Itaia 19:24 - Te B'aib'ara

²⁴ E na ikotaki Iteraera ma aaba aika uoua aikai. Ane a na riki b'a b'aai ni kakab'aia nakoia kaain aonnaba ni kabane,

Itaia 19:24 ပူးပေါင်းရင်းမြစ်များ

Karikani B'aai 12:2

N na anganiko am kariki aika rangi ni m'aiti, ao a na riki b'a te botannaomata ae korakora. N na kakab'aiako, ao N na kakannatoa aram, b'a ko aonga n riki b'a te kakab'aia nakoia aomata.

Itaia 19:23

Ane e na iai te kawai ae e raoiroi ae e biri mai Aikubita nako Aturia. Ane a na m'am'ananga iai kaain Aikubita ma kaain Aturia mai Aikubita nako Aturia, ao a na kaai n taromauri.

Itaia 19:25

Ao i mwiina anne, e na kakab'aiaia te UEA ae Moan te M'aaka ni kaangai, “Bon au aomata kaain Aikubita. I karikiia kaain Aturia ao I rineia Iteraera.”

Itaia 27:13

E na ongo te aba tangin te bu ae e tangi m'aaka. Ao i mwiina, a na oki n taromauria te UEA i aon ana maunga ae e tabu i Ierutarem aomatan Iteraera ake a uaakinaki nako ngkoa nako Aturia ao Aikubita.

Itaia 49:22

E taku te UEA ae te Atua: “N na anga te kanikina n te tai ae e waekoa nakoia botannaomata nako b'a a na kaokiia natimi m'aane ao natimi aine nako nanoni bain Ierutarem.

Itaia 49:6

Ao ngkai E taku te UEA nako iu “E aki tau nakoim am m'akuri ae ti au toro ngkoe. Ko na riai naba ni karaoa ae e m'aiti riki nakon anne ni kaokiia ake nikira ni maiu man barongan nako Iteraera. I a tia ni kaakiko ikai b'a kaanga te taura i bukiia botannaomata nako; ko na riai n anaa m'aakau ni kakamaiu nakoia aomata nako n te aonnaba.”

Itaia 6:13

E ngae ngkana ti teuana te katebwina aomata n tiku, N na bon tiringiia naba. A na riki b'a kaanga boton kaai aika a tia ni koreaki ni kab'akaaki, A na tiku tabeman au aomata aika a rineaki.

Itaia 65:22

A na aki katei auti ao ni kaainaki irouia tekorakina; a na aki karaoi onaroka ao ni kanaki uaaia irouia tekorakina; b'a bongini maiun te aroka ai aron bongini maiuia au aomata, ao au aomata ake a rineaki a na maan aia tai ni kukurei ni m'am'akurin baiia.

Itaia 65:8

Aio te b'ai are e taekinna te UEA: boota ni kureebe ae a kaotinakoa te wain a bongana kawakinaia Ma, i bukimi aika au toro, N na bon aki ekaanako temanna.

Itaia 66:12

E a tia ni berita te UEA: “N na kataonakoa Ierutarem ni kaub'aia botannaomata nako ao N na karika te kaawa b'a te tabo ae e mari. E na kammammaingkai Tion ni mammana, ao e na uouotingkami ni baina, ao e na b'ab'akoingkami i m'anokana.

Etekiera 34:26

A na maeka ni katobibia Au maunga are e tabu, ao N na kakab'aiaia ni karokoa te karau ae e korakora

Tekaria 8:13

Kaain Iuta ma Iteraera, kam a tia n riki b'a b'ai ni kamaraia nakoia botannaomata nako, ma N na kamaiungkami ma ni kairingkami b'a te b'ai ni kakab'aia nakoia. Ma ngaia are, kam na aki maaku ke ni kabuai nanomi.

Ruka 2:32

Ae te oota are na kaota nanom nakoia botannaomata ake Tientaire ao e na uota karineaia am aomata ake Iteraera.”

I-Rom 15:27

Boni ngaiia aika kukurei ni karaoa aei. Ma a bon riai ni buokiia ake a aki kaub'ai: b'a ngkai a buokanib'ai I-Iutaia ma aomata aika tiaki I-Iutaia ni baika raraoi mairoun te Atua i bukin tamneia, ao bon te b'ai ae riai irouia Kristian aika tiaki I-Iutaia b'a a na buokiia Kristian aika I-Iutaia, n anganiia baika a kainanoi i bukini maiuia.

I-Karatia 3:14

b'a e aonga n reke kakab'aian Aberaam irouia aomata aika tiaki I-Iutaia irouni Kristo Iesu, ao b'a e aonga n reke iroura n te onimaki te Tamnei are e atongaki n te taeka n akoi.

Te Tua-Kaua 32:43

Tuangiia taiani karawa b'a a na karaoa aia bootaki ni kukurei ao taian atua ni kabane b'a a na bobaraaki nakon te UEA, i bukina b'a E na irantaangaia mairouia kairiribai aika ribaaki aika tiringiia ana Aomata. E na kab'arai ana bure Iteraera ma ni kaitiaka abaia.