Itaia 19:6 - Te B'aib'ara

⁶ Ane a na m'aung karaangana ake a uarereke, E na akea te ran i Aikubita, ao ane a na rai taiani maunei ma tain uteute ake a ab'ab'aki.

Itaia 19:6 ပူးပေါင်းရင်းမြစ်များ

Karikani B'aai 41:2

ao e nooria itiman kao aika marikarika man tararaoi rab'ataia aika a otinako man te karaanga ao a am'arake n taian uteute.

2.Uea 19:24

I kaorai taian karaanga ni kabane ake n te aba are Aikubita, ao I nim ranin taiani m'anib'a ake I a tia ni ken.”

Iobi 8:11

A bon aki kona ni maiu taian maunei n te tabo ae akea te ran iai; a bon aki kona n nooraki n te tabo ae aki aoneinei.

Iobi 8:12

Bon ngaiia aika a na moan rai ngkana akea te ran, e ngae ngkana a uarereke b'a a tuai n tai n te koreaki ni kamanenaaki.

Te Otinako 2:3

Ao ngke e a aki konaa ni karabaa, e a karaoa te b'aene man te uteute ao e kabiria n te taa. Ao e kaaki te ataei i nanon te b'aene arei ao e kaaki i buakon taian uteute aika a ab'ab'aki i mataniwiin te Karaanga are te Naire.

Te Otinako 7:18

A na mate taiani ika, e na m'aung te karaanga, ao akea mai buakomi ngkami aika kaain Aikubita ae na konaa n nima ranna.”

Itaia 15:6

A m'auteretere karaanga n ranin Nimrim ao taian aba n uteute. A bane n rai taiani m'aanga.

Itaia 18:2

E kanakoia ana taan uarongorongo Aikubita ni waerake n te Karaanga are te Naire i aon taiani kaibuke aika a karaoaki n taiani uteute. Ni kawaekoaia nako Itiobia, are a ab'ab'aki kaaina ao a maratirati kuniia. E korokoreaki abaia n taiani karaanga; a korakora ao a iowawa, ma ni maakaki ni kabutaa te aonnaba.

Itaia 37:25

I kam'autakatakai karaanga ni kabane ake n te aba are Aikubita, ao I mooi n taian m'anib'a ake I a tia ni keni.”

Naum 3:8

Ninewe, tao ko raoiroi riki nakon Teebe, are atuun kaawan te tautaeka n Aikubita? Iai otangana te Karaanga are te Naire are e katobibia te kaawa b'a kaanga oona, n totokoia ana kairiribai.