Itaia 2:8 - Te B'aib'ara

⁸ A taromaurii taiani bouannanti aika a tia ni karaoi n taabo nako i nanon te kaawa.

Itaia 2:8 ပူးပေါင်းရင်းမြစ်များ

2.Uea 17:10

A karaoi naba bouanantin antiia ianena, ma baangota i bukin taromaurian Nei Aatera i aon taian tabuki nako, ao i aan nuun aroka nako aika a buubura.

2.Uea 17:16

A aki ongotaeka Iteraera nakon ana Babaaire te UEA ae Atuaia ni kabane. A karaoi uoua bouananti aika koora, aika katotoongan te kaoteteei, ao a katei baangotan Nei Aatera, a taromauri naba taiani itoi, ao te anti are B'aara.

2.Rongorongo 27:2

E ongotaeka Iotam iroun te UEA ao e karaoa ae e raoiroi. E katotoonga tamana are Utia, ma e aki roko n te kabuoka te b'ai ni kaboiarara n te Tembora n aron are e a tia ni karaoia tamana. Ma a bon teimatoa naba ni bure nakon te UEA kaain Iuta.

Itaia 17:8

A tia ni karaoi taiani baonikarea i bukin kabuokan taiani b'ai ni kaboiarara i bukin antiia are Nei Aatera, ao a tia naba ni katei taiani boua aika a tabu i bukina. Ma ane a toki aia taromauri n taabo aikai.

Itaia 26:13

A tia n tautaekaniira tem'angina i rarikim, te UEA ae te Atua, ma ti bon ti ongotaeka iroum.

Itaia 37:19

A tia n urui taian bouannanti aika taiani kai ma atiibu ake a tia ni karaoi ao n tataromauri iai botannaomata aikai.

Itaia 40:19

E boni bootau te bouannanti ma te Atua? E karaoaki man te buraonti ao ni kabiraki aona teutana n te koora, ao e katamaroaaki n te tirewa.

Itaia 41:29

Bon akea boonganaia, ao bon akea te b'ai teuana ae a konaa ni karaoia akea manenaia nakon te ang ae e a taonnako.

Itaia 57:5

Ti te b'ai ae kam iaiangoia bon te wene ni bure i aan taian aroka aika a mawaawa aikai ike a mena iai ami bouannanti aika kam taataromauri. Kam kareaniia natimi i aon taiani baonikarea ake a karaoaki i nanon taian m'arua i aan nanganangan b'aa.

Ieremia 1:16

N na katuaaia au aomata, i bukina b'a a kaairua ngke a rairaki nako mairou n taromauri bouananti.

Ieremia 11:13

ao a m'aiti riki aia baonikarea i bukin B'aara nakon m'aitin kawain nanon te kaawa i Ierutarem. Ma a bon aki konaa ni kamaiuia kaain Iuta antiia aikai man te kabuanib'ai.

Ieremia 2:28

Naako taang nakon antimi ake kam karaoi! Tao a bon tau m'aitiia ni kamaiungkami, b'a are a rangi n rawa antin Iuta n ai aron m'aitin kaawana nako.

Otea 12:11

E rangi n rawaawata ana bure Kireata ao tokina bon te urubekebeke. A kareanaki taian kaom'aane i Kireata i aon te baonikarea are e karaoaki n taian atiibu, ma a na kamaaenikunaki taian atiibu aikai nakon taian tawaana nako.

Otea 13:2

Ao ngkai ko teimatoa naba ni karaoa te bure n arom ni korotamnei ma ni karaoi taian bouannanti aika taian tirewa aika bannan taian kao ataei. Ko tuangaki b'a ko na anga karea nakon taian bouananti aikai eng, ao ni kiiti naba ma ngaiia.

Otea 14:3

E aki konaa ni kamaiura Aturia ao a aki konaa ni buokiira taiani kaa ni buaka. Ma ngaia are, ti riai n aki manga taromauri bouannanti aika ti a tia ni karaoi. Ara UEA, Ko a tia ni kaota te nanoanga nakoia ataei aika akea aia karo.”

Otea 8:6

Iai temanna mai Iteraera ae e karaoa te bouannanti anne i bukimi, ma bon te ti te Atua Ngai. Ai ngaia are, e na kamaaenikunaki n aki akaaka.

Mika 5:12

N na urui m'aakan am tabunea ake ko tabuneaiko iai, ao N na katikuko b'a te tabo ae akea te tia kaiwa iai.

M'akuri 17:16

Ao ngke e taningaia B'auro i Atenai, ao e kamarakaki atuna ngke e nora te kaawa b'a a bati bouananti n tei i aona.

Te Tua-Kaua 4:28

Ao ikanne, ike kam na rairaki iai n taromauria iai taian atua aika karaoaki man te kai ao te atiibu, ao bon tiaki oini b'ai baikai b'a bon ti taian bouananti aika a aki noraaba ke ni kakauongo, ke n aroboi.

Te Kaotioti 9:20

Ao aomata ake tabem'aang, ake a aki kamateaki ni baike a kamamate, a aki rairaki ni kitani baike a karaoi n oini baiia, b'a a aonga n toki man aroia n taromauriia taimonio, ma bouananti aika koora ma aika tirewa ma aika buraati ma aika atibu ma aika kaai aika aki kona te noraba, ma te ongo, ma te nakonako;