Itaia 17:13 - Te B'aib'ara

¹³ Ma e ngae ngkana a rurunga kaanga te ieka ae e kakamaaku, E na tuangiia te Atua b'a a na oki rikaaki. A na riki b'a kaanga te bubu, ke kaanga te uteute ae e ukaki nako n te ang are e karabinobinoaki ri aon taian tabuki n te angibuaka.

Itaia 17:13 ပူးပေါင်းရင်းမြစ်များ

Iobi 21:18

ma n tewenakoia kaanga te maange ae ukaki nako n te ang, ke te baareka ae uotaki nako n te angibuaka?

Iobi 38:11

Ao I kaangai nako ina, “Bon aio tokin naom aika korakora.”

Taian Areru 1:4

Ma tiaki aio aroia aomata aika buakaka; ti te bo ngaiia ma aron te maange ake a ukaki nako n te ang.

Taian Areru 35:5

A na kakioaki iroun ana anera te UEA, ao a na riki n ai aroni kunin te uteute ae ukaki nako n te ang!

Taian Areru 65:7

Ko katoka rurungaani marawa ma karongoaan b'aron naao; Ko katoki kiriweia botannaomata.

Taian Areru 65:8

A bane aomata nako i aonnaba ni mimi n am M'akuri ake a kamimii ake Ko a tia ni karaoi; Ao a karika te anene n takakaa ni kukurei irouia aomata mai tabon aonnaba nakon tabona are teuana.

Taian Areru 9:5

Ko boaiia botannaomata akana aki onimakiniko, Ko kamateia akana buakaka, ao a na bon aki manga ururingaki ni karokoa akea tokina.

Itaia 14:25

N na kanakoia kaain Aturia mai abau, ao N na kamanatuaia akana a mena i aon taiani maunga. N na kainaomataia au aomata man te tautoronaki irouia kaain Aturia.

Itaia 21:15

A kua ma ni kainano i mwiin kakioakiia irouia aia kairiribai ma taian kabaang ao taiani kainikatebe.

Itaia 22:18

E na niiniiriko ni kamronroniko kaanga te booro ao e na karenakoko nakon te aonnaba ae tangaina nako, ike ko na mate iai ao a na mauna nako am kaa ni buaka nako. Ko aki kakukureia aika ko m'akuri i bukiia.

Itaia 27:1

Ao n te bong arei, ao Rib'aietan, ane e na nim'atoaua ma ni birinako manin taari ae e kakamaaku, ma e na tiringnga te UEA n te kabaang ae e kakamaaku, ae e kakang.

Itaia 29:5

Ao i mwiina, e na karina ni uotaki nako am kairiribai ae moan te tiritiri n ai aron baareka i nanon te angibuaka.

Itaia 30:28

E katinakoa ikeikena b'a te ieka are e iabuti rake nakon te roroa. E raumeaia botannaomata ao e kamaunaiia. Ao e kaaki taian bwe ni kairiiri i nanoni wiia ianena ni kabane ao e kairiia nakon te kabuanib'ai.

Itaia 34:17

E a tia te UEA ni baairea te tabo ike a na maeka iai n tatabemaniia; ana mena ikekei n aki toki, n te roro teuana ma teuana.

Itaia 40:15

Bon ti taian timtim n ran i nanon te b'aketi botannaomata ni kabane iroun te UEA ke te taaurouro i aon te kainikatine; bon ti te abutana te tano abam'akoro ni kabane.

Itaia 40:24

Ti te bo ngaiia ma taian uee aika a tib'a ure ao a tabe n rikirake. Ma ngke e ukia te Atua, ao a rai ma n uotakinako kaanga te maange n tain te angibuaka.

Itaia 41:11

A na bane aika ribaiko ni kam'aitaki mamaaia; ao akana a buakaniko a na mauna nako i nanon te ang.

Itaia 8:7

Ngkai N nang kanakoa uean Aturia b'a e na kaaitaraia ma korakoran ana taanga ni buaka, are e na buakaniia kaanga korakoran te Karaanga are Iuberetiti aika a taonako i mataniwiina nako.

Taniera 2:35

Ma ngaia are, e a b'aka te biti ma te tano, ma te buraonti, ma te tirewa, ao te koora ni maerikiriki kaanga bubun te uita are e oreaki n tain te aumaiaki. E uotia nako te ang ni kabane ni bon akea nikirana. Ma e rikirake ni buubura te atiibu arei ni karokoa e a rabuna te aonnaba ni kabane.

Otea 13:3

Ai ngaia are, kam na bane ni mauna nako kaanga te maabubu ke te aoi n te moaningabong, ke kunin taian uita n te ang ke te bubu ma n te kainibubu.

Teb'ania 2:2

i m'ain ae ko ukaki nako n te ang n ai aron kunin te b'are, i m'ain rokon te bong are e na ura unin te UEA iai i aom.