Itaia 2:11 - Te B'aib'ara

¹¹ Ngkana e roko te UEA, ao a na kananorinanoaki aomata ngkoa ake a kamoamoa, ao e na neboaki te UEA n ti ngaia.

Itaia 2:11 ပူးပေါင်းရင်းမြစ်များ

2.Tamuera 22:28

Ko kamaiuia aika a nimaamannei, ma Ko iaiangoa kab'akaan te aomata ae e kainikatonga.

Taian Areru 18:27

Ko kamaiuia akana mangori, ao Ko kamangoria akana kainikatonga.

Taian Areru 18:28

Te UEA ae Atuau, anganai te oota; Kaota te roo ae I mena iai.

Taian Areru 20:8

Ane a na konaaki aomata akana a onimakin aia kaanibuaka ma aia aoti, ma ti na tokanikai ngaira.

Taian Areru 46:10

E kaangai te Atua, “Katoki ami buaka, Ao kam na atai b'a te Atua Ngai, ae kakannato i buakoia botannaomata nako, ao I rine i aonnaba ni kabutaa.

Taian Areru 46:11

Bon raora te Atua ae Moan te M'aaka, Bon otangara Atuan Iakob'a.

Taian Areru 94:2

Te tia motiki taekaia aomata Ngkoe; Tei rake, ao anganiia akana kainikatonga rekeni kaiia ni kaeti ma baike a karaoi.

Taeka n Rabakau 16:5

E aki tangira te aomata te UEA ae e rangi ni kainikatonga.

Taeka n Rabakau 30:13

Ao tabeman a kainikatonga ao a karaoi aia m'akuri taani kamoamoa;

Itaia 10:12

E na karaoa te b'ai are e a tia ni baaireia te UEA nakon Ierutarem ao te Maunga are Tion. Ao i mwiina, e na katuaaia uean Turia aika kainikatonga mani kamoamoa,

Itaia 12:1

Ko na kaangai n te tai arei. “I kaaitauko te UEA! ko un ngkoa irou, ma e a toki unim ao ko a anganai te mweraoi.

Itaia 12:4

Ane kam na kaangai n te tai arei, “Ti rangi ni kaaitauko, ara UEA. ao ti taromauriiko n ti ngkoe. Ti na tuangiia botannaomata aron mimitongim ma b'aai aika ko a tia ni karaoi.

Itaia 13:11

N na katuaaea te aonnaba ae e buakaka aei ma aomatana i bukin aia bure nako. N na kamanatuaia taani kainikatonga aika a kakamaaku aika a iowawa.

Itaia 14:15

Ma ko a mena inano ngkai i abaia maate.

Itaia 2:17

Ngkana e roko te bong anne, ao a na bane aika a kamoamoa ni kab'akaaki. Bon ti te UEA ae e na neboaki.

Itaia 23:9

Bon te UEA ae Moan te M'aaka ae e baaireia b'a e na karokoa te mamaa ma te b'ainrang nakoia akana a karineaki irouia aomata nako n te aonnaba.

Itaia 24:21

E na katuaaia taian m'aaka ake i karawa ao uean nako te aonnaba te UEA n te bong arei.

Itaia 25:9

Ane a na kaangai aomata n te tai arei, “E a tia te UEA ni kamaiura! Ti na karaoa ara bootaki ni kukurei. Ti tataninga ma ni kakantaninga ao ngkai e a mena Atuara ikai.”

Itaia 26:1

E a roko te tai are a na anene iai kaain Iuta n te anene ae e kaangai: “E kaawakinaki ara kaawa Bon ara nono te UEA, ao e anganiira te tokanikai.

Itaia 28:5

Ngkana e roko te tai aei, ao ane e na mimitong ana baunuea te UEA ae moan te M'aaka i bukiia ana Aomata ake nikira ni maiu.

Itaia 29:18

Ane a na konaa n ongo taningabono te b'ai ae e warekaki nakoia; ao ane a na kainaomataaki matakii ma n te maiu i nanon te rotongitong.

Itaia 30:18

E tataninga te UEA ae te Atua ni kaota m'aitin ana akoi ao n nanoangaingkami. E aki toki te UEA ni kaakaraoa ae e raoiroi; e kakab'aiaia akana a onimakinna.

Itaia 30:23

E na kanakoa te karau te UEA b'a e na teboki taian Atiniberita akana iroum-a na manga kariki riki taian uaa am tawaana nako nakon are ko bon tangiria, ao a na am'arake am nanai ni kao n taian tabo n uteute aika a tangaina.

Itaia 37:23

Tennakeriba, ko a kamaraiaaki, ko takaarua, ao ko ngare ni kakaniko nako iu, Ngai ae Atuan Iteraera ae e tabu.

Itaia 4:1

Ngkana e riki aei, ao ane a na uneakina temanna te m'aane itiman aine, ao a na kaangai n tatabemaniia, “N na bon kabooi kanau ma kunnikaiu! Ko na ti mare ma ngai b'a a aonga n nako kamamaaeau.”

Itaia 40:23

E karuoia taan tautaeka te Atua ao E karaoia b'a baika akea manenaia.

Itaia 52:6

au Aomata, kam na ataia b'a antai Ngai ao antai ae E taetae i bukina ngkai I mena ikai.

Ieremia 12:9

Ti te bo au aomata ma kaanga te aoki ae e otab'aniniaki ma ni buakanaki irouia taian aoki ake tekorakina. Tuangiia maan aika a aki manana b'a a na roko ni katoka nanoia n am'arake.

Ieremia 9:24

Ngkana kam tangiria ni kamoamoaingkami, ao kam iango raoi riki ngkana kam kamoamoaa taromauriakiu, Ngai ae te UEA. Te b'ai ae I tangiria riki bon kaotan te akoi te motikitaeka ae eti, ao te nanoanga nako ia aomata ni kabane n te aonnaba.

Etekiera 38:14

I ataia Ngai ae te UEA ae te Atua b'a ngkana ko noora Au aomata ae Iteraera b'a e maeka ma te rau,

Etekiera 38:19

ao N na kanakoa te m'aiei ae e kakamaaku b'a e na ioioa Iteraera.

Etekiera 39:11

Ngke e a tia ni kamaunaaki Koka, N na taunna ma ana taanga ni buaka i Iteraera, n te M'arua are Taani M'am'ananga, i mainikun Taari are Mate. E na bon rangi ni buubura te tabo n taunimate anne n te aro are e na tuuka kawaia aomata ake a kataia n nakonako i nanon te m'arua, are e na ataaki n arana ae M'aruan Ana Taanga ni buaka Koka.

Etekiera 39:22

A na ataia man te tai aei Iteraera b'a bon te UEA Ngai ae Atuaia.

Taniera 4:34

E taku te uea, “Ngke e a koro itiua te ririki, ao I tararake nako karawa, ao e oki nanou. I neboa te Atua ae e m'aaka, ao I anga te karinerine ma te kamoamoa nakon teuae E maiu n aki toki. “E na tautaeka n aki toki, ao akea tokin ueana.”

Otea 2:16

I berita b'a man te tai anne, ko na aranai b'a buum n onea mwiin te toka.

Otea 2:18

N na kariaia b'a ko na maeka ma te rau-ko na aki manga buakanaki irouia maan aika a aki manana ao mannikiba ke ana b'ai ni kamaamate man te buaka.

Otea 2:21

N na tuanga karawa b'a e na karokoa te karau i aon te aba,

Ioera 3:18

A na kaona aon te maunga n te bong arei uaan taiani kureebe aika a kakaonimaki. Ao a na kam'aita te miriki ami kao ma ami kooti aika a am'arake i aon taian tabuki. A na aki konaa ni m'autakataka taiani karaanga n ran i Iuta; ao te raanga n ran are n au Auti e na raanga n roko man te M'arua are Akatia.

Amota 9:11

E taku te UEA, “E na roko te bong are N na manga kaoka iai uean Tawita b'a kaanga ai aron te bata ae b'aka n uruaki, ao N na manga katei oona ma b'aina nako. N na kateia ni kaoka arona are rimoa,

Ob'aria 1:8

“N na bon tiringiia ana taan rabakau Etom, ngkana I katuaaea n te bong arei ao N na kamaunaa aia ataib'ai ni kabane.

Mika 2:3

Ma ngaia ae e taku te UEA, “I a tia ni baaireia b'a N na karokoa te kanganga ae ab'ab'aki i aom, are ko na bon aki birinako mai iai. Ko na riai n ataia b'a e riki aei nakoim i bukin am kainikatonga. E na reke kaim, ao ane e na akea riki kakatongam.

Mika 4:6

E taku te UEA, “E a roko te tai are N na manga kaokiia ma ni bootia iai aomata ake I a tia ni katuuaia ngkoa, aomata ake a karawawataaki n te kataenikaiaki.

Mika 5:10

E taku te UEA, “N na uotii nako aia aoti, ao N na kabuoki aia kaa ni buaka n te tai arei.

Teb'ania 3:11

N te tai arei, ao N na kam'awaia taan kairiri aika a kamoamoa mani kainikatonga, ao ane ko na aki manga kainikatonga n au maunga are e tabu.

Teb'ania 3:16

E a roko te tai are ana kangai iai nakon Ierutarem. “Ko na tai maaku te kaawa ae Tion! Tai b'arannano.

Tekaria 9:16

E na kamaiuia te UEA ae te Atua n te bong arei, i bukina ngkai bon Ana aomata ngaiia, ao a na raneanea i aon te aba n ai aron taiani b'ai ni katamaroa n te baunuea.

Maraki 4:1

E na bon roko te bong ni motikitaeka. Ao e na riki b'a kaanga te ai ae e korakora ae kabuebue ma urana ae e kab'atataia aomata aika a kainikatonga ao aikai taani bure, b'a kaanga ai aron te b'ariko n uteute. Bon akea m'angana ke wakaana ae na tiku. Bon aei au taeka Ngai ae te UEA ae Moan te M'aaka’

Ruka 18:14

Ao E taku Iesu, “I tuangngkami b'a e nako teuare te tia anai taekiti nakon ana auti ma raun nanona b'a a kab'araki ana bure, ma e aki reke aei iroun teuare te B'aritaio, b'a ane e karietata ao e na kamangoraki; ao ane e kamangoria ao e na karietataki.

2.I-Korinto 10:17

B'a e kangai te B'aib'ara, “Ane kamoamoa, ao ke e kamoamoa iroun te UEA.”

2.I-Korinto 10:5

ma aaro ni kainikatonga nako aika tutuki man ataakin te Atua; ao ti kataenikai naano ni kabane b'a a na ongo irouni Kristo;

2.I-Tetaronike 1:10

ngkana E roko te bong arei b'a E na neboaki irouia ana aomata aika itiaki, ma ni kamoamoaki irouia aika onimaki. Ngkami naba i buakoia, i bukina ngkai kam a tia ni kakoaua te rongorongo are ti taekinna nako imi.

1.Betero 5:5

Ao i bukimi ngkami aika kam ataei riki: kam na aan-taeka irouia unimm'aane. Ao kam na b'aina te nanorinano n aromi n i torotoro iroumi; b'a e kaangai te B'aib'ara: “B'a E ekianako akana kainikatonga te Atua, ao E akoia akana nanorinano.”