Itaia 17:3 - Te B'aib'ara

³ A na mauna ana nono nako Iteraera E na mauna nako abanuean Tamateko; a na rangi ni kainano taiani nikira ni maiu iai kaanga aron are e riki nakon Iteraera. E a tia ni berita i bukin aei te UEA ae Moan te M'aaka.

Itaia 17:3 ပူးပေါင်းရင်းမြစ်များ

2.Uea 16:9

Ni bon te tai naba are e reke iai te rongorongo iroun Tikerata Biretia, ao e a m'ananga naba ma ana taanga ni buaka nako Turia. E taua te kaawa n tua are e buubura are Tamateko, ao i mwiina, e anaiia aomata ake a maeka n te kaawa arei nako Kira b'a taian taenikai, ao e tiringa te uea are Retin.

2.Uea 17:6

i m'aain are e a reke i rouna n ana karuaiwa n ririki ni uea Otea. E uotiia nako Iteraera uean Aturia b'a buure. E kairoroia tabeman mai buakoia b'a a na maeka n te kaawa are Ara, ao tabeman b'a a na maeka i rarikin Karaangan Abora n te aba are Kotan, ao ake tabeman b'a a na maeka ni kaawa ake a maeka naba iai kaain Miria.

Itaia 10:9

A tia ni konaaki kaawan nako Kareno, Karekemiti, Amata, Arebata, Taamaria, ao Tamateko.

Itaia 16:14

Ao e taku ngkai, “E raoiroi ae ti tenua te ririki maanin aia tai taani m'akuri ake a kabooaki, ma e na bon aki maan riki nakon anne mimitongin ma kakannaton Moaaba. A na ti tabeman aomatana n tiku ni maiu, ma a na tiku n akea aroia.”

Itaia 17:4

Ngkana e roko te tai arei, e na karuoaki rikaaki te botannaomata ae e mimitong ae Iteraera mai eta; ao a na rinikangenge kaaina ake a mari ngkoa.

Itaia 25:2

Ko a tia n urua nonoia ara kairiribai, ma ni katikuia ma aia kaawa ae e buubura ma te urubekebeke. Bon akea riki te b'ai ae e na manga konaa ni kateaki n te kaawa ane e buubura anne.

Itaia 7:16

ao e na kaakang miriki ao ana karewe te manibeeru, ao a na kamaunaaki abaia uea ake uoman ake ko maakuia.

Itaia 7:8

Bon ana kaawa n tautaeka Turia Tamateko, ao e tautaeka te Uea are Retin i Tamateko. Bon ana kaawa n tautaeka Iteraera Taamaria.

Itaia 8:4

i bukina b'a i m'aain ae e konaa n taekina ae e kaangai ‘Mamma’ ke ‘B'ab'aa’, ao e na roko uean Aturia ni buaka man uotinako b'aai ni kabane aika a kakaawaki i Tamateko ao Tamaria.

Otea 1:4

Ao E taku te UEA, “Otea, aran natim te m'aane bon Ietireera, b'a N na katuaaea ana kariki uean Iteraera are Ieu n te tai ae e aki maan i bukin te m'akuri n tiritiri are e karaoia n te M'arua are Ietireera. N na kamaunaa abanueana,

Otea 1:6

Tabeua te tai i mwiina, e a manga riki natin Nei Komera te aine, ao E taku te UEA, “Aranna b'a Nei Roo-Ruam'a, b'a N na aki manga akoi teutana ao ni kab'araa ana bure Iteraera.

Otea 10:14

Ma ngaia are, e na roko te buaka, ao a na uruakaki ami nono nako. Ao ami kairiribai a na karaoa nakoim te b'ai are e karaoia Tiareman nakoia kaain Beta-Arebera a na oreaki ma te b'aa tiina ma natiia ni karokoa mateia.

Otea 3:4

E na bon maan naba te tai i m'aain reken uean Iteraera ke i m'aain are e anga te aba iai taiani karea i nanon te tembora ke i m'aain are a reke taian kawai are ti na kairaki iai iroun te Atua.

Otea 8:8

Iteraera, ko a uruaki, ao ko a atongaki ngkai irouia botannaomata b'a akea bonganam.

Otea 9:11

Ma ngaia are, Iteraera, e a tia ni kiba nako mimitongim kaanga te mannikiba a na aki konaa am aine ni manga karika natiia.

Amota 8:14

Kam na bane ni b'aka n aki manga teirake, ngkami ake kam berita n araia antin Tamaria, ake Taan, ao Beera-teba.