Itaia 16:2 - Te B'aib'ara

² Ti te bo ainen Moaaba ake a ri nanon te Karaanga are Arenon ma te nanai ni man ni kiba ake a tionako mani ngaoia.

Itaia 16:2 ပူးပေါင်းရင်းမြစ်များ

2.Uea 3:4

E tauaki taekan te aba are Moaaba irouia Iteraera i nanon ririki aika a bati, ao e kairoroaki b'a e na kab'aka te roo n rab'ata nakoia uean Iteraera. E karikirakea te tiibu uean Moaaba are Metia, ma ngaia are, e angaangan uean Iteraera tebubua te ngaa te tiibu teteei, ao taian burae n tiibu man tebubua te ngaa tiibu m'aane.

Taeka n Rabakau 26:2

Te kamaraia ae bon tiaki mwiin am m'akuri e na anai baina ni kiba ma ni kiba nako kaanga te tibaro ke te tuwaaro.

Taeka n Rabakau 27:8

Ngkana ko raroa nako ma ni mwengam, ao ko namakinna b'a kaanga ai aron te mannikiba ngkoe ae akea ngaona.

Itaia 13:14

A na bane ni biri nakoni mwengaia aomata nako, kaanga aron birin te ria ae e kakioaki, ao tiibu aika a uamaae nako ngkana akea te tia kaawakin tiibu.

Ieremia 48:20

Ane a na kaeka ni kaangai, “E a tia Moaba n taenikai! Kam na kaai n tang ma ngaira ma te mamaa. Tuangiia aomata ni kabane n te Karaanga are Arenon b'a e a uruaki Moaba.”

Ieremia 48:46

Kaain Moaba, kam taromauria ngkoa Kemoti, are antimi, ma ngkai kam a reke n te kaangaanga, ao a na riki natimi b'a taenikai i abaia ianena.

Ieremia 48:9

Kab'akai taian taoro i aon te tano n tiringi arokan te tawaana. Katikui kaawana b'a a na tiku n uruaki, ao akea ae e na maeka ikekei.

Warekaia Iteraera 21:29

Ai kaawara ngkami kaain Moaba! E boni manga tewenakoingkami atuami are Kemoti, a na tauaki b'a taenikai, ma ni uotaki nako iroun te uea are Taion are kaain Amora.

Te Tua-Kaua 2:36

Ao E buokiira naba te UEA n taui kaawa ni kabane ni moa man te M'arua are te Arenon nako iaang nakon tian Kireata, n reitaki naba ma te kaawa are Aroera are i mataniwiin te m'arua, ao te kaawa are i nuukan te m'arua.

Te Tua-Kaua 3:12

“I anga tabeua te aba mai buakon aaba ake ti taui nakoia te baronga are Reuben, ao Kaata. E moanaki tib'aia mai meangin te kaawa are Aroera are e kaan ma te Karaanga are te Arenon, ni ikotaki ma tabeua kaawan Kireata ake a kirimaungaunga.

Te Tua-Kaua 3:8

“A tia n tautaekana te abanuea are Amora are i mainikun te Karaanga are te Ioretan uea ake Taion ao Oka. E moa abaia man te Karaanga are te Arenon i maiakin te Maunga are Oman are i meang, ao a reke iroura ni kabane.

Iotua 13:16

Tian abaia mai maiaki bon te kaawa are i nukan te m'arua are Arenon, ma te kaawa are Aroera, are i mataniwiin te m'arua anne mai meang, ni karokoa aaba ake a aoraoi ake i meang i rarikin Meteb'a.

Tani Motiki-taeka 11:18

Ao tabeua te tai i mwiina, ao a m'ananga nako Iteraera nakon te rereua, n ri mainikun Etom ao Moaaba, ao a manga kaemb'a i mainikun te Karaanga are uarereke are Arenon. Bon tian Moaaba mai mainiku te Arenon, ao ngkai a aki ri nanona Iteraera, ao a bon aki roko naba n te toua tanon Moaaba.