Itaia 21:10 - Te B'aib'ara

¹⁰ Ao i mwiina, I a kaangai, “Au aomata, kam a tia n rangi n rawaawata, ma iai au rongorongo nakoimi mai roun te UEA ae Moan te M'aaka, ae Atuan Iteraera.”

Itaia 21:10 ပူးပေါင်းရင်းမြစ်များ

1.Uea 22:14

Ma e kaeka Mikaia ni kaangai, “N na taekina are e tuangai te UEA ae e maiu.”

2.Uea 13:7

A teimatoa Iteraera ni buubure ma ni katotongiia ana utu Ieroboam. A aki roko n te urui taiani bouananti ake a tia ni kateaki i Taamaria i bukin taromaurian te anti are Nei Aatera.

Itaia 28:28

A oreaki taiani uita ma taiani b'aare, ma a aki oreaki ni karokoa maenikunna; a kamanatuaaki n taiani kaanib'ai aika a katikaki irouia maan ma a aki rangi ni kamantaki ni kab'autaki.

Ieremia 23:28

Ti te bo kaokoron miia ma au koaua ae kanga te uteute ao te uita. Ma ngkana a taetae burabeti i buku a na ti taekina te b'ai are I tuangiia.

Ieremia 51:33

Boni Ngai ae te UEA ae Moan te M'aaka ae Atuaia Iteraera, ao I karaoa te boraraoi aei “E na kaboraoaki B'aburon ma ni kamanatuaaki kaanga te tabo ni kaaki kun ni uita n tain te tai.”

Etekiera 40:4

E taku te m'aane arei, “Etekiera, ae natin te aomata, karekea raoi matam ni b'aai nako aika N na kaoti nakoim, bon anne bukina ngkai ko kairaki nako ikai. Kakauongo raoi, i bukina b'a ko na manga tuangiia aomata te b'ai ae ko nooria.

Amota 3:8

Ngkana e bekorara te raian ao ai antai ae e na kona n aki maaku? Ngkana e taetae te UEA ae te Atua ao ai antai ae e na totokoa taetaekinan ana taeka?

Mika 4:13

E kaangai te UEA, “Kam na nako n oreia ami kairiribai ngkami aika kaain Ierutarem! N na kakorakorako n ai aron te kaom'aane ae iai korona aika biiti, ao iai naba ana kau ni wae ae te buraonti. Ko na kamanatuaia botannaomata nako, ao ko na uotii mai nako iu Ngai ae UEAN te aonnaba ni kabane, kaub'ai ake a reke mairouia botannaomata ake a konaiia n te buaka.”

Ab'akuka 3:12

Ko m'ananga ri aon te aba ma te bononnano Ko toutouia botannaomata n unim

Mataio 3:12

E mena i nanoni baina te b'ai ni m'akuri are E na kaitiaka iai maangen te uita man te tabo are ororeaki iai te uita b'a e aonga n raure nako ma kaina. E na boti uaa n uita i nanon ana titoa ni b'ai, ao E na kabuoki maangen uita n te ai are aki mamate.”