Itaia 18:2 - Te B'aib'ara

² E kanakoia ana taan uarongorongo Aikubita ni waerake n te Karaanga are te Naire i aon taiani kaibuke aika a karaoaki n taiani uteute. Ni kawaekoaia nako Itiobia, are a ab'ab'aki kaaina ao a maratirati kuniia. E korokoreaki abaia n taiani karaanga; a korakora ao a iowawa, ma ni maakaki ni kabutaa te aonnaba.

Itaia 18:2 ပူးပေါင်းရင်းမြစ်များ

2.Rongorongo 14:9

E kaira te taanga ni buaka Tera are kaain Itiobia ae m'aitina teuana te mirion tautiana ao tenibubua taiani kaanibuaka nakon te kaawa are Maretia i Iuta.

2.Rongorongo 16:8

Uringa aron korakoran ana taanga ni buaka Itiobia ao Rubim, ma aia kanibuaka ni kabane ao taan buaka i aoia aoti! Ko onimakina ngkoa te UEA b'a e na buokiko, ao e anganiko te tokanikai i aoia.

Iobi 9:26

E a taonnako maiu kaanga te booti ae beibeti nako ni waekoa, ao kaanga ai aron naba bakareren te karakara ngkana e rawea te ika.

Te Otinako 2:3

Ao ngke e a aki konaa ni karabaa, e a karaoa te b'aene man te uteute ao e kabiria n te taa. Ao e kaaki te ataei i nanon te b'aene arei ao e kaaki i buakon taian uteute aika a ab'ab'aki i mataniwiin te Karaanga are te Naire.

Itaia 18:7

A ab'ab'aki rab'ataia kaain Itiobia aikai ao a maranran kuniia. A maakaki ni kabutaa te aonnaba, i bukina b'a a korakora ao a iowawa. Ma n te tai arei ane a na roko man abaia aika a m'akorokoro n taiani karaanga, ao a na uoti taiani b'aintangira nakon te UEA ae Moan te M'aaka, are e taromauriaki i aon te Maunga are Tion.

Ieremia 49:14

N na kanakoa te tia uarongorongo b'a e na tuangiia botannaomata nako b'a a na katauraoi nakon te buaka ni kaaitaraia kaain Etom.

Etekiera 30:9

N na urua naba Aikubita n te bong naba anne, N na kanakoa te tia uarongorongo nakoia kaain Itiobia b'a e na katanoataa rokon te urub'ai. A taku n aia iango b'a a mano, ma ane a na maaku.

Ob'aria 1:1

Aio ana taeka ni burabeti Ob'aria, ake E taekin te UEA ae rietaata i bukiia aomatan Etom. E a tia te Atua ni kanakoa Ana tia uarongorongo nakoia botannaomata nako, ao ti a tia n ongo ana rongorongo: “Tauraoi! Ti a nako ni buakana Etom”

Ab'akuka 1:7

A karika te maaku, ao a kamoamoa b'a akea ae e kona ni waeia.

Ruka 10:19

Noria, I a tia n anganingkami te m'aaka b'a kam na kona n tou aoia naeta ma tikaobian, ao n tokanikai i aoni m'aakan nako te Kairiribai, ao akea te b'ai ae kam na kabuanib'ai iai.