Itaia 2:21 - Te B'aib'ara

²¹ E na kakamaaku te UEA, man tamaroa, ao ni mimitong ngkana e roko ni kakamaakuia kaain aonnaba ane a na karabaia i nanoni b'angab'angan taiani b'a ao i aon taian tabuki.

Itaia 2:21 ပူးပေါင်းရင်းမြစ်များ

2.Tamuera 22:46

E a tia ni mauna nako korakoran nanoia ao a roko ma te ruru man aia nono nako.

Iobi 30:6

A mamaeka i nanon taiani b'angani matang, aika b'angab'anga aika kenaki i rarikin b'a aika rietaata.

Iobi 9:6

E karokoa te m'aeiei, ao e ioioa te aba. E karurui taiani boua ake a tabeka aonteaba.

Te Otinako 33:22

i m'aain ae I ri rarikina ma mimitongiu ni kabane, N na katikuko n te tabwena ni b'a. N na rabuna matam ni baiu ni karokoa I taonnako mai roum.

Ana Anene Toromon 2:14

Bon au taobe ngkoe ae raba i buakon taiani b'a i rarikin katatin te aba. Kariaia b'a N na noora kanikanim! Kariaia b'a N na ongo b'anaam ae e tangiraoi.

Itaia 2:10

Kam na nako ni karabaingkami i buakon taiani b'a ao i aan te tano ngkami ni kabane, b'a e kakamaaku, e kamimii, ao e mimitong te UEA.

Itaia 2:19

E raoiroi riki ngke kam karabaingkami i nanon taian nangananga ni b'aa ma taiani b'angab'anga e na kakamaaku te UEA, ma n tamaroa, ao ni mimitong ngkana e roko ni ioioa te aonnaba.

Itaia 24:18

Ane ko na b'aka i nanon te ruarua ngkana ko maaku ma ni biri nako; ao ngkana ko manga kawanako man te ruarua, ko na manga m'ane ni b'aai ni kam'ane. E a tia ni bwenauaaki karawa kaanga te winto ae e kaukaki. A tia n ruru bouan aan te aonnaba;

Itaia 33:10

Ma e taku te UEA, “N nang karaoa te b'ai teuana ngkai ao E na rangi ni korakora neboakiu.

Itaia 7:19

A na tekateka n taabo nako—i nanon taiani m'arua aika a nano ao i marenan taiani b'a, i aon taiani buakoako ao i nanon taian aba n uteute.

Ieremia 16:16

Ma n te tai aei, N na kanako ia kairiribai ake a na raweingkami kaanga te ika ma ni kam'aneingkami kaanga maan aika a aki manana i aon taian tabuki ao taian nangananga ni b'aa.

Otea 10:8

A na uruakaki taian baonikarea ake i Betaera are e bure korakora i bukin karekean Iteraera n te bure; a na rabunaki nako n aroka aika a kateketeke ao taian aroka aika a kateketeke baaia. Ao ane a na bane aomata ni butiia taian maunga ma taian tabuki b'a a na rabuniia ma ni kaawakiniia.