Itaia 21:4 - Te B'aib'ara

⁴ E minotaki atuu; I a maaku! N te moan tairiki, a onikaki au tai aika a kukurei nakon te miibuaka.

Itaia 21:4 ပူးပေါင်းရင်းမြစ်များ

1.Uea 1:49

Ao a ruru ni maaku ana iruwa Atoniia ngke a ongo te rongorongo aei, ao a kabiri m'aakaia ni birinako.

Etita 5:12

Ao e reitanako ana taeka ma n taku, Ma ai moara riki aron Nei Etita are te ueanaine, b'a bon akea ae e a tia ni karaoa ana baka n am'arake i bukina, ma bon ti nakon te uea ao ngai, ao e a manga kaoiira naba b'a ti na manga oki nakon te ingabong.

Taian Areru 55:5

I rurubenebe b'a I maaku; E taonai korakoran angin te maaku.

Taian Areru 55:6

A bia reke baiu ni kiba n ai aron te taobe: Ao I a kona ni kibakiba nako ni karekea motikan rawau.

Ieremia 4:19

I aki konaa n taona te maraki! E ikeike buroou, ao I nib'araa ao I minominotaki ni korakain nanou. I ongo tangin te bu are te kanikina ao karongoaan te keekee ni buaka mairouia kairiribai, ao I a aki konaa ni kainab'aabu.

Ieremia 51:39

Ao ngkai a kaman baki N na anganiia te baka n am'arake. A na bootaki ni kukurei, a na koro ni manging, ao i mwiina, a na b'aka ni matu, ao a na aki manga uti!

Ieremia 51:57

Bon te UEA Ngai ae Moan te M'aaka, te Uea ni koaua, ae I berita b'a a na bane ni manging mataniwi ao taan iango, koowana ma taani kairiiri ao tautian B'aburon, ao a na koronimanging ao a na b'aka ni matu, ao a na aki manga uti.

Taniera 5:1

Ao e kaoiia teuana tengaa aomata aika a kakannato te uea are Beretiata nakon ana baka n am'arake ae e buubura, ao a kaai ni mooi wain.

Taniera 5:30

Ao e tiringaki Beretiata are ueani B'aburon ni bon te tairiki naba anne;

Taniera 5:5

Ao e rina ni kaoti bain te aomata, ao e koroboki i aon oon nanon te bareti n te tabo are e rangi n oota nako iai ootan te taura. Ao te uea e noora te bai arei ngke e tabe ni koroboki.

Naum 1:10

Ngkami aika kam mamanging, kam na kabuokaki n ai aron uteute aika a kateketeke, aika a m'auteretere.

Te Tua-Kaua 28:67

N te ingabong koraki kam na uti n noori b'aai aika rangi ni kakamaaku, ao ane kam na kaangai n tatabemaningkami, “Tera ngke e a bong!” Ma ngkana e a bong, ao ane kam na manga maaku ao kam na kaangai, “Tera ngke e a ngaina!”

Te Tua-Kaua 32:11

Kaanga ai aron te ikare te UEA ae reireina natina ni kiba, ma n tatauraoi ni kiba rikaaki n rawea natina mai akuuna.