Itaia 17:10 - Te B'aib'ara

¹⁰ Iteraera, ko a tia ni m'aninga taekan te Atua are e kamaiungkami, teuare bon te b'a ae e korakora ike e na konaa n reke iai maium. Kam unika taiani kabanea n tamaroa ni uee i bukin karinean antiia ianena.

Itaia 17:10 ပူးပေါင်းရင်းမြစ်များ

1.Rongorongo 16:35

Kam na kaangai nakoina, “Kamaiura, te UEA ae te Atua! Kaokiira mai buakoia taiani botannaomata. Ti na bukamaru man takaarua n neboa arana ae e tabu.

Taian Areru 106:13

A kai m'anuoki ana m'akuri; ao a aki tataninga ana taeka.

Taian Areru 106:21

A m'anuoka te Atua are aia tia kamaiu, are E karaoi baika ab'ab'aki i Aikubita,

Taian Areru 18:2

Bon au b'a ni katantan ae rietaata ngkoe te UEA; Bon au nono ae matoatoa, ao te tia kamaiuai ngkoe; Bon Atuau ae nneu ni katanai ae I raba raoi i rouna; mairouia taan ribaai;

Taian Areru 31:2

Ongo irou, bareiko ni kamaiuai! Ko na riki b'a au b'a ae rietaata ae nneu ni katantan, ao au nono ni kamaiu.

Taian Areru 65:5

Ko anganira te tokanikai b'a kaekakira iroum, Ao Ko karaoi baika kamimii b'a ti aonga ni kamaiuaki iai. A bane ni mwioko iroum aomata nako i aon te aba ma ake a maeka i kiraroa ni katokini marawa.

Taian Areru 79:9

Te Atua ae ara tia kamaiu, buokira; Kamaiura ao kab'arai ara bure b'a e aonga ni karineaki aram.

Taian Areru 85:4

Te Atua ae ara tia kamaiu, Ko na kaoka kab'aiara ngkoa nakoira, Ao katoka aki kukureim iroura.

Taian Areru 9:17

A na nako Tiore akana buakaka, nakon abaia maate n raoniia akana a rawa nakon te Atua.

Itaia 12:2

I onimakiniko b'a ko na kamaiuai, te UEA ae te Atua, ao N na aki maaku A nako m'aakau ma korakorau mairoum, ao ko a tia ni kamaiuai.”

Itaia 17:9

E taui kaawa aika a korakora Iteraera ao e kakionakoia kaaina ake a maeka ikekei. Ma ane a na wene n uruaki taiani kaawa aikai, ma n onrake n taian uteute ao taiani buakoako ni kai.

Itaia 18:5

I m'aain ae a onikaki taian uee nakon taiani kureebe, ao e na koroi bwebweia te Atua ma n taeki nako taiani m'aanga.

Itaia 25:4

Ko a tia n riki b'a te tabo ni kamanomano i bukiia aika a maiu ni kainano ma n tangira buokaia i nanon tain te kaangaanga. A buakaniira ara kairiribai kaanga rokon te karau ae e korakora ke kaanga riringan taai n te tawanou, ma ko bon riki b'a katanara.

Itaia 26:4

Ma ngaia are, onimakina te UEA n taai nako b'a bon ara b'aa ae e korakora

Itaia 30:29

Ane a na anene ana Aomata te UEA n aron are a karaoia ngke a kauringa te Riao n te tairiki. Te UEA bon ana b'aa ae e korakora Iteraera, ao ane a na kukurei ana Aomata n aroia ngkoa ngke a ira tangin te kaib'ab'aa nakon te Maunga ike e taromauriaki iai.

Itaia 33:2

Taiaoka, te UEA, nanoangaira! Ti onimakiniko. Kakorakoraira ni katoa ingaabong, ao kawariira ni kamaiura ngkana ti a reke n te kangaanga.

Itaia 44:8

Kam na aki ruru ni maaku! I bon aki taekinna nakoimi n taai ake ngkoa? Kam bon aki ongongora irou? Bon ti Ngai te Atua bon akea ai aron te b'aa ae e korakora.

Itaia 51:13

I taakina nako taiani karawa ao I kawenea aan te aonnaba. Ma kam a tia ni m'aninga taekau, Ngai ae ami UEA ao te Tia Karikib'ai. Kam katoabong ni maakuia koraki aika a un nanoia ma n taku b'a a na kabuakakako. Ma a mena ia ngkai?

Itaia 61:10

N na karaoa au bootaki ni kukurei ao n takaarua i bukin au UEA ae te Atua. I a kunnikaiai ni m'aakan ana m'akuri ni kakamaiu ao ana motikitaeka ae Eti. A rangi n tamaroa riki nakon b'aai ni katamaroa aika a b'aab'ainaki iroun te kabae te aine ke te kabae te m'aane.

Itaia 62:11

Ao aei te b'ai ae e taekinna te UEA i bukin te aonnaba ni kabane b'a a na ongo: “N na roko te tai ae e aki maan b'a N na kamaiua te kaawa are Tion, ao n anganiko kaniwangam.

Ieremia 12:13

Au aomata, kam unika te uita, ma kam boboti taian uteute; a tia ni m'akuri korakora, ma bon akea ae a karekea. I bukin uniu ae korakora ao a mate aia ununiki!

Ieremia 17:13

Bon te koburake n ran Ngkoe ae e anganiia Iteraera te maiu ma te kaantaninga. Ma ngkana a aki kubara te b'ai ae Ko taekinna aomata ao a na kamaunaaki nako kaanga taian taeka aika a koreaki i aon te tano.

Ieremia 2:32

E aki konaa n ae na m'aninga ni katoka i aona te b'ai ni katikiraoi ngkana e na nako ni mare te aine ae na mareaki, ma ngkami kam a tia ni m'aninga taekau n te bong teuana ma teuana.

Ieremia 3:21

Kakauongo nakon taian karongoa mai aon taian tabuki! Bon aomatan Iteraera aika a tang ma ni buubutiai b'a N na kaekai aia tataro. A m'aninga taekau ao a rinea te kawai ae e kaairua.

Etekiera 22:12

Iai tabeman maibuakomi aika a butim'aea te m'ane i bukin tiringan temanna. A manga bon kabuuburai bakaon taian roun am aomata nakoia raoia n Iteraera, ao a kaub'ai n aia m'akuri ni keweakiia tabem'aang. Ao ae e rangi ni buakaka riki, kam a tia ni m'aninga taekau, ae te UEA ae te Atua.

Etekiera 23:35

Ko a tia ni katinanikuai raoi, ma ngaia ae, I berita b'a ko na katuaaeaki i bukin b'aai aika a rangi n ribaaki aika ko karaoi ngkai ainen mataawa ngkoe.

Otea 4:6

Kam a tia ni katinanikuai ngkami aika ibonga, ao a uruanaki au aomata i bukina ngke a rawa n ongo. Ma ngaia are, N na katinanikuingkami ma ni kaaki taekaia natimi, i bukina ngke kam a tia ni m'aninga taekan au tua.

Otea 8:14

Iteraera, I karikingkami, ma kam m'aninga taekau. Ko karaoi taian bareti ngkoe ma Iuta ao kaawa aika a matoatoa. Ao ngkai N na kanakoa te ai b'a e na urua ami kaawa nako ma taian nono.

Ioera 1:17

A m'au taian ati i nanon te tano; e aki konaa ni manga reke tain te tai. A aki raoiroi ara auti ni uita, ao akea te uita ae e na kaawakinaki iai.

Nakoaia Ibonga 26:16

N na katuuaingkami korakora, ao kam na uruaki. Kam na aoraki n te aoraki ae e aki kona ni katokaki, ao te biiua ae e na karika te matakii ma te rawaawata. A na kang uaan arokami ami kairiribai,

Nakoaia Ibonga 26:20

A na akea bonganan ami m'akuri korakora—ao a na akea naba ami uaa aika uangingi ma ami uaanikai ae kam na tai.

Amota 5:11

Kam a tia ni karawawataia aika kainano ao ni kurib'ai aia uita. Ao kam na bon aki maeka n auti atibu aika tamaroa aika kam karaoi ke ni mooi ni wain man ooni kureebe aika kam uniki

Ab'akuka 3:18

Ma e ngae n anne ao I bon kukurei naba b'a E kakaawakinai te Atua.

Teb'ania 1:13

Ana kurib'aiaki kaub'aia, ao ana uruakaki mwengaia, ana bon aki kona ni maeka ni mwengaia aika a karaoi, ke n nim aia wain mani nnen arokaia kureebe.”

Te Tua-Kaua 28:30

Ane a na kabae ami m'aane, ma i m'aain are a mare ma ana kabae, ao e na tauaki buuna irouia aia tautia ami kairiribai. A na katea aia auti ami koraki tabeman, ma bon akea ae na maeka iai. Ngkana kam unika te kureebe, ao kam na bon mate i m'aain taian te moan uaa.

Te Tua-Kaua 32:15

Iteraera, ngke kam a marikarika, ao kam a kakaitaraa te UEA are ami Tia Karikib'ai; kam rawa nakon te B'a ae Korakora, are bon ti Ngaia ami tabo n rawei maiumi.

Te Tua-Kaua 32:18

Kam rairaki nako mairoun te Atua, ae ami Tia Karikib'ai, kam m'aninga taekan te B'a ae Korakora, are bon oini maiumi.

Te Tua-Kaua 32:31

E ngae ngke a ataia ara kairiribai ae bon ti Atuara ae te B'a ae Korakora.

Te Tua-Kaua 32:4

Bon te b'a ae korakora te UEA, ao e aki roko n te karaoa te kaairua. E kona n onimakinaki n taai nako b'a boni Ngaia are E kona ni uota te motikitaeka ae eti.

Te Tua-Kaua 6:12

ao kam na aki m'aninga ae bon te UEA ae kainaomataingkami man te toronaki i Aikubita.

Te Tua-Kaua 8:11

Kam na riai ni kakoauaa b'a kam na aki m'aninga te UEA, ke n aki ongotaeka nakon ana Tua ma ana Reirei ake I a tia n anganingkami n te bong aei. Ngkana kam ongotaeka nako iai n taai nako,

Te Tua-Kaua 8:14

Ma ngkana a riki baikai, ao kam na aki kainikatonga. Kam na aki m'aninga ae bon tooro ngkoa ngkami i Aikubita, ao bon te UEA ae kainaomataingkami.

Te Tua-Kaua 8:19

Ma I kauringngkami—b'a ngkana kam m'aninga taekan ami UEA ae Atuami, ao kam a manga taromauriia atua tabeman, ao E na tiringingkami te UEA, n aron tiringaia botannaomata ake kam buakaniia.