Itaia 18:7 - Te B'aib'ara

⁷ A ab'ab'aki rab'ataia kaain Itiobia aikai ao a maranran kuniia. A maakaki ni kabutaa te aonnaba, i bukina b'a a korakora ao a iowawa. Ma n te tai arei ane a na roko man abaia aika a m'akorokoro n taiani karaanga, ao a na uoti taiani b'aintangira nakon te UEA ae Moan te M'aaka, are e taromauriaki i aon te Maunga are Tion.

Itaia 18:7 ပူးပေါင်းရင်းမြစ်များ

2.Rongorongo 32:23

A uoti aia angab'ai aomata nako Ierutarem i bukin te UEA ao taian b'aintangira naba aika a rangi ni bobuaka i bukin Etekia, ao man te bong anne, a bane botannaomata n te aonnaba ni karinea Etekia.

Taian Areru 68:32

Anene nakon te Atua, ngkami aika aomata n aaba nako i aonnaba; Anene n nebonebo nakon te Uea,

Itaia 16:1

Kanakoia taian tiibu ataei b'a taiani b'aintangira nakoia taan tautaeka n te aba. Kanakoia ri nanon te rereua mai Tera nakon te Maunga are Tion.

Itaia 18:2

E kanakoia ana taan uarongorongo Aikubita ni waerake n te Karaanga are te Naire i aon taiani kaibuke aika a karaoaki n taiani uteute. Ni kawaekoaia nako Itiobia, are a ab'ab'aki kaaina ao a maratirati kuniia. E korokoreaki abaia n taiani karaanga; a korakora ao a iowawa, ma ni maakaki ni kabutaa te aonnaba.

Itaia 18:4

E taku te UEA nako iu. “N na tararikaaki ma te nano ae e rau mani mwengau are i eta kaanga raun taai n te tawanou ke taian nang n te kabuebue n tain te tai.”

Itaia 45:14

au Aomata, bon Ngai ae te UEA ae I berita b'a kam na b'ain kaub'ain Aikubita ao b'ain Itiobia aika kakaawaki Kam na kairoroia aomata ake ab'ab'aki i Tabea b'a ami toro. Ane a na bobaraaki ni kaangai, “E memena iroumi te Atua ae koaua; bon akea riki atua tabem'aang.”

Mika 4:13

E kaangai te UEA, “Kam na nako n oreia ami kairiribai ngkami aika kaain Ierutarem! N na kakorakorako n ai aron te kaom'aane ae iai korona aika biiti, ao iai naba ana kau ni wae ae te buraonti. Ko na kamanatuaia botannaomata nako, ao ko na uotii mai nako iu Ngai ae UEAN te aonnaba ni kabane, kaub'ai ake a reke mairouia botannaomata ake a konaiia n te buaka.”

Ab'akuka 1:7

A karika te maaku, ao a kamoamoa b'a akea ae e kona ni waeia.

Teb'ania 3:10

Ake a raroa i Itiobia ake au aomata ake a uamaae nako; ana uotii mai naba aia karea nako iu.

Maraki 1:11

E neboaki arau man te karangaina ni karokoa te airoo irouia botannaomata ni kabane n te aonnaba, ngkana a kabuoka te b'ai ni kaboiarara ma n anga te karea ae e boni kaantaningaaki nako iu.

Mataio 2:11

Ao ngke a rin n te auti, ao a nora te merimeri ma Nei Maria are tinana, ao a katorobubua ni bobaraaki n taromauriia, ao a kaotinakoi aia b'aintangira aika koora, ma te riibano, ma te muura, ao a angan te merimeri.