Itaia 19:2 - Te B'aib'ara

² “N na katuaaea Aikubita n taiani buaka n nanoaa ane a na buaka i bon irouia aaba ma ake i rarikiia, kaawa ma kaawa, ao taian abanuea n tatabeua nako.

Itaia 19:2 ပူးပေါင်းရင်းမြစ်များ

1.Uea 16:21

Ao i mwiin maten Timri, ao iai tabem'aang Iteraera ake a tangiria ni kauea Tibeni are natin Kinata te m'aane, ma iai naba tabem'aang ake a tangira Omri.

2.Rongorongo 15:6

A bon itiritiri botannaomata i bon irouia, ao a ikamaamate te kaawa teuana nakon te kaawa teuana, i bukina b'a E bon kariki taian kangaanga ma kiriwe te Atua n taabo ni kabane.

Itaia 3:5

Ane kam na iowawa n tatabemaningkami nako nakoia raoraomi ao kaain rarikimi. Ane a na taetae ni kamatauningaiia aia ikawai aomata aika a uarereke; ao bon akea ae e na karineia aomata aika a bon riai n aki karineaki.

Itaia 9:21

A manga bon raira buareia Eberaim ma Manate, ao i mwiina, a ikoti aia taanga ni buaka ni buakana Iuta. Ma e bon teimatoa naba n un te UEA ao e tauraoi nakon katuaaeaia te botannaomata n ae e rawaawata riki.

Ieremia 46:12

A a tia n ongo tangim botannaomata ni kabane; ko b'ainrang, ko a bon ataia. A na b'aka am tautia nako aon te tano, ma ni b'aka temanna i aon temanna.

Ieremia 51:46

Kam na aki maaku ke ni kabuai ami kaantaninga, e ngae ngke iai taian maningongoo ae taekaia taani kairiiri i bukin kairan te waaki i nanon te kaawa ae e buubura ae B'aburon i nanon ririki ma ririki.

Etekiera 38:21

N na kariaia maungan Iteraera b'a a na kaaitarako. A na rangi ni maaku am taanga ni buaka n te aro ae a na manga bon buaka i bon irouia.

Tekaria 8:10

I m'aain rokon te tai anne, bon akea aomata ao akea maan aika a anganaki kaniwangaia i bukin aia m'akuri, ao bon akea temanna ae e rau n te tabo teuana, i bukina ngke I kaaitaraia n tatabemaniia nako.

Mataio 10:21

Ao te mm'aane ane e na anga tarina b'a e na tiringaki, ao ai aron naba are e na karaoia te tama nakon natina; ao ane a na tei rake naati n ekianako nako aia karo ao a na anga b'a a na tiringaki;

Mataio 10:36

ao ane a na riki ana utu te aomata b'a ana kairiribai.

Mataio 12:25

E atai aia iango Iesu, ma ngaia are E taku nako ia, “Te tautaeka ae bwenaua nakoni m'akoro aika kakaokoro aika a ekianako i bon i rouia, e na bon aki tei maan; ao akea te kawa ke te utu ae koroutuaki ae na aki bwenaua.

Mataio 24:7

B'a ane na tei rake te aba teuana ni buakana te aba teuana, ao te tautaeka teuana ni buakana te tautaeka teuana; ao ane a na roko roongo ma m'aeiein te aba n taabo nako.

Mareko 3:24

Ngkana e koro-utu te aba teuana, ao a buaka i bon i rouia, ao e na mauna arona n tautaeka.

Tani Motiki-taeka 7:22

Ao ngke a karaoa aei, ao te UEA e karikiia aia kairiribai b'a a na buutii aia kabaang i boni irouia ma ni buakaniia i boni irouia. Ao a kataia ni birinako aia kairiribai man aia kaemb'a. Ao a biri nakoni Kaawan Te Aroka are Te Aketia, nako Terera, ni karokoa mataniwiin te aba are abaia kaain te kaawa are Abera Meora are i rarikin Tabata.

Tani Motiki-taeka 9:23

n te tai are E nang katuaaea iai te Atua ma taani kairiiri i Tekem i bukin tiringaia natin Kiteon ake itingaun. Ma ngaia are, E karikiia taani kairiiri te Atua b'a a na manga kaaitaraa Abimereka.

1.Tamuera 14:16

Ao ana taan taratara Tauro ake a mena i Keeb'a a nooria b'a a birinako ana taanga Biritia ni uamaaenako, kaanga ai aron te taura te nenea ae ran nako.

1.Tamuera 14:20

Ao e kawaekoa ni bootia ana taanga ni buaka, ao i mwiina e kairiia nakon aia kaemb'a kaain Biritia. Ao n te tai aei, a rangi ni mangaongao kaain Biritia ao a bon tiringiia i bon irouia.