Itaia 21:3 - Te B'aib'ara

³ E a rangi ni korakora marakiu kaanga te aine ae e ariri ni bungiia natina. I tiaoki mani ikoaki korakora n te aro are I a bonotaninga ke n aki noraaba.

Itaia 21:3 ပူးပေါင်းရင်းမြစ်များ

Taian Areru 48:6

A taonaki n te maaku ae korakora, kanga ai aroia aine aika nangi bung;

Itaia 13:8

A na bane ni ruru aomata n te maraki kaanga te aine ae e ariri ni bung; ane ana taraia i bon irouia ma te mata ni maaku.

Itaia 15:5

Ai kaawara Moaaba! A biri nako kaaina nako Toa ao nako Ekerata-Teritiia. A tang i aon kawaia ni waerake nakon te kaawa are Ruita; A taekina rongorongon te kabuanib'ai i aon te kawai nako Oronaim.

Itaia 16:11

E uruaki nanou inanou i bukin Moaaba ao Kiri-Ereti.

Itaia 16:9

Ao I tang ngkai n ai aron Iatera i bukin taian nne n aroka ni kureebe i Tibema. I katuu rannimatau i bukin Etibon ao i bukin Areare. E na aki manga karaoaki te baka n am'arake i bukin te tai

Itaia 26:17

Ti maraki n ai aron te aine ae e nang bung i bukin te b'ai are ko a tia ni karaoia nakoira.

Ieremia 4:19

I aki konaa n taona te maraki! E ikeike buroou, ao I nib'araa ao I minominotaki ni korakain nanou. I ongo tangin te bu are te kanikina ao karongoaan te keekee ni buaka mairouia kairiribai, ao I a aki konaa ni kainab'aabu.

Ieremia 48:41

A na tauaki ami kaawa aika a buubura ma ami nono, ao a na tauaki ni korakoran te maaku ami taan buaka.

Ieremia 49:22

A na kiba rikaaki aiam ni buakaniko kaanga te ikare ae e taakin baina ni kiba ma ni kibakiba i aon Botira. Ane a na tauaki n te maaku am taani buaka.

Ieremia 50:43

E a kaman tia n ongo ami uea taekan te taanga ni buaka aei, e a tia ni mamaara n te maaku; e minominotaki ma n rairaki ma te maraki kaanga te aine ae e bungia natina.

Ieremia 6:24

Ao a taku aomata, “Ngkana ti ongo taekaia ao ti a ruru naba ni maaku, ao ti minomino ni maraki kaanga te aine ae e bungiia natina.”

Ab'akuka 3:16

I bane n ongo baikai ao I riki n ruru iai; a ruru matanriau ni maaku. E keerikaaki korakoran rab'atau ma n rurubenebene waeu. N na tataninga ma te rau, n taningaa rokon te tai are E na oroia iai te Atua koraki akea a buakanira.

Ioane 16:21

Ngkana e a kani bung te aine, ao e nanokawaki, b'a e a roko ana aoa ni maraki; ma ngkana e a tia ni bungia natina, ao e m'aninga taekani marakina, i bukini kukureina b'a e a bungiaki te aomata nako aon te aba.

Te Tua-Kaua 28:67

N te ingabong koraki kam na uti n noori b'aai aika rangi ni kakamaaku, ao ane kam na kaangai n tatabemaningkami, “Tera ngke e a bong!” Ma ngkana e a bong, ao ane kam na manga maaku ao kam na kaangai, “Tera ngke e a ngaina!”

1.I-Tetaronike 5:3

Ngkana a kangai aomata, “E a rau te aba ao akea te kakiriwe,” ao ane e na roko ni karina te kabuanib'ai nako ia, kanga ai aron rokon te ariri ni maraki iroun te aine ae nangi bung; ao a na bon aki kona ni kamaiuia maiai.