Itaia 21:1 - Te B'aib'ara

¹ Aio rongorongon te rereua are i rarikin taari: A na buaka kairiribai man aia botannaomata kairiribai kaanga te ukeukenanti man Rereuan Maiaki.

Itaia 21:1 ပူးပေါင်းရင်းမြစ်များ

Iobi 37:9

A roko angibuaka mai maiaki, ao taiani m'aitoro mai meang.

Itaia 13:1

Aio te rongorongo ae I anga i bukin B'aburon:

Itaia 13:13

I rangi n un, Ngai ae te UEA ae Moan te M'aaka Ngaia ae N na ioioa karawa ao e na rurubenebene te aonnaba.

Itaia 14:1

E na nanoangaea Iteraera te UEA ao e na manga karikiia b'a ana aomata aika a rineaki. E na kaokiia nakon abaia, ao a na iraki irouia ianena b'a a na riki b'a Iteraera naba.

Itaia 14:14

N na mena i aon taian nang, n aron te Atua ae Moan te Rietaata.”

Itaia 14:23

E na kanakoia aomata te UEA, ao e na riki te aba b'a te tabo ae e aoneinei ae nneia maan aika a aki manana.

Itaia 17:1

Aio te rongorongo ae taekan Tamateko: Ko a reke n te kabuanib'ai Tamateko! E na roko n tokina are te uruaki.

Itaia 47:1

Te Kaawa ae e buubura ae B'aburon, ko rangi ni maraurau ao ko ubu, ma ko na bitaki. Kaaki m'aakam ni uea ao tekateka i aon te baareka.

Itaia 5:28

A kakang aia kanoanikatebe, ao a tauraoi aia kainikatebe. E matoatoa waen aia aoti kaanga atibu aika matoatoa, ao e mino m'aaka wiiran aia kaanibuaka kaanga te kiikannang.

Ieremia 51:1

Boni Ngai ae te UEA, ae I kanakoa te ang b'a e na uruaniia kaain B'aburon ma B'aburon, are atuun kaawan te tautaeka.

Ieremia 51:42

Ane a na teirake ana kairiribai B'aburon kaanga naon te marawa ao e na kaiekaa te kaawa.

Ieremia 51:51

Kam na bon mamaa ao kam na b'ainrang, i bukina b'a a tia n rin ianena n au Tembora are e tabu.

Etekiera 1:4

I tararake ao I noora buakani karawa ae e roko mai meaang. E nako te iti man te nang ae e korakora ao e kaotaa karawa ni kabane n te raitiiti ae raneanea. Nukan te nang arei e ura ma n oota nako kaanga te biti ae e waanetiaki,

Etekiera 30:11

E na taua ma n urua abam ngaia ma ana taanga ni buaka ae e iowawa ao a na kiitana rab'atami aika a mate ni kaibetaotaoi rake n taabo nako.

Etekiera 31:12

E na koreaki ni kab'akaaki irouia ianena aika a iowawa ma ni katikua n te tabo ike e b'aka iai. A na maaenako m'aangana ma m'aangana ake a uarereke i aon taiani maunga ao i nanon taian m'arua. A na nako aomata ake a maeka i aan nuuna nakon taabo n aki akaaka.

Etekiera 38:9

Ma ko na buakaniia ma am taanga ni buaka kaanga buakanikarawa ma ni katobibia kaanga te nang.

Taniera 11:40

“N te tai are e nang roko iai n tokina uean Tuuria, ao ane e na teirake iai uean Aikubita ni buakanna, ao e na manga teirake uean Tuuria ni kaitaraa ni buakanna ma korakorana ni kabane. E na kamanenai ana kaa ni buaka, ana aoti, ao ana kaibuke aika a bati. E na eekinakoi man taui aaba aika a bati n ai aron rokon te ieka.

Tekaria 9:14

E na kaoti te UEA ae te Atua nakoia Ana aomata kaanga te nang, ao E na iti n oota Ana kanoanikatebe kaanga te iti. E na katanga ana buu te Atua ma ni buaka n te ukeukenanti mai maiaki.