Itaia 17:12 - Te B'aib'ara

¹² Bon naoni marawa aika a karongoaa taiani botannaomata.

Itaia 17:12 ပူးပေါင်းရင်းမြစ်များ

Taian Areru 18:4

A otab'aniniai kakamakun te mate, ao a taonai nako naona.

Taian Areru 29:3

E ongo te aba b'anaan te UEA i aoni marawa; n ai aron rebwen te baa b'anaana; ao e karongoaaea aoni marawa.

Taian Areru 83:2

Taraia am Kairiribai! a kiriwe; ao a rawa ni kan aantaeka iroum akana ribaiko.

Itaia 13:4

Ongora nakoia koraki n aomata aika a kakarongoa i aon taiani maunga! A ikoti aia taanga ni buaka taian abanuea, ao taian botannaomata E a bootia taanga ni buaka te UEA ae Moan te M'aaka i bukin te buaka.

Itaia 28:17

A na riki te eti ma te riai b'a taiani koranikaeti ake a na buokai ni kateana.” Ane e na urui ma ni uotinako katanami aika taiani kewe karau atiibu ao taian ieka.

Itaia 54:17

A na aki nakoraoi taiani b'ainibuaka akana a karaoaki i bukin buakanakimi; ao a na aki konaa ni kamarakingkami taian taeka akana a ekinakoingkami. Bon am b'ai au tia m'akuri are Ierutarem! I berita Ngai ae te UEA b'a N na kakab'aiako n te tokanikai.

Itaia 8:9

Ngkami aika botannaomata aika ianena, waaki nako ao katauraoi nakon te buaka. ma ane ko na kamanatuaaki.

Itaia 9:5

E a tia n urarake ao ni kanaki n te ai aia kauniwae taani buaka ake a m'aati ao aia kaboraoi ake a memea n te raraa.

Ieremia 6:23

A iowawa ana taanga ni buaka aika a toamau ni b'aai ni buaka ao bon akea aia nanoanga. Ti te bo tangitangin aia aoti ma rurungaan naon marawa ngkana a rebwe i aon te bike. A na buakaningkami te taanga ni buaka aei, ngkoe ae Ierutarem ae ko tangiraki.”

Etekiera 43:2

ike I a noora iai raneanean mimitongin Atuaia Iteraera, ae e roko mai mainiku. Ti te bo korakoran te tang are I ongo ma rurungaan naoni marawa, ao a bane n raneanea b'aai nako ake i rarikina n raitiitin ootan mimitongina.

Taniera 7:2

te b'ai are I nooria n te tairiki anne: E kare te ang n akea unna, ao e kabuakaa nanoni marawa.

Mika 4:11

A bootaki botannaomata aika a m'aiti b'a a na buakaniko. A kaangai, “E na riai ni kamaunaaki Ierutarem! Ti na noora te kaawa b'a e na bon urubekebeke raoi.”

Warekaia Iteraera 10:35

Ao e aki toki n tataro Moote ni katoa te bong are a nang m'ananga iai Iteraera, ao e tataro ni kaangai, “Ara UEA, kataenikaiia Am kairiribai, ao kakioia nako!”

Ruka 21:25

Ao ane a na riki baika kamimii nakon taai ma nam'akaina ma itoi; ao ane a na bane aaba nako i aonnaba ni bua aia kaantaninga n rurungaani marawa ma naao.

Te Kaotioti 17:1

Ao e roko temanna mai buakoia anera ake itiman ake iai i rouia boora ake itiua, ao a taetae nako iu, ni kaangai, “Mai ikai; N na kaota nako im motikan taekan te kabekaau are kakannato are tekateka i aon raan aika bati;

Te Kaotioti 17:15

Ao e kaangai naba nako iu, “Raan ake ko noori, ike e tekateka iai te kabekaau arei, bon natanaomata, ma koraki n aomata aika bati, ma botannaomata, ma aomata nako aika a kakaokoro aia taetae.