Itaia 17:2 - Te B'aib'ara

² E na tiku n rereua kaawa aika a uarereke ake i rarikin Aroera, ma ti temanna te tiibu n tiku ikekei ao akea ae e tabeakinna.

Itaia 17:2 ပူးပေါင်းရင်းမြစ်များ

Iobi 11:19

Ko na aki maakuia am kairiribai; a na m'aiti aomata aika na bubuti buokaia mairoum.

Itaia 27:10

A na tiku taian nono kaanga taian rereua ike akea ae e maeka iai. A na nakonako taiani kao i aona ae e a urubekebeke, ni kabaabanei arokan aona.

Itaia 5:17

A na riki ana aomata b'a kaanga taian tiibu aika a am'arake ni bon oin aia uteute, ao a na uotinako b'aai ake a kiitanaki irouia tem'angina.

Itaia 7:21

Akea temanna ae e raka ana man i aon temanna te kao te teei ao uoman te tiibu,

Itaia 7:22

ma koraki akana a raka, e na konaa n reke aia miriki i bukin karaoan te miriki bua ao ana karewe te manibeeru.

Ieremia 48:19

Ngkami aika kaain Aroera, tataninga i rarikin te kawai, ao ngkana a biri i rarikimi taan rawei maiuia, ao kam na titirakiniia ni kaangai, “Tera ae e riki?”

Ieremia 7:33

ao ane a na raea rab'ataia aomata i aon te tano. Ane a na roko mannikiba ma maan ni kang rab'ataia, ao akea temanna ae e na konaa ni kakamaakuia ni kanako ia.

Etekiera 25:5

E na riki kaawan ami tautaeka are Rab'a b'a te tabo ae akea boongana ma ana riki taabo n uteute i bukiia kaamero, ao nikiran te aba b'a te tabo n uteute i bukiia tiibu. Ao ane kam na ataai iai b'a bon te UEA Ngai ae te Atua.

Etekiera 39:26

A na maeka ma te rau n oin abaia, ma a na mamaa ngkana a uring aia m'akuri aika a buakaka ma aroia ni kamamaaeai.

Mika 4:4

E a tia ni berita te UEA ae moan te m'aaka b'a a na bane ni maeka aomata ma te rau i buakon aia nne n aroka ni kureebe ma arokaia biiku ao akea ae e na manga kakamakuia.

Teb'ania 2:6

Abami ane i rarikin taari e na riki b'a nneia taan kawakin tiibu, ao nneia naba tiibu ni kawakinaki.

Warekaia Iteraera 32:34

A manga katei kaawa ake Ribon, Atora, Aroera,

Te Tua-Kaua 2:36

Ao E buokiira naba te UEA n taui kaawa ni kabane ni moa man te M'arua are te Arenon nako iaang nakon tian Kireata, n reitaki naba ma te kaawa are Aroera are i mataniwiin te m'arua, ao te kaawa are i nuukan te m'arua.

Te Tua-Kaua 3:12

“I anga tabeua te aba mai buakon aaba ake ti taui nakoia te baronga are Reuben, ao Kaata. E moanaki tib'aia mai meangin te kaawa are Aroera are e kaan ma te Karaanga are te Arenon, ni ikotaki ma tabeua kaawan Kireata ake a kirimaungaunga.

Iotua 13:16

Tian abaia mai maiaki bon te kaawa are i nukan te m'arua are Arenon, ma te kaawa are Aroera, are i mataniwiin te m'arua anne mai meang, ni karokoa aaba ake a aoraoi ake i meang i rarikin Meteb'a.

Iotua 13:25

A reke i nanon abaia te baronga are Kata kaawa aika: Iatera, ma kaawan Kireata ni kabane ma iteran abaia I-Ammon n toki i Aroera, are i mainikun Raab'a,