Itaia 20:4 - Te B'aib'ara

⁴ A na bane ni uotaki nako iroun uean Aturia aomata ni kabane aika i nanon kaawa aika uoua aikai ao a na aki karabaaniia ao a na aki kauniwaeniia. Te ataei ma te ikawai, a na anaaki b'a taian taenikai, ao e na kamaamaaeaki Aikubita.

Itaia 20:4 ပူးပေါင်းရင်းမြစ်များ

2.Tamuera 10:4

Ma ngaia are, e katikiia ana mataniwi Tawita Anun ao e koroibuaia n iteran ubuia are te iterana. E koroi niiniiraia mai aan beebeia, ao i mwiina, e kanakoia.

1.Rongorongo 19:4

Ao Anun, e tauia ana mataniwi Tawita ao e koroi buaia ni kabane ao e korouai niiniiraia rikaaki nakon koreaia, ao e kanako ia ni kaokiia.

Itaia 19:4

N na kaakiia kaain Aikubita i aani m'aakan te uea ae e iowawa ae akea ana Tangira. I a tia ni berita n aei Ngai ae te UEA ae Moan te M'aaka.”

Itaia 3:17

Ma N na kaon atuuia Ngai ae te UEA n taiani kinaka, ao N na kaaki karabaan rab'ataia.

Itaia 31:2

E a aki baba te UEA! E karaoi baika e a tia ni berita iai ni kabane, ao e konaa ni karokoa te kangaanga. Ngkana ko bon buakaka naba, ao ko na bon kamaunaaki.

Itaia 31:3

Bon taian aomata naba kaain Aikubita. Bon tiaki Atua ngaiia. A bon karaoaki naba aia aoti man te iriko; a aki konaa ni maiu n aki toki. Ngkana e kaota m'aakana te UEA, ao ane e na tiringiia kaain Aikubita ao koraki ni kabane ake a mwiokoia. A na bane ni kaai ni b'aka.

Itaia 47:2

Moana kamantan te uita! Kanakoa rabunan matam. Buuti kunnikaim aika a tamaroa ao ri aon te karaanga.

Itaia 47:3

Ko na rawata ni mamaa ni kabebeekanaki, i bukina b'a I a tia ni karaoa te irantaanga, ao bon akea ae e konaa ni biri nako.

Ieremia 13:22

Kam ataia b'a aera ngkai a raeraeaki ami kunnikai ao ma ni kabuakakaki? B'a bon i bukin ami bure aika a rangi ni buakaka.

Ieremia 13:26

Kam mareaki ma Ngai, ma kam aki kakaonimaki. Kam riki naba b'a ainen mataawa n aromi n taromauri anti aika a ribaaki i aon taian tabuki ma tawaana.

Ieremia 46:19

Kam na kairaki nako b'a taenikai, ma ngaia are, kam na booboti b'aai tabeua, aika kam na uoti ma ngkami. E na wene n akea kanoana ma n uruaki atuun kaawan ami tautaeka ae Membiti.

Ieremia 46:26

N anga ngaiia nakon te Uea are Nebukaneta ma ana taanga ni buaka. Ma I bon berita b'a a na manga roko boong are a na maeka aomata i Aikubita aika a na manga maeka riki ikai, n aron are mai m'aaina. Bon aei Au taeka Ngai ae te UEA.

Etekiera 30:18

Ko rangi ni kainikatonga i bukin m'aakan am botannaomata, ma ngkana I kamanatuaa te m'aaka anne ma n tiringa te kainikatonga anne, ao e na b'aka te rotongitong i aon te kaawa are Teabeneeti. E na rabuna te aba te nang ae roo ngkana ko a uotaki nako b'a te taenikai.

Amota 9:7

E taku te UEA, “Ngkami aika Iteraera, I aki kaokoroa are I karaoia nakoimi ma are I karaoia nakoia I-Tiobia. I kaotinakoia I-Biritia mai Kabetora, ao I-Tuuria mai Kira, n ai aromi ngke I kaotinakoi ngkami mai Aikubita.

Mika 1:11

Kam na b'aib'ainrang ngkami aika kaain Tabira, b'a kam na kairaki nako b'a taenikai, ao akea karabaami. Kam na aki kataia n otinako man nonon ami kaawa kaain Taanan. Ngkana kam ongo tanginiweneia kaain Beta-Etera, ao kam na ataia iai b'a akea te tabo ae kam na mauri iai.

Naum 3:10

Ma e ngae n anne, ao a boni bane n uotaki nako naba kaain Teebe nakon te kataenikaiaki. A oroia ataei ni uaa mateia ni katawanangin nanon te kaawa. A kabaeaki n taurekereke taani kairiri, ma n tib'aaki nakoia taani kairiia taenikai.

Teb'ania 2:12

Ao te Atua E na tiringiia naba aomatan Itiobia.

Te Kaotioti 3:18

Ma ngaia ae aio au taeka n reirei nako im: ko na kabooa te koora ae irou, ae te koora ae aki rengarengan, b'a ko aonga ni kaub'ai. Ko na kabooi kunnikai aika mainaina b'a ko aonga ni kunnikaiko, ao b'a e aonga n aki noraki arom n aki karabaniko ae kamamaa; ao ko na kabooa naba b'aini kabiran te mata ni kabiri matam iai, b'a ko aonga n noraba.