Itaia 21:2 - Te B'aib'ara

² Bon te kaotioti ae e kakamaaku are e kaotaki nako iu te kaotioti i bukin te kam'aam'ane ao te urub'ai. Tuanga Eram ao Miria b'a a na katobibia man buakaniia kaain B'aburon. E a tia n tuea te UEA b'a na katoka te karawaawata are a karikia.

Itaia 21:2 ပူးပေါင်းရင်းမြစ်များ

Karikani B'aai 10:22

Natin Tem mm'aane---Eram, Atura, Arebaketiata, Ruuta, ao Aram---boni ngaiia aia bakatibu aomata akana a boni kaotaki araia iai.

2.Uea 17:6

i m'aain are e a reke i rouna n ana karuaiwa n ririki ni uea Otea. E uotiia nako Iteraera uean Aturia b'a buure. E kairoroia tabeman mai buakoia b'a a na maeka n te kaawa are Ara, ao tabeman b'a a na maeka i rarikin Karaangan Abora n te aba are Kotan, ao ake tabeman b'a a na maeka ni kaawa ake a maeka naba iai kaain Miria.

Taian Areru 119:158

I noriia taan rawa nakon am Tua, ao I ribaia; B'a a aki taua am Taeka.

Taian Areru 12:5

E kaangai te UEA, “N na teirake ngkai, b'a a karawaawataaki kainano ao a maraki taani b'ainikiriinaki. N na anganiia kamanoaia are a kaman tatangitangiria.”

Taian Areru 25:3

A aki kona ni konaaki akana onimakiniko irouia aiaia; ma ti te koraki ake akea nanoia b'a ti te kan ekiko nako.

Taian Areru 60:3

Ko a tia ni karaoa ae a na rangi ni kainano iai am Botannaomata; Ti bebebebe n ai aron ae ti manging.

Taian Areru 79:11

Ko na ongo rawawatan nanoia akana kabureaki, Ao kainaomataia ni m'aakam akana motikaki taekaia b'a a na kamateaki.

Taeka n Rabakau 13:15

E neboaki te motinnano ae e raoiroi, ma i aoni kawaia nakon te kabuanib'ai aomata aika akea kanoan aia iango.

Itaia 11:11

Ngkana e roko te bong arei, ao e na manga arora baina ae e m'aaka te UEA ni kaokiia ana Aomata nakoni mwengaia ake taian nikira ni maiu mai Aturia, Aikubita, Bateroti, Itiobia, Eeram, Tina. Amata, ao te aba are i mataniwiin taari.

Itaia 14:4

Ao i mwiina, ane kam na b'ainingarea Uean B'aburon n anenei kuuna aikai: E a mate te man ae e kakamaaku! E a aki manga un nakoira.

Itaia 14:7

A bane ni wene n rau te aonnaba ni kabane; a karaoa aia baka ni kukurei aomatana ma taian anene ni kukurei.

Itaia 22:6

A na buaka kaain Eram ao Kiri ma taian kaanibuaka ao a na uoti naba taian otanga.

Itaia 24:16

E na ongo te aba taian anene n nebo i bukin ana motikitaeka ae eti te Atua. Ma e rangi ni korakora ma n aki rau n te rawaawata n nano. Bon iai ae e konaa n onimakinaki? Bon angiina taani kewe!

Itaia 33:1

Ko konaiia au aomata. Ko a reke n te kangaanga! Ko tuai man ururuakaki, ma ko nang uruakaki; ko tuai man kam'aneaki; ma ko nang kam'aneaki. Ngkana e a bane am uruuru ma am kam'aam'ane, ao ko nang manga uruakaki ma ni kam'aneaki n aron anne.

Itaia 35:10

A na oki ma te anene aomata aika e a tia te UEA ni kamaiuia ngkana a rin i Tion. E na riki te kukurei b'a aia bau ni uea ae a na baunna n aki toki. A na bukamaruia ao a na takaarua b'a a nako ni kabane rawawataia ma raraomaia.

Itaia 47:6

I un ngkoa irouia au aomata. Ma ngaia are, I kanakoko b'a ko na anaa abaia ma ni karokoa te kamaamaaeaki i aoia. Bon akea am Nanoanga nakoia, ma ai moaraara riki nakoia ake a kara.

Ieremia 25:25

Timri, Eram, Meria,

Ieremia 31:20

Kaain Iteraera, bon natiu ngkami aika kam rangi n tangiraki. E koaua b'a I aki tangiringkami nakon b'aai nako? Ngke I aki toki ni karawaawataingkami, ma I tangiringkami b'a kam na meemena i rarikiu, b'a I aonga nanoangaingkami. Bon aio Au taeka Ngai ae te UEA.

Ieremia 31:25

A na manga reke maiuia ma korakoraia koraki akana a kua ma ni kainano,

Ieremia 45:3

Kam tanginiwenei ao kam bukinai, Ngai ae te UEA, i bukin ami kangaanga ao rawawatami, ao i bukina naba ngkai kam a rangi ni kua b'a e tuai man reke motirawami.

Ieremia 49:34

E aki maan i mwiin uean Tetekia i aon Iuta, e taku te UEA ae Moan te M'aaka nako iu: Aomatan Eram. Ngai, te UEA ae Moan te M'aaka, N na tiringiia taani katebe ake a kakorakoraa Eram.

Ieremia 50:14

E a tia B'aburon ni kakaitaraai. Taani katebe kakioi nnemi. Kanakoa ami kanoanikatebe nako B'aburon.

Ieremia 50:34

Ma bon Ngai ae te UEA ae Moan te M'aaka, ae N na kamaiuia ma ni kaawakiniia. N na kakoroa te rau i aon abaia ao N na karokoa te kangaanga i aon ami b'ai.

Ieremia 51:11

Boni Ngai ae te UEA, ae I tangira B'aburon b'a e na kamaunaaki, i bukina ngke a urua au Tembora ana taanga ni buaka. Ma ngaia are, kam na kakangii ami kanoanikatebe ngkami aika uean Miria, ao anai ami otanga.

Ieremia 51:44

N na katuaaea Maretuka, are antin B'aburon, ma ni karaoia b'a e na mumutai b'aai nako ake e kab'auti. Ao i mwiin anne, a na aki manga uoti aia b'aintangira botannaomata nakoina, ao a na maerikiriki oon nako B'aburon.

Ieremia 51:53

E ngae ngke a roota karawa oon nako B'aburon, ma e na urua te kaawa ae e buubura aei te taanga ni buaka ae N na karokoa. Bon aei Au taeka Ngai ae te UEA.

B'aeb'aeti 1:22

“Baairei taekaia i bukin aia m'akuri aika a buakaka; Katuuaia, n ai arom ngke Ko katuaaira naba i bukin ara bure. I tang ni korakai, ao e a aoraki nanou.”

Taniera 5:28

Te bwenauaki, E a tia ni bwenauaaki ueam, ao a anganaki kaain Miria, ma kaain Bootia”

Taniera 5:9

Ao e rikirake te maaku ae e korakora iroun te uea are Beretiata n te aro are e a mainarake moana, ao a aikoa ataa te b'ai ae a na karaoia ana taani iango te uea.

Taniera 8:2

I a mena i nanon oon te kaawa are Tutian n te burawinti are Eram i nanon te kaotioti arei. Ao I tabe n teitei i rarikin te karaanga are Urai,

Taniera 8:20

Te tiibu m'aane are ko nooria are iai korona aika uaai bon rab'atan te tautaeka ni Miiria ao ni Bootia.

Te Kaotioti 13:10

Ngkana iai ane katauaki b'a te taenikai, ao ke e nako b'a te taenikai; ao ngkana iai ane kamatea te aomata n te kabaang, ao e na kamateaki naba n te kabaang. Nanona ngkanne, b'a ake a itiaki a riai n teimatoa n aia onimaki.”

1.Tamuera 24:13

Ko bon ataa te taeka ni kawai teuana ae e kaangai, “E karaoaki te buakaka irouia aika a bon buakaka.” Ma ngaia ae, N na bon aki karaoa ae e buakaka nakoim.