Itaia 17:8 - Te B'aib'ara

⁸ A tia ni karaoi taiani baonikarea i bukin kabuokan taiani b'ai ni kaboiarara i bukin antiia are Nei Aatera, ao a tia naba ni katei taiani boua aika a tabu i bukina. Ma ane a toki aia taromauri n taabo aikai.

Itaia 17:8 ပူးပေါင်းရင်းမြစ်များ

2.Tamuera 22:42

A tangira buokaia ma bon akea temanna ae kamaiuia; a weeweteiko, ma bon akea te kaeka.

2.Rongorongo 14:5

E kamaunai baangotan te aba ni kabane ao taiani baoni karea ake i bukin b'aai ni kaboiarara ake i Iuta.

2.Rongorongo 31:1

I mwiin te Toa are te Riao, ao a okiri kaawan nako i Iuta aomata ao a uruaki bannan nako antiia ianena aika taian atiibu ao a koroi ni kab'akai taiani boua aika a tabu ake b'ain taromaurian te anti are Nei Atera. A urui ni kabane baangotan te aba ao aia baonikarea ianena ake i Iuta, ao ai uana naba ma ake n aaba ake Beniamin, Eberaim, ao Manate Maeao. Ao e mwiina, a bane n okirikaaki nakoni mwengaia aomata.

2.Rongorongo 34:4

E karaua ni matakuakina te baonikarea i bukin taromaurian te anti are Baara ngke a kab'akaaki, ao taian baonikarea i bukin te b'ai ni kaboiarara ake i rarikina ngke a urubekeaki naba. A bane naba n uruakaki bouan Nei Atera, ma ana bouannanti, ao taian atiibu ake taiani banna, ao n raea n aki akaaka m'akorokoroia i aan ruanimateia koraki ake taan taromauriia.

Te Otinako 34:13

Kam na onea mwiin anne n urua aia baonikarea ma ni kamaeei taian boua ake a tabu

Itaia 1:29

Kam na mamaa n te buakonikai ae e uarereke are kam taataromauri iai taiani bouannanti.

Itaia 10:20

E na roko te tai are a na ti onimakina UEAN Iteraera ae e tabu nikira ni maiu ake a roko mai Iteraera ao Iuta, n onea mwiin onimakinaia botannaomata ake a konaaki irouia.

Itaia 17:9

E taui kaawa aika a korakora Iteraera ao e kakionakoia kaaina ake a maeka ikekei. Ma ane a na wene n uruaki taiani kaawa aikai, ma n onrake n taian uteute ao taiani buakoako ni kai.

Itaia 2:8

A taromaurii taiani bouannanti aika a tia ni karaoi n taabo nako i nanon te kaawa.

Itaia 27:9

Bon ti teuana te kawai ae e konaa iai ni kab'araaki iai ni kabane ana bure Iteraera: a riai ni kamaaenikuni atiibu nako ake aia baonikarea beekan ao aia tabo n taromauri.

Itaia 30:22

Ao ane kam karaoia ami bouannanti ake taian tirewa ma koora kaanga taian turam ni maange; kam na karenakoia kaanga taian uraeki ae e a kam'araa.

Itaia 37:19

A tia n urui taian bouannanti aika taiani kai ma atiibu ake a tia ni karaoi ao n tataromauri iai botannaomata aikai.

Itaia 41:29

Bon akea boonganaia, ao bon akea te b'ai teuana ae a konaa ni karaoia akea manenaia nakon te ang ae e a taonnako.

Itaia 44:15

A kamanenaaki tabeua taiani kai i bukin ain te kabuebue ke te kuuka. E karaoaki m'akoron te kai teuana b'a te bouannanti, ao e boobaraaki te tia korobanna n te kai nako iai ao e taromauriia.

Ieremia 17:2

A a tia ni katei taian baonikarea ni beekan te roro teuana i mwiin te roro teuana ao a taromauriia te anti are Nei Atera n taabo nako i aon abami, i aon taian tabuki ao taiani maunga, ao i aan aroka aika a korakora.

Etekiera 36:25

N na tatauringkami n te ran ae e itiaki, ao kam na riki n tau i buku. N na teboki ni kanakoi b'aai ni kabane akana a kabaarekaingkami, ao N na kanakoi ami bouannanti aika a rangi n ribaaki.

Otea 14:8

Iteraera, Katikui ami bouannanti nako! N nang kaekaa ami tataro ma n tararuaingkami. Boni Ngai te aroka are e mimitong arei, are oin ami kariki uaa,

Otea 14:9

Ngkana kam wanawana, kam na ataa nanon te b'ai ae I nanonna. Bon te UEA Ngai, ao I kairingkami n te kawai ae e eti. Ti na kaai n nakonako ngkana kam ongotaeka Irou, ma e na toki waemi ngkana kam buakaka.

Teb'ania 1:3

aomata ma maan aika a kawakawa, mannikiba, ao ika. N na kamaunaia aomata aika a buakaka. N na kamaunaia aomata n aekaia nako, ao akea ae e na tiku ni maiu, bon ana taeka te UEA.”

Tekaria 13:2

E taku te UEA ae Moan te M'aaka: N na kamaunai ni kabane taian bouannanti mai aon te aba ngkana e roko te tai arei, ao e na m'aninga te aba taekaia n aki toki. N na bon kamaunaiia naba aia burabeti nako ma tamnei aika a kam'araa akana a tautaekaniia.

Te Tua-Kaua 7:5

Ma ngaia are, ngkana kam kataenikaiia botannaomata aikai, kam na urui aia baonikarea are a taromauriia iai atuaia. Urui aia baangota, ao kab'akai taiani atiibu ake a tataromauri atuaia te aine are Nei Aatera, ao karenakoi aia bouananti nako nanon te ai.