Itaia 21:9 - Te B'aib'ara

⁹ Ao ngkai I a nooriia taanga n tautia teuana ma teuana aika boorein aika taan toka i aoia aoti.” Ao e takaarua temanna ni kaangai, “E a b'aka B'aburon! a bane ni wene n uruaki taiani bouannanti i aon tano ni uruaki.”

Itaia 21:9 ပူးပေါင်းရင်းမြစ်များ

Itaia 13:19

E mimitong ao e korakora te kaawa ae e buubura ae B'aburon, kakatongaia botannaomata. Ma e na riki b'a kaanga taiani kaawa aika a buubura ake Tootom ao Komora i mwiin uruakana Irou Ngai ae te UEA.

Itaia 14:4

Ao i mwiina, ane kam na b'ainingarea Uean B'aburon n anenei kuuna aikai: E a mate te man ae e kakamaaku! E a aki manga un nakoira.

Itaia 2:18

A na nako taiani bouannanti i bukin karaoan te raoiroi.

Itaia 21:7

Ngkana a nooria te taanga ni buaka aika taan toka i aoia aoti ao te koraki n tautia aika a boorein man toka i aoia aati ma kaamero, ao tuangiia b'a a na tauraoi.”

Itaia 47:5

B'aburon, kainab'aabu! Tekateka n te roo. Ko nang aki manga butim'aeaki irouia botannaomata nako b'a aia ueanaine ngkoe.

Itaia 47:9

A na toki korakoran m'aakam n tabunea ma am b'ainikawai, ao ane e na akea buum ao a na mauna nako natim.

Itaia 48:14

Bootaki i rarikiu, ngkami ni kabane! kakauongo nakon te b'ai ae N na taekinna. Iai mairouia ami bouannanti aika a kaman taekinna b'a a na riki baikai? A taekinna b'a e na karaoa te b'ai ae a tangiria raoraou nakon ae N na karaoia nakon B'aburon?

Ieremia 50:29

Buakana B'aburon, aia taani katebe kairiribai; katea ami autinrianna ni katobibia te kaawa are e buubura, ao tai kabiri nakoa temanna. A kakaotinakoai, Ngai ae te Atua ae e Tabu, ma ngaia are, karaoa nakoina te b'ai are e karaoia nako ia kaawa aika a buubura ake tabeua.

Ieremia 50:38

Ane a na mautakataka ami karaanga ma ami kanare nako. A na bane n riki baikai, i bukina b'a e onrake abami n taian bouananti, ao a tia ni kaburababaingkami.

Ieremia 50:42

A mena i nanoni baiia taiani kainikatebe ao kanoanikatebe ao taiani kabaang. A iowawa tautia ao akea aia nanoanga. A eeko rebwerebwen waeia aia aoti kaanga naoni marawa aika a rebwe i mataniwiin te bike. A tei n te rain ana taanga ni buaka n tataninga te buaka ao a roko b'a a na buakaningkami, kaain B'aburon!

Ieremia 50:9

Mai meaang, N na karokoia botannaomata aika a korakora n ti teuana. A na buakana B'aburon ao a na taua. Ti te bo kanoan aia katebe ma aia kanoa tautia aika a bane aroia ae a bon teeteke naba aia taakete.

Ieremia 51:27

Aanga te kanikina nako ia botannaomata nako b'a a na tauraoi nakon te buaka. Irakea te buraeki ao katanga te buu. Kanakoa weteaia aia taanga ni buaka kaain Ararata, Minni, ao Atikenati. Rinea te mataniwi; ao kanako ia taani buaka i aoia aoti b'a a na buaka kaanga taanga n rokati.

Ieremia 51:44

N na katuaaea Maretuka, are antin B'aburon, ma ni karaoia b'a e na mumutai b'aai nako ake e kab'auti. Ao i mwiin anne, a na aki manga uoti aia b'aintangira botannaomata nakoina, ao a na maerikiriki oon nako B'aburon.

Ieremia 51:47

E a roko te tai are N na katauaea iai antin nako B'aburon ni kewe. A na bane ni mate aomata, ao e na b'ainrang te botannaomata ae e b'anin,

Ieremia 51:52

N te tai ae e aki maan N na karokoa te buaka b'a e na katuaai ana bouananti nako B'aburon ma ni katikuia kaaina aika a ikoaki n tang man taabo nako.

Ieremia 51:64

“Aio aron inakon B'aburon ngkana e uruakaki i roun te UEA. A na bane ni mate kaain te kaawa, ao e na aki manga reke korakorana n teirake.” E bane ikai ana koroboki Ieremia.

Ieremia 51:8

Ma e na rina ni b'aka B'aburon ao e na uruaki. Boni Ngai ae te UEA ae I tuangiia ianena ake a maeka ikekei ni kaangai, “Taang i bukin te kaawa! karekea te b'ainaoraki i bukin ikoakina; tao a na bae n raoiroi.”

Te Kaotioti 14:8

Ao te anera temanna, ae te kauoman, e ri mwin are te moa n anera, ao e kaangai, “E a b'aka, e a b'aka B'aburon are te kaawa are kakannato, are kamoiia botannaomata ni kabaneia n ana wain, are bon nanona ae korakora ni kani wene ni bure.”

Te Kaotioti 18:2

Ao e taetae n te b'ana ae korakora, ao e kaangai, “E a b'aka B'aburon are kakannato! e a b'aka ao e riki b'a neia ni maeka taimonio. Ao neia ni kabureaki tamnei aika kam'ara ni kabaneia, Ao neia ni kainaki maan aika ribaki ni kabaneia.

Te Kaotioti 18:21

Ao temanna te anera ae korakora e tabeka te atibu ae ab'akin te atibu n ii b'araua, ae te atibu ae ab'ab'aki, ao e tewea nako marawa; ao e kaangai, “Ao aio aroni B'aburon, are te kaawa are kakannato: e na kab'akaki ni karurunginakoaki, ao e na aki manga noraki.