Itaia 16:6 - Te B'aib'ara

⁶ Ti a tia n ongo kainikatongan Moaaba. A taningamatoa ao a kamoamoa kaaina, ma bon akea uaana.

Itaia 16:6 ပူးပေါင်းရင်းမြစ်များ

Taeka n Rabakau 21:24

Ngkana kam kainikatonga ao kam kamoamoa, ao ane a na atongko aomata ni kaangai, “Te kakan rietaata!”

Itaia 15:1

Aio te rongorongo i bukin Moaaba: A kamaunaaki kaawa aika Are ao Kiri n te tairiki. E tiku n urubekebeke Moaaba!

Itaia 2:11

Ngkana e roko te UEA, ao a na kananorinanoaki aomata ngkoa ake a kamoamoa, ao e na neboaki te UEA n ti ngaia.

Itaia 25:10

E na kaawakina te maunga aei bain te UEA ae e m'aaka. Ane a na kab'akaaki kaain Moaaba ma ni booketaketa kaanga taian b'ab'ati ni uteute i nanon te m'arua i bukin nakotariia maan.

Itaia 25:11

Ane a na inimaki ni kakaaea angan otinakoia, ma e na kab'ainrangiia te Atua e ngae ngkana a kai nanoia.

Itaia 28:15

Tao kam taku b'a kam karaoa ami boraraoi ma te mate ao aia aonnaba maate? E aera ngkai kam onimakin ami kewe b'a kamaiuami man te kabuanib'ai ao te ieka ae e korakora?

Itaia 28:18

Ane e na uruaki ami boraraoi ma te mate ao aia aonnaba maate. Ao i mwiina, ane e na rabuningkami naao aika a ngare ma ni b'aro.

Itaia 44:25

I kariki aia kewe burabeti ni kewe ao nanobabaia taani kaiwa. I anaa wanawanan te aomata ao I karikia b'a te b'ai ae akea nanona.

Ieremia 48:14

Ko taekinna b'a a korakora ma n ninikoria am tautia.

Ieremia 48:26

Kaain Moaba, kam taku b'a kam korakora riki nako iu. Ma N na tuangiia botannaomata tabeua b'a a na kamangingkami ao a na ngareakiningkami ngkana kam b'aka n rukurukumaki i nanon mumutami.

Ieremia 48:42

E a roko n tokina am botannaomata, i bukina ngke ko a tia ni kataia ni kaaitaraai, Ngai ae te UEA.

Ieremia 50:36

E na kakoauaaki n te buaka aei b'a bon taani kewe ao taian nanobaba ami burabeti. Ao ane e na kakamaakuia ami taani buaka.

Amota 2:1

E taku te UEA, “A teimatoa ni kakaraoa te bure kain Moaba, ao N na bon katuaaia i bukin aei. A tia ni kamatauninga riia uean Etom, ngke a kabuoki ni kamannangii.

1.Betero 5:5

Ao i bukimi ngkami aika kam ataei riki: kam na aan-taeka irouia unimm'aane. Ao kam na b'aina te nanorinano n aromi n i torotoro iroumi; b'a e kaangai te B'aib'ara: “B'a E ekianako akana kainikatonga te Atua, ao E akoia akana nanorinano.”