Itaia 19:3 - Te B'aib'ara

³ “E na anaaki ninikorian Aikubita ngkana I kamangaoi aia babaaire nako. Ane a na kataia n titirakiniia aia bouannanti b'a tera ae a riai ni karaoia, ao mairouia tamneia ake a tia ni mate, ao mairouia naba taani kaiwa.

Itaia 19:3 ပူးပေါင်းရင်းမြစ်များ

2.Tamuera 15:31

Ao e tuanga Tawita temanna ni kaangai, “E buoka Abetarom Aitobera ni baairea aron tiringakim!” E taku Tawita, “Taiaoka te UEA tai kam'akura ana babaire Aitobera!”

2.Tamuera 17:14

Ao a kukurei riki Abetarom ma aomata nako n ana iango Utiai nakon ana iango Aitobera. E riki aei b'a E karaoa ana iango Aitobera te UEA b'a e na aki b'ai b'a e aonga n reke te kangaanga nakon Abetarom.

2.Tamuera 17:23

Ao ngke e nooria Aitobera b'a a aki ira ana iango Abetarom ma taani kairiiri i aon Iteraera, ao e tokara ana aati ao e okirikaaki nakon mwengana i Kiro. E tuangiia ana utu ma ana taani m'akuri te b'ai ae e nang karaoia. Ao i mwiina, e kabaea roroana i bon i rouna, ao a tauna rab'atana n te ruanimate are ana b'ai ana utu.

2.Uea 1:2

natin aia uea te m'aane are te uea are Aatia, kaain te aba are Moaaba. Ao n te bong teuana, ao e a b'aka te uea are Aatia i nanon kaai aika a irariki are e katobibiaki ana buia iai i taubukin ana bareti are i Tamaria, ao a rangi ni korakora ikoakina. Ma ngaia are, e a kanakoia ana tia uarongorongo nakon te kaawa are Ekiron ma ana titiraki nakon te anti are Baretebub'a b'a e na kona ni marurung man aorakina ke e na aki.

1.Rongorongo 10:13

E mate Tauro i bukina ngke e aki kakaonimaki ao n ongotaeka iroun te UEA. E bon naanako ni kawara te aine are m'am'akuri ma tamneia aomata aika a mate ni kakaea buokana i rouna,

Taian Areru 107:27

A rangaranga ao a bebebebe n ai aron te aomata ae manging, Ao ai akea te bae a kona ni karaoia.

Taian Areru 33:10

E uru aia iango botannaomata te UEA ake a tia ni bairei b'a a na karaoi, Ao E tukiia b'a a na aki kakoroi bukiia.

Taian Areru 76:12

E kamangoria taan tautaeka aika kainikatonga, Ao E makaki irouia uean aonnaba.

Taeka n Rabakau 21:30

Kam bon aki konaa ni konaa te UEA e ngae ngkana e m'aiti ami atatai ke tera ami kawai.

Itaia 14:27

E a tia te UEA ae Moan te M'aaka ni baairei baikai. Akea ae e konaa ni katokai ngkai!

Itaia 15:2

A bane n tia ni waerake nakon te Tembora, ao te baangota kaain Ribon ni kabane, n tang ma ni katuu ranin mataia. A na bane n tang kaain Moaaba. A na bane ni koreaki taiani ira ma taiani buai i bukin te b'ai are e riki i Nebo ao Meteb'a.

Itaia 19:1

Aio rongorongon Aikubita: E roko te UEA mai Aikubita, n toka i aon te nang. A aki konab'ai aomata i bukin maakuia. A rurubenebene aia bouannanti ngke e roko man taku,

Itaia 44:25

I kariki aia kewe burabeti ni kewe ao nanobabaia taani kaiwa. I anaa wanawanan te aomata ao I karikia b'a te b'ai ae akea nanona.

Itaia 47:12

Teimatoa ni kamanenai am tabunea ma am b'ainikawai. n aron are ko a tia ni kakaraoia. Tao e na mena ngkoa, tao ko a tia ni kakamaaka temanna!

Itaia 57:16

au Aomata, e a toki uniu ao I aki manga bukiningkami. B'a bon te tia karikingkami Ngai. I aki tangiringkami b'a e na b'ara nanomi n te aro ae moan te korakora.

Itaia 8:19

Ane a na kaangai tabeman nakoimi, “Naako kawariia taani kaiwa ake a wiwiirikiriki ke n titirakini tamneia maate. Ma e ngae n anne, ao e riai te botannaomata ni konaa n titirakina oin antina nako

Ieremia 46:15

I a tia ni kab'aka antim ae e m'aaka are Abiti ma ni kakioa nako.

Etekiera 21:7

Ngkana a titirakiniko b'a bukin tera ngkai ko ngirangira, ao tuangiia b'a iai te rongorongo ae e na tong iai ma n ruru ni maaku iai ao a na bua ninikoriami. A na riki baikai n te tai ae e aki maan. Boni Ngai ae te UEA ae I karaoa te berita aei!

Etekiera 22:14

E na mauna nako ninikoriami ngkana e bane Au m'akuri ma ngkami, ao kam na rangi ni ngore n te aro are kam na aki konaa n tabeki baimi. Bon aei Au taeka Ngai ae te UEA ao N na bon aki bita nanou.

Taniera 1:20

E ngae ngkana e titirakiniia te uea n taian titiraki aika a kangaanga ke baika a matoatoa, ao a atai booia ni kabane, tebwina te tai rakan aia ataib'ai nakoia taani mamata, ma taan tabunea tabem'aang i nanon abanueana arei ni kabutaa.

Taniera 2:2

ma ngaia are, e a kanakoa weteaia ana taan tabunea, ma ana ibonga, ma aomata aika taani b'ai, b'a a na tuangnga b'a tera are e a tia ni miia. Ao ngke a roko n tei i matan te uea,

Taniera 5:7

Ao e takaarua b'a a na kawaekoaaki taan tabunea, ma ibonga, ao taani borau. Ao ngke a rin, ao e taku te uea nakoia, “Ane e kona ni wareka te koroboki aei man tuangai nanona, ao e na karinaki te niiniira ae e uraro are aia b'ai uea, ao e na kabaeaki te m'ae ni karineaki ae te tiein ae te koora i roroana, ao e na riki b'a te kateniman ni m'aaka i nanon te abanuea.”

1.Tamuera 25:37

Ao ngke e a toki angin mangingina, ao e a karakin b'aai ni kabane neierei nakoina. E a reke naba i rouna te marei ao e a ti aki konaa naba ni kakam'akuri.