai are n tokin te kanare are e uota te ran man nnen te ran are i eta.

Ieremia 33:4

Bon te UEA Ngai ae Atuaia Iteraera, ae I taekinna b'a e na b'aka ni m'akoroua autin Ierutarem ao ana bareti te uea i Iuta b'a mwiin ewekakina ao buakanakina.

Etekiera 21:20

Kaota raoi te tabo ike a nako iai kawai akanne. Teaina e nako Raba ao teaina e nako Ammon, ao teaina e nako Ierutarem, ana kaawa n tua Iuta are e nonoaki.

Te Tua-Kaua 32:18

Kam rairaki nako mairoun te Atua, ae ami Tia Karikib'ai, kam m'aninga taekan te B'a ae Korakora, are bon oini maiumi.