Itaia 20:1 - Te B'aib'ara

¹ Ao e anga ana taeka Uean Aturia are Tarekon nakon ana mataniwi n taanga ni buaka b'a e na tauaki te kaawa ae e buubura are Atetota.

Itaia 20:1 ပူးပေါင်းရင်းမြစ်များ

2.Uea 18:17

Ao e tuangiia ana aobitia aika a rietaata n te taanga ni buaka uean Aturia b'a a na kiitana Rakiti man kaira te taanga ni buaka nako Ierutarem. Ao ngke e roko, ao a tei taian aobitia i nanon te kawai i rarikin ana titoa te tia karao kunnikai are e tei i etan te kanare are e nako man te nei n tebotebo are i eta.

2.Rongorongo 26:6

Ngke e uea Utia, ao e waakina te buaka ni kaitaraia kaain Biritia. E urui oon taiani kaawa aika a buubura ake Kata, Iabene, ao Atota, ao e a manga karaoi taiani kaawa ake i rarikin Atirota ao ni m'akoron Biritia ake tabeua.

Itaia 14:31

Kam na tang ma ni katuu ranin matami ni mataroan nako taiani kaawa. ngkami aika kaain Biritia! E a roko te bubu mai meang, ao a bane n tauraoi taiani tautia.

Ieremia 25:20

ao ianena ni kabane ake a maeka i aon te aba arei. Ao i mwiina, I nako ia uean Uti, ao i mwiina uean Biritia ake aman, ake a tautaekana Atikeron, Kata, Ekeron, ao nikirani b'aai i Atitota.

Amota 1:8

N na kam'aeia nako taan tautaeka n te kaawa ae Atitota ao Atikeron. N na orea te kaawa ae Ekeron, ao nikiraia I-Biritia ake a maiu ana bane ni mate.”

Iotua 11:22

Bon akea nikiraia taian Anakim n tiku ni maiu n te aba are Iteraera, ma bon iai naba tabeman ake a tiku ni maiu i Kaata, ao i Kate, ao i Atitota.

1.Tamuera 5:1

Ao a anaa te Atiniberita kaain Biritia i rarikin Ebenetera nakon te kaawa are Atitota.

1.Tamuera 6:17

Ao anne aroia kaain Biritia n anga aia b'aintangira i bukin kab'araan aia bure i bukina ngke a anaa te Atiniberita. Ao a kanakoi taiani kinaka ake koora ake nimaua nakon aia kaawa n tatabeua nako ake Atitota, Kata, Atikeron, Kata, ao Ekeron.