Itaia 17:6 - Te B'aib'ara

⁶ Iteraera kaanga te kai ae te oriwa ae e oreaki n te kai, ae e nikirana ti uoua ke tenua nikiran uaana ke tao ti aua ke nimaua aika a rangi ni rietaata ke ni m'aangana ake a rangi ni uaa. E a tia ni berita b'a e na bon koro bukin aei te UEA ae Atuan Iteraera.

Itaia 17:6 ပူးပေါင်းရင်းမြစ်များ

1.Uea 19:18

Ma boni iai 7,000 m'aitiia Iteraera aika a rawa n taromauriia B'aara, ao boni ngaiia aika a na maiu.

Itaia 1:9

E na riai n tia ni mauna nako Tion kaanga Tootom ma Komora,

Itaia 10:22

E riki aei i bukina ngke e a tia ni kamaunai aia botannaomata, n aron are e bon riai ni karaoaki nakoia.

Itaia 24:13

A na taekaki nako botannaomata kaanga taian kai aika oriwa ke nne n aroka ni kureebe i mwiin te bong n tai.

Itaia 27:12

E a roko te tai are e na ioioa iai te aba te UEA are i marenan te Karaanga are Iuberetiti ao tian te aba are Aikubita, ao e na ikotiia ana Aomata temanna i mwiin temanna.

Ieremia 4:27

E taku te UEA: I a tia ni karaoa au babaaire, ao I aki kona ni manga bita nanou. E na kamaunaaki te aba aei, ma e na aki bane ni kamaunaaki. E na onikaki karawa nakon te rootongitong, ao e na tanginiwenei te aonnaba.

Etekiera 39:29

N na aki manga tannako mairouia Au aomata aika Iteraera, ao E na maeka Tamneiu i nanoia. Bon aei Au taeka Ngai ae te UEA.

Ob'aria 1:5

“Ngkana a roko taan iraa n te bong, ao a na bon tii anai baike a tangiri. Ngkana a kiniki uaan kureebe aomata, ao a na bon tiku naba tabeua uaan te kureebe. Ma ngkana a roko ami kairiribai ao a na bon kamatei ngkami ni kabane.

Mika 7:1

E a kab'ara nano! Kaanga ai aron te aomata ngai are I kakaea kanau ma bon akea teuana uaan te aroka n tiku, ao akea naba uaan te kureebe n tiku. B'a a bane n tia n anaaki kaai ma uaa aika a kangkang.

I-Rom 11:26

B'a n te aro aei, ao a na kamaiuaki kaain te botannaomata ae Iteraera ni kabaneia, n ai aron are koreaki ni kaangai: “Ane E na nako mai Tion te Tia Kamaiu E na kaaki te buakaka mairouia ana kariki Iakob'a.

I-Rom 9:27

Ao Itaia e taekiniia Iteraera ni kaangai, “Ai aron tanon te bike i rarikin taari m'aitiia natin Iteraera, ma ti tabeman mai buakoia aika na kamaiuaki.

Te Tua-Kaua 4:27

Bon ti tabeman mai buakomi aika a na maiu, ao E na kanakoingkami te UEA man te aba, ao E na kamaenakoingkami i buakoia botannaomata.

Tani Motiki-taeka 8:2

Ao e taku Kiteon: Kam na aki kab'arai nanomi. E ngae ngke kam a tib'a roko, ma e buubura riki are kam a tia ni karaoia nakon are I karaoia. Bon ti te bo ma tain te tai i bukin te kureebe: A rangi n raoiroi riki aia kureebe ami baronga ake a aki tabe ma kinikakin uaaia nakon raraoin kureeben ara utu ake a uniki.