Itaia 15:5 - Te B'aib'ara

⁵ Ai kaawara Moaaba! A biri nako kaaina nako Toa ao nako Ekerata-Teritiia. A tang i aon kawaia ni waerake nakon te kaawa are Ruita; A taekina rongorongon te kabuanib'ai i aon te kawai nako Oronaim.

Itaia 15:5 ပူးပေါင်းရင်းမြစ်များ

Karikani B'aai 13:10

Ao e taratara nako Roota, ao e noora te aba are ni m'aruan Ioretan nako Tooa b'a e m'aiti te ran iai kaanga ai aron nnen arokan te UEA.

Karikani B'aai 14:2

A nako ni buakaniia uea ake niman ake Bera are uean Tootom, Biretia are uean Komora, Tinaba are uean Atema, Temebera are uean Teboiim, ao uean Bera (ke Tooa).

Karikani B'aai 19:22

Kawaekoaingkami! Biiri! Bon akea te b'ai ae N na karaoia ni karokoa rokomi raoi ikekei.” I bukina ngke e atongnga Roota b'a te kaawa ae uarereke, ao e a aranaki b'a Tooa.

2.Tamuera 15:23

Ao a bane n tang kaain Ierutarem ngke a m'ananga Tawita ma aomata ake iria rirarikiia i aoni kawaia n nako. E kairiia Tawita ri nanon te M'arua are Kiteron ao n te kawai nakon te rereua.

2.Tamuera 15:30

Ao e waaki nako Tawita nako karaabeen te Maunga are Oriweta. E bon aki kaunna ao e tang, ao e karabaa atuuna ni kaota rawawatana. Ao a bane n tang ake iria, ao a rabuni naba atuuia.

Itaia 16:14

Ao e taku ngkai, “E raoiroi ae ti tenua te ririki maanin aia tai taani m'akuri ake a kabooaki, ma e na bon aki maan riki nakon anne mimitongin ma kakannaton Moaaba. A na ti tabeman aomatana n tiku ni maiu, ma a na tiku n akea aroia.”

Itaia 22:5

E a tia te UEA ae Moan M'aaka n rinea te tai are e na kaonaki iai te M'arua are Kaotioti n taian takaarua ao taiani kamangaongao, ao te tai naba ni butiia taiani maunga b'a a na buokiia.

Itaia 59:7

Kam waetata nakon karaoan te kaairua ke tiringan konami aika akea aia bure. A akea riki te b'ai ae kam iaiangoia i rarikin te bure; a tiku n urubekebeke taabo akana kam kiitan.

Ieremia 13:17

Ngkana kam rangi ni kamoamoa ni kakauongo, ao N na tanginiwenei n ti Ngai. A na raanga nako rannimata mai matau ngkana a uotaki nako ana aomata te UEA b'a taenikai.

Ieremia 17:16

Ara UEA, Ko rineai b'a N na kaawakiniia Am aomata, ao bon anne te b'ai ae I a tia ni karaoia. Ko atai b'aai ni kabane aika I a tia n taekin, ao bon akea te tai teuana ae I butiiko iai b'a Ko na katuaaia iai.

Ieremia 4:19

I aki konaa n taona te maraki! E ikeike buroou, ao I nib'araa ao I minominotaki ni korakain nanou. I ongo tangin te bu are te kanikina ao karongoaan te keekee ni buaka mairouia kairiribai, ao I a aki konaa ni kainab'aabu.

Ieremia 4:20

I nooria kairiribai ngke a konaira n te tai teuana ma teuana ma ni katikui b'aai i mwiia n urubekebeke. E bon uruaki naba mwengau ni bon te tai naba anne.

Ieremia 48:3

Ane a na tangira buokaia kaain Oronaim, ngkana e a buakanaki aia kaawa ma n uruanaki.

Ieremia 48:5

ao a na tang i aoni kawaia ni waerake nakon te kaawa are Ruita; A na tuangaki taekan taiani kabuanib'ai i aon te kawai nako Oronaim.

Ieremia 50:46

E na ongo te aba karongoaan uruakakimi i buakoia botannaomata nako, ao e na ruru te aonnaba.

Ieremia 9:10

I tang i bukin te tabo n uteute are i aon te aba ae e tabukibuki. Ai bon akea kain aona, ao e mate tanona n te kabuebue n te aro are bon akea te tia m'ananga ae e kan rikekei. Bon akea te kao ae e konaa ni kuneaki ikekei, ao a bane n tia mannikiba ma maan aika a aki manana ni mauna nako.

Warekaia Iteraera 21:29

Ai kaawara ngkami kaain Moaba! E boni manga tewenakoingkami atuami are Kemoti, a na tauaki b'a taenikai, ma ni uotaki nako iroun te uea are Taion are kaain Amora.