Itaia 2:19 - Te B'aib'ara

¹⁹ E raoiroi riki ngke kam karabaingkami i nanon taian nangananga ni b'aa ma taiani b'angab'anga e na kakamaaku te UEA, ma n tamaroa, ao ni mimitong ngkana e roko ni ioioa te aonnaba.

Itaia 2:19 ပူးပေါင်းရင်းမြစ်များ

2.Tamuera 22:46

E a tia ni mauna nako korakoran nanoia ao a roko ma te ruru man aia nono nako.

Iobi 9:6

E karokoa te m'aeiei, ao e ioioa te aba. E karurui taiani boua ake a tabeka aonteaba.

Taian Areru 7:6

Te UEA, Ko na un; Karaoa te m'akuri teuana! Eekinakoia au kairiribai. Ao taraia b'a e na karaoaki te kaetitaeka ae eti.

Itaia 13:13

I rangi n un, Ngai ae te UEA ae Moan te M'aaka Ngaia ae N na ioioa karawa ao e na rurubenebene te aonnaba.

Itaia 2:10

Kam na nako ni karabaingkami i buakon taiani b'a ao i aan te tano ngkami ni kabane, b'a e kakamaaku, e kamimii, ao e mimitong te UEA.

Itaia 2:21

E na kakamaaku te UEA, man tamaroa, ao ni mimitong ngkana e roko ni kakamaakuia kaain aonnaba ane a na karabaia i nanoni b'angab'angan taiani b'a ao i aon taian tabuki.

Itaia 24:1

E nang minota te aonnaba te UEA n urua teina ma n onikia nakon te rereua. A na bane ni maae nako aomata nako,

Itaia 24:18

Ane ko na b'aka i nanon te ruarua ngkana ko maaku ma ni biri nako; ao ngkana ko manga kawanako man te ruarua, ko na manga m'ane ni b'aai ni kam'ane. E a tia ni bwenauaaki karawa kaanga te winto ae e kaukaki. A tia n ruru bouan aan te aonnaba;

Itaia 24:19

E na rina n uruaki te aonnaba, ma ni maaerikiriki.

Itaia 30:32

E na buakaniia n te buaka, ao ni katoa oreakiia i rouna, ao e na riki b'a tangin taian timbere ao taian aabi.

Itaia 33:10

Ma e taku te UEA, “N nang karaoa te b'ai teuana ngkai ao E na rangi ni korakora neboakiu.

Itaia 7:19

A na tekateka n taabo nako—i nanon taiani m'arua aika a nano ao i marenan taiani b'a, i aon taiani buakoako ao i nanon taian aba n uteute.

Ieremia 16:16

Ma n te tai aei, N na kanako ia kairiribai ake a na raweingkami kaanga te ika ma ni kam'aneingkami kaanga maan aika a aki manana i aon taian tabuki ao taian nangananga ni b'aa.

Ieremia 4:29

A takaaruaea aia keeke ni buaka aia taan toka i aoia aoti ao aia taani katebe kairiribai. A biri nako aomata n rawei maiuia ma ni kataia ni kakaea kamanoaia i buakon taian aroka ao taiani b'aa. Bon akea kaain kaawa ni kabane.

Ieremia 48:28

Ao n te tai aei kam na kiitana ami kaawa ao kam na maeka kaanga te taobe ae e kamanoa n te aba ae e katati ke tabwenani b'aa aika a rietaata.

Etekiera 33:27

Ngkai bon te UEA Ngai ae e maiu ae te Atua, ao kam na bane ni mate ngkami akana kam maeka ni kaawa aika a uruaki. Ngkami akana kam maeka i tinanikun te kaawa kam na kanaki irouia maan aika a aki manana, ao akana a karabaia i nanon taian nangananga ao taabo aika a katati kam na mate n te aoraki ae e kamaamate.

Otea 10:8

A na uruakaki taian baonikarea ake i Betaera are e bure korakora i bukin karekean Iteraera n te bure; a na rabunaki nako n aroka aika a kateketeke ao taian aroka aika a kateketeke baaia. Ao ane a na bane aomata ni butiia taian maunga ma taian tabuki b'a a na rabuniia ma ni kaawakiniia.

Mika 7:17

A na kawakawa i nanon bubun aontano kaanga aroia naeta; A na rurubenebene ni maaku ngkana a otinako man aia nono. A na rairaki ma te maaku nakon te UEA ae Atuara.

Naum 3:11

Ninewe, ko na b'aka naba n ai aron te aomata ae e koro ni manging. Ko na aki kona ni birinako mairouia am kairiribai.

Akai 2:6

N na ioioi taiani karawa ao te aonnaba, taari ao te aba ae m'au.

Akai 2:7

N na ioioa taiani botannaomata, ao a na uoti kaub'aia nako ikai. Ao ane e na kaona te Tembora raneanean mimitongiu.

Ruka 23:30

Ao ane a na kangai nakoni maunga, “Kamanatuaira!” ao nakon tabuki, “Tauniira!”

2.I-Tetaronike 1:9

Te rekenikai nako ia bon te mate are akea tokina, ao a na kararoaki mai matan te Uea ao mani m'aakana ae kamimii arona,

Ebera 11:38

a aki tau nakon te aonnaba aei: a tiotio nako n rereua, ao i aoni maunga, ao i nanoni b'angani matang ma kinonon te aba.

Ebera 12:26

are e kam'aeieia te aba b'anaana n te tai arei, ao E taetae ngkai ni kangai, “Ai ti teuana riki kam'aeieian tiaki ti aonnaba i Rou, ma kam'aeieian naba karawa.”

Te Kaotioti 11:13

Ao n te aoa naba arei ao e roko te m'aeiei ae korakora; ao e uruaki kabwiani m'akoron te kaawa, ao a mate ni m'aeiein te aba arei aomata aika itinga; ao aomata ake nikiraia a rangi ni maaku, ao a angan Atuani karawa te neboaki.

Te Kaotioti 11:19

Ao e kaukaki ana Tembora te Atua, ae te Tembora ae mena i karawa, ao e noraki te Atiniberita i nanona. Ao e itiiti ma n rebwetata te baa ma n rurunga, ao e m'aeiei te aba; ao e b'aka ni korakora te karau ae te aiti ae matoatoa.

Te Kaotioti 16:18

Ao e itiiti, ao e rebwetata ma n rurunga te baa, ao e riki te m'aeiei ae korakora i aon te aba, ae te m'aeiei ae akea n ai arona ma ngke e moa ni mena te aomata i aonnaba: boni moan te korakora te m'aeiei aei.

Te Kaotioti 20:11

Ao I nora te kaintokanuea ae ab'ab'aki ae mainaina, ma Teuare tekateka i aona. A biri nako aonnaba ma karawa mai Rouna, ma akea te tabo ae a na nako iai.

Te Kaotioti 9:6

I nanoni bongin nam'akaina akana nimaua akanne ao a na kakaaea te anga ae a na mate iai, ma akea ae na reke i rouia: a tangira te mate, ma e biri nako te mate mai rouia.

1.Tamuera 13:6

Ao tib'a ataia tautian Iteraera b'a a nang bane aia koraki, ao a nang konaaki. Ao a karabaia tabeman m'anen Iteraera n taian nangananga ni b'a ke i nanon taian buakonikai, ke i nanon taian karuarua aika nano aika m'auteretere.

1.Tamuera 14:11

Ao a tei i oin te tabuki Ionatan ma ana tautia n te tabo ike a nooraki raoi iai i rouia kaain Biritia. Ao a taku kaain Biritia, “Ao bon nooriia Iteraera aika bon te akea uaaia b'a a tia n otinako man te b'angab'anga ike a karabaia iai.”