Itaia 21:12 - Te B'aib'ara

¹² Ao I kaeka man te boua are au tabo n tei ni kaangai, “E na waekoa n roko te ngaina, ma e na manga oki naba te tairiki. Ngkana ko kan ataia riki, ao ko a manga oki riki rimwi.”

Itaia 21:12 ပူးပေါင်းရင်းမြစ်များ

Itaia 17:14

E na rangi ni korakora aia buaka n te bong, ma ngke e a ingabong ao a mate. bon anne te b'ai ae e na riki nakoia akana a ewekiira ma ni kurib'aia abara.

Itaia 21:11

Aio te rongorongo i bukin Ruma: E takaarua temanna nako iu man te kaawa are Teira “Taan tei, ai ti maanra riki ao e a ngaina?”

Itaia 21:13

Aio te rongorongo i bukiia kaain Arabia ake a maeka n te rereua are e mate are n aonon Tetan: Ko riai ni kaoiia am kaa ni m'ananga

Itaia 55:7

Kaaki kawaim nako aika b'aoua ao am iango aika a buakaka. Okira te UEA ae Atuara. E na nanoangaiko ao ane E na kab'arai am bure nako.

Ieremia 50:27

Tiringiia tautian B'aburon, i bukina b'a e a roko te tai are a na katuaaeaki iai.

Etekiera 33:11

Ko na tuangiia b'a ngkai I bon maiu Ngai ae te UEA ae Atuam ao I bon aki kariaia b'a N tarataraia aomata aika a buakaka ngkana a mate. I tangiria b'a a na rairaki man aia bure ma ni maiu. Ma ngaia ae ngkana a tangiria ni maiu Iteraera, ao a riai ni katoka karaoan te bure ma n rairaki nako iu.

Etekiera 7:10

E a kaan te kabuanib'ai! E a mena n taabo nako te motibuaka ma te kainikatonga,

Etekiera 7:12

E a roko te tai are a na bane iai aomata n uruaki aroia. E nang toki te kaboob'ai ma te kabonako b'aai,

Ob'aria 1:1

Aio ana taeka ni burabeti Ob'aria, ake E taekin te UEA ae rietaata i bukiia aomatan Etom. E a tia te Atua ni kanakoa Ana tia uarongorongo nakoia botannaomata nako, ao ti a tia n ongo ana rongorongo: “Tauraoi! Ti a nako ni buakana Etom”