Itaia 20:2 - Te B'aib'ara

² Ni bon te tai naba aei ao e tuangai te UEA ni kaangai, “Itaia, buuti am kunnikai ni kabane, n ikotaki naba ma am kauniwae!” I karaoa aei, ao I nakonako n aki karabaanai ao n aki kauniwaenai

Itaia 20:2 ပူးပေါင်းရင်းမြစ်များ

2.Tamuera 15:30

Ao e waaki nako Tawita nako karaabeen te Maunga are Oriweta. E bon aki kaunna ao e tang, ao e karabaa atuuna ni kaota rawawatana. Ao a bane n tang ake iria, ao a rabuni naba atuuia.

2.Tamuera 6:20

Ao e okira mwengana Tawita b'a e aonga ni konaa ni buubutiia te UEA b'a e na kakab'aiaia ana utu. Ma e otinako Nei Mikara are natin Tauro te aine ao e a tatakarua nakoina ni kaangai, “Ko rangi ni kakannato n te bong aei! Ko karaoa aron te unim'aane ae e baareka, ni m'am'aie ni bebeekan i mataia am taan ni m'akuri aika ataeinaine.”

2.Uea 1:8

Ao a taku, Bon te aomata ae e buraerae ao e roona nuukana n te bare ae te kunniman. Ao e taku Aatia, Bon Eria te aomata anne.

Taian Areru 30:11

Ko a tia n onea nanokawakiu nakon te kukurei ae bati; ko uota nako rawaawatau, ao Ko kaonai n te kim'areirei.

Te Otinako 3:5

Ao E kaeka te Atua, “Ko na aki rangi ni kaaniiko. Buuta am kauniwae mai waem b'a e tabu te tano ane ko tei i aona.

Itaia 1:1

Bon Itaia ngai ae natin Amota. Ao aio te rongorongo are I anganaki i bukin Iuta ao Ierutarem ngke a uea Utia, Iotam, Aati, ao Etekia i aon Iuta:

Itaia 13:1

Aio te rongorongo ae I anga i bukin B'aburon:

Itaia 37:2

E tuanga te Buraiminitita are Eriakim, te kauoman ni buraiminitita are Tebena, ao te ibonga b'a a na kunnikaiia ni kunnikai aika a mangaingai ao a na kaangai nakon Itaia:

Ieremia 48:37

A bane n tia ni koromaraia ma ni korobuai. A a bane n tia ni korokoroi aon baiia, ao a bane ni kunnikaiia ni kunnikai n aki akaaka.

Etekiera 24:17

Ko na tang n te aro ae akea ae e na ongo tangim ao ko na kaotia b'a ko aki rawaawata. Ko na aki kanakoa am m'aita ke ni kanakoi am kauniwae; ko na aki rabun matam ni kaota nanokaawakim, ke ni kang am'arake aika a kaakang taan nanokawaki.”

Etekiera 24:23

Kam na aki buuti ami m'aita ma ami kauniwae. Kam na aki am'arake ke n tanginiwenei, ma kam na kabongnga n ririaki ma ni ngirangira i bukin ami bure nako.

Etekiera 4:1

Etekiera, ae natin te aomata, kakaaea te buriki ao korea m'aben Ierutarem i aona.

Etekiera 4:5

teuana te bong i bukin teuana te ririki ni karawaawataaki.

Mika 1:11

Kam na b'aib'ainrang ngkami aika kaain Tabira, b'a kam na kairaki nako b'a taenikai, ao akea karabaami. Kam na aki kataia n otinako man nonon ami kaawa kaain Taanan. Ngkana kam ongo tanginiweneia kaain Beta-Etera, ao kam na ataia iai b'a akea te tabo ae kam na mauri iai.

Mika 1:8

E taku Mika, “N na tanginiwenei ma ni b'aeb'aeti i bukin aei. N na nakonako n aki kaunai, ao N na aki kunnikainai b'a kaotan rawawatan nanou. N na tang n nanokawaki n ai aron te tanguoua.

Tekaria 13:4

A na mamaa burabeti aikai ni mii ake a atong b'a taian kaotioti, ao a na aki keweia aomata ni kunnikaiia kaanga te burabeti ni koaua.

Mataio 16:24

E taku ngkanne Iesu nakoia ana reirei, “Ngkana iai ane kan ri mwiu, ao e na kakeaa i bon i rouna, e na uota ana kaibangaki, ao e na irirai.

Mataio 3:4

E kunnikaia Ioane ni buraen te kamero; ao e b'aina te roo ae te kau b'a kabaean nuukana; ao kanana rokati ma aia karewe manibeeru.

Ioane 21:7

Ao te reirei are E tangiria Iesu e taku ngkanne nakoni Betero, “Bon te Uea!” Ma ngaia are, ngke e ongo Timon Betero b'a te Uea, ao e kabaea i aona ana kabaraaki, b'a e a tia ni buuti kunnikaina, ao e ewe nako n te nama.

M'akuri 19:16

A ewekaki ngkanne iroun te aomata are iai i rouna te tamnei are buakaka, ao e konai aoia b'a e korakora nakoia. Ma ngaia are, a biri nako mai nanon te auti arei ma kunnikaia aika raeuaki, ao a ikoaki.

M'akuri 21:11

Ngke e roko iroura, ao e anaa kabaean nuukani B'auro, ao e kabae baina ma waena i bon i rouna iai, ao e taku, “Aikai ana taeka te Tamnei are Raoiroi, Ane a na kabaea te aomata ae ana b'ai te kabaea n nuuka aei I-Iutaia ake i Ierutarem, ao a na anga nako nanoni baiia aomata aika tiaki I-Iutaia.”

Iotua 5:15

Ao e taku teuare mataniwiin ana taanga te UEA, “Buuti am kau mai waem b'a aontano ae tabu te tabo ane ko tei iai. Ao e karaoa te b'ai are e tuangaki Iotua.

Te Kaotioti 11:3

Ao N na karekea aia tai au tia kakoaua ake uoman b'a a na taetae ni burabeti, ao a na taetae ni burabeti i nanon tengaa ao uabubua ma onongaun te bong, ao a na kunnikaiia n te kunnikai ae mangaingai.”

1.Tamuera 19:24

E buti ana kunnikai ao e m'am'aie ma n tatakarua i matan Tamuera, ao e wene ni bebeekan n te ngaina arei ni karokoa e bong ao e a manga ngaina. Aio te tabo are e nako mai iai te taeka ae e kaangai, “E bon riki naba ni burabeti Tauro?”