Itaia 19:21 - Te B'aib'ara

²¹ E na kaotia te UEA nakoia kaain Aikubita b'a antai Ngaia, ao ane a na ataia ao a na taromauriia te UEA. Ane a na uoti aia karea ma taian angab'ai nakoina, ao ane a na kakoroa nanon aia berita nakoina.

Itaia 19:21 ပူးပေါင်းရင်းမြစ်များ

1.Uea 8:43

Ko na kakauongo mani mwengam i karawa ao kaekai aia tataro. Ane a na bane aomatan te aonnaba n taromauriiko n aroia am Aomata aika Iteraera, ao ane a na ataia b'a I karaoa te Tembora aei i bukin neboakim.

Taian Areru 61:8

N na anene n nebonebo nakoim, Ao N na kakoro bukin au taeka ake I a tia n taku b'a N na kakoro, n te bong ae koraki.

Taian Areru 67:2

B'a a aonga botannaomata nako n ataa kamaiuan te aba iroum.

Taian Areru 68:31

Ane a na roko mai Aikubita taan tei i bukin te tautaeka; Ane a na aantaeka I-Itiobia.

Taian Areru 68:32

Anene nakon te Atua, ngkami aika aomata n aaba nako i aonnaba; Anene n nebonebo nakon te Uea,

Te Minita 5:4

Te Atua e aki tangiriia aomata aika a nanobaba. Ma ngaia ae, ko na aki waeremwe ni kakoroa bukin am taeka ni berita nakon te Atua.

Itaia 11:11

Ngkana e roko te bong arei, ao e na manga arora baina ae e m'aaka te UEA ni kaokiia ana Aomata nakoni mwengaia ake taian nikira ni maiu mai Aturia, Aikubita, Bateroti, Itiobia, Eeram, Tina. Amata, ao te aba are i mataniwiin taari.

Itaia 11:9

Akea te kabuanib'ai ae e na konaa n riki i aon ana Maunga ae e tabu te UEA. Aron te ran ngkai ae kaona taari ao ai aron naba te aba b'a e na kaonaki irouia aomata antai ae e ataa ma ni karinea te UEA.

Itaia 27:13

E na ongo te aba tangin te bu ae e tangi m'aaka. Ao i mwiina, a na oki n taromauria te UEA i aon ana maunga ae e tabu i Ierutarem aomatan Iteraera ake a uaakinaki nako ngkoa nako Aturia ao Aikubita.

Itaia 37:20

Ma bon ara UEA ao Atuara! Ti butiiko b'a ko na kamaiura mai roun uean Aturia. Ao ane a na ataiko iai aomata ni kabane n taian botannaomata b'a bon ti Ngkoe te UEA.

Itaia 44:5

A na taromauriai ao a na riki b'a au aomata. Ane a na korea arau i akuun baiia.

Itaia 45:14

au Aomata, bon Ngai ae te UEA ae I berita b'a kam na b'ain kaub'ain Aikubita ao b'ain Itiobia aika kakaawaki Kam na kairoroia aomata ake ab'ab'aki i Tabea b'a ami toro. Ane a na bobaraaki ni kaangai, “E memena iroumi te Atua ae koaua; bon akea riki atua tabem'aang.”

Itaia 49:7

Iteraera, bon te UEA Ngai ae te Atua ae e tabu, are e kamaiuko. Bon te toro ngkoe irouia taan tautaeka ao taian botannaomata ake a kabuaakakako.

Itaia 55:5

Ko na weewete nakoia botannaomata nako aika a tuai ni kinaaki. Ao ko tuai naba ni kinaia, ma ane a na biribiri n roko i bukina ngke bon te UEA Ngai, ae Atuaia Iteraera ae e tabu, ao I a tia ni karineko.

Itaia 56:7

N na uotiia nakon au Maunga are e Tabu ike a na karaoa iai aia bootaki ni kukurei i nanon au Tembora. E na teimatoa ni mena aia karea ao aia angab'ai i aon au Baonikarea. Ao e na ataaki au auti b'a te auti n tataro i bukiia botannaomata nako.

Itaia 60:7

A na bane n nakoim tiibun Keta; taian tiibu m'aane mai Neb'aiota a na riki naba b'a am B'ai. N na butim'aai b'a taian angab'ai ao a na uota te karineaki nakon au Tembora.

Itaia 66:23

Ni moanibongin te Toa ae Moan Otin Nam'akaina ao ni katoa Taabati, a na bane aomata nako n taromauriai. Bon aio au taeka Ngai ae te UEA.

Iona 1:16

Ao a maaka te UEA kaimoa ao a anga karea nakoina, ao n tuea b'a ana m'akuri i bukina.

Ab'akuka 2:14

Ao e na onrake te aonnaba n ataakin mimitongin te UEA n ai aron taari ae e kaona marawa.

Teb'ania 3:10

Ake a raroa i Itiobia ake au aomata ake a uamaae nako; ana uotii mai naba aia karea nako iu.

Maraki 1:11

E neboaki arau man te karangaina ni karokoa te airoo irouia botannaomata ni kabane n te aonnaba, ngkana a kabuoka te b'ai ni kaboiarara ma n anga te karea ae e boni kaantaningaaki nako iu.

Ioane 17:3

Ao aio aron reken te maiu are aki toki: bon te ataiko b'a ti Ngkoe ae te Atua ni koaua, ao te ata Iesu Kristo, ae Ko kanakomaia.

1.Betero 2:5

Ao ngkami naba kanga ai aron atibu aika maiu aika kabonganaki i bukini katean te Tembora n tamnei, ike kam na m'akuri iai b'a ibonga aika ana aomata te Atua, n anga karea n tamnei iroun Iesu Kristo.

1.Betero 2:9

Ma ngkami bon te botannaomata ae kam rineaki, ae ana ibonga te Uea, ae te botannaomata ae itiaki i matan te Atua, ae ana aomata te Atua, ae rineaki b'a e na kaotioti ana m'akuri aika kamimii Teuare weteingkami man te roo nakon ana oota ae kamimii.

1.Tamuera 17:46

E na buokai te UEA n te bong aei b'a n na tokanikai i aom. N na oroiko ni kab'akako, ao n na korea atuum ni kanakoa, ao n na anga rab'ataia tautian Biritia ake tekorakina nakoia ma mannikiba ma mannikaakang. Ao e na ataaki n te aonnaba b'a bon te Atua ni koaua Atuaia Iteraera.